ISAI 13:11 - Mara Bible RV (BSI)

¹¹ “Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 13:11 ပူးပေါင်းရင်းမြစ်များ

ZAWBÂ 40:12

Apalaipa maih tawpâpa ta panawh la, Moleipazy cha amâ duana su liata tlypâ mah y.

BIESOZY 11:31

Mosiapa hmahta alei liata viarithôpa ama châ khiahta cha, Moleipa nata hmoparaopa chhochhi cha, Khatlu ta pasa viapa ta viarithôpa ma ama châ aw tly!

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

ISAI 11:4

Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 14:21

Âmo pathlatuhpa moleina vâta, A sawchapawzy thie nawpa su a chhuahdy teh u; Chataleipatala thyu aw ei ta, Khizaw he hnei aw ei ta, Alei chô he khihpizy ta ama pabie pathlei aw na.’”

ISAI 14:5

Abeipa ta moleipazy sômasi cha thlie ta, Ryureituhpazy ryureina chôchahrei a thlie haw.

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 2:12

A palaipa nata a khotlâhpa nata a pasâhsapa zy cha, Ama chô liata chhiena a patlôsa nawpa noh Pheisaihzy Abeipa ta hnei ta, Panawhpa ama châ aw.

ISAI 2:17

Chyhsa apalaina cha panawhpa châ aw ta, Chyhsa apasâhsana chhao pahnaipa a châ aw; Cha noh liata cha Abeipa deita cheihchalopa châ aw ta,

ISAI 22:14

Pheisaihzy Abeipa ta ei nakhaoh liata a vaw phualuah ta, “Nama thi hlâlei cha, He moleina he chatlaipa châ aw vei,” Pheisaihzy Abeipa Zehôvâh ta a tah.

ISAI 23:9

He hmo he Pheisaihzy Abeipa hmochhuahpa a châ. Amâ palaikheipa rônahna zydua papuapalei ta, Lei chyhsa zachhihpazy noh pazao nawpa ta, Pheisaihzy Abeipa ta tao â chhuahpa hmo a châ.

ISAI 24:21

Cha noh liata, vâmo a palaipazy cha, Abeipa ta avâ liata hrie aw ta; Lei beizy chhao, Lei liata a hrie aw ei.

ISAI 25:3

Chavâta phopi thatlôpazy ta cha parônahsa aw ei ta, Râh chichhihpa khihpizy ta ama cha chi aw.

ISAI 25:5

Râh raohpa liata noh lopa hawhta a châ. Chihropazy palopasahna pyu padia chi ta, Meihdo nohpahli ta noh lopa a padiapa hawhta, Nôchhiepa hla cha chalihsapa a châ.

ISAI 26:21

Moh teh u, lei chyhsazy ama paraona vâta hrie awpa ta, Abeipa cha a yna tawhta vaw pua aw ta, Alei ta a chô liata thisaih palopazy palâhâh aw ta, Ano liata ama thiepazy nyu khao aw vei.

ISAI 29:20

Nôchhiepa leidia aw ta, Pahneisaotuhpa â chalih aw; Hmo pha leipa lâta a mo a padeihpa zydua cha, Chhawh pathlahpa ama châ aw.

ISAI 29:5

Châhrasala chihropa na chariahpa hluhpizy cha, Dohlei dipa hawhta châ aw ei ta; Nôchhiepa manôh hluhpizy chhao, Saviah a zawpa hawhta ama châ aw. Movi hlâta, eikhapi ta,

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 5:15

Chyhsapa cha panawhpa ta y tyh ta, Chyhsa to pahnaipa ama châ tyh; Ama mo a sâhpazy cha, Pahnaipa ama châ tyh.

ISAI 65:7

Nama paraonazy viari cha thô aw ei na ta, Châ pathlatuhpazy paraona viari chhao ei cha thô aw ei,” Abeipa ta a tah. “Tlâhpizy liata ropahâhpazy rao ei ta, Tlâhthlôhzy liata eina reipachhiepa vâ ei ta, Ama hmotao parohpazy kha, Ama kalachhôh liata ei panuapa aw ei,” Abeipa ta a tah.

ZEREMIAH 48:29

Môabâ apalaina thâtih eima thei, Â vaw khotlâh chaimâh. Â pasâhsazie nata â palaizie thei pi ta, Â khotlâhzie nata a palôh laizie eima thei.

DÂNIAH 4:34

Cha nohzy chhâna liata, kei, Nebukaneza cha avâ lâ ei mo kaw khaih na ta, chatanachata ei pahnona cha kei lâta vaw kua heih ta, Chônôchaipa cha reithai na ta, tlyzaw ta a hrohpa cha reithaipa ta ei palyupalih. A ryureina cha tlyzaw ryureina châ ta, A khinarâh chhâ zydua ta â duah.

HABAKU 2:4

“Moh tua u, moleipa palôh cha a palai kaw ta, Ano liata adona y vei; Mosiapa deikua cha, Â ngiapâna ta a hroh aw.