ISAI 12:6 - Mara Bible RV (BSI)

⁶ Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 12:6 ပူးပေါင်းရင်းမြစ်များ

HLAZY 132:14

Abeipa ta hetana heta a tah: “He he chhâzaw ta ei pahâ nawpa su châ ta, He su he ei khopa a châpa vâta, He liata ei pahrâ aw.

HLAZY 135:21

Abeipa cha Zaio tawhta reithaipa ta y sala, Zerusale liata a pahrâpa cha reithaipa ta y mawh sy! Abeipa cha reithai teh u!

HLAZY 46:5

Khihpi liah liata Khazohpa pahrâ ta, Khihpi cha a chalyu aw vei; My khihdei tita Khazohpa ta a bao tyh aw.

HLAZY 68:16

Hy tlâh laki saih u, Khazia Khazohpa ta a pahrâ nawpa ta a khopa tlâh cha, A haopa ta moh ei chi ta, Tlyzaw ta Abeipa pahrâ nawpa tlâh cha, A haopa ta nama moh tly?

HLAZY 71:22

Na ngâchhihna vâta, Hy Khazohpa, Totâ ta cha reithai aw na ta; Hy Izarei Mo Pathaihpa, Tlaipih ta cha reithaipa ta ei sa aw.

HLAZY 89:18

Eima vyhphao cha Abeipa eih châ ta, Eima bei cha Izarei Mo Pathaihpa eih a châ.

HLAZY 9:11

Zaio beidyuchhai liata a tyuhpa, Abeipa lâ reithaina hla sa u la; Phopizy hnohta a hmotaopazy chho teh u!

HLAZY 99:2

Abeipa cha Zaio liata rônahpa châ ta, Phopi zydua chô lâta cheihchalopa a châ.

ISAI 1:24

Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 10:24

Chavâta Pheisaihzy Abeipa Zehôvâh ta hetana heta a tah: “Hy ei phopi, Zaio liata a pahrâpa y, Izi mo taozie hawhta, Asuria ta sômasi ta cha chheipa ta, a chôchahrei cha hy thlu hra sala, Asuria cha chi khah y.

ISAI 24:14

A paropa ta ao papuapa ta, Abeipa rônahna cha hla ta sa aw ei ta, Tilaipi tawhta thata ama awh aw.

ISAI 24:23

Pheisaihzy Abeipa ta Zaio Tlâh nata Zerusale liata ryureih ta, A machâzy hmiakô liata A rônahna chaluahpa a châ tita; Thlâpâ khi hmiachhiepa ta y aw ta, Noh chhao nohzaopa ta a y aw.

ISAI 30:19

Hy Zerusale liata a pahrâpa Zaio phopi y, cha khao aw va chi. Na awna ao vâta Abeipa ta cha ngiachhie tlai aw ta, a theipa nahta, a cha chyh-ei aw.

ISAI 33:21

Cha liata Abeipa cha a rônahna chhaota, Eima châta chavah kawhpa hawhta châ aw ta, Vahtiepazy hawhta a châ aw; Cha liata balyh hiana chhaopazy sie leipa aw ei ta, Balyh laipazy ta siepahlie aw veih ei.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 40:9

Hy Zaio lâ thâtihpha a tlôkheituhpa y, Tlâh sâhpa lâ khi kiah mah y. Hy Zerusale lâ thâtihpha a tlôkheituhpa y, Hmotaotheina chhaota na ao papua mah y. Chi leipa ta na ao papua la, Zudâh khihpizy hnohta, “Nama Khazohpa he moh teh u!” tah mah y.

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 54:1

“Hy chanô chohpa, Nâ, saw a sa beih leipa y, Hla sa la; Nâ, nawh a zeih beih lei nô y, Hla sapa ta awh teh! Vahpa chhaopa chanô sawzy hlâta, Chanô kypa sawzy ama hluh via bâ aw,” Abeipa ta a tah.

ISAI 60:16

Phopizy sâhpiti pazy aw chi ta, Beizy sâhpi nâ ngieh aw. Chatanachata kei he Abeipa châ na ta, Châ Pachhatuhpa ei châpa na pahno aw; Châ Chatlaituhpa châ na ta, Zakaw Thatlôpa ei châpa na pahno aw.

ISAI 8:18

Moh teh u, kei nata Abeipa ta eina piepa sawzy he, Izarei liata ngiana nata pamosanazy châta Zaio Tlâh liata a pahrâpa Pheisaihzy Abeipa ta a hmâpazy eima châ hih.

ZEREMIAH 10:6

Hy Abeipa, nâ hawhpa he ahy hmah y veih ei; Nâ cha rônahpa châ chi ta, Thatlôna liata mohpathâhpa na châ.

EZEKIA 35:10

“‘Phopi mianopa nata râh mianopazy cha kei eih châ aw ei ta, keimo ta eima hnei aw,’ tah chi ta, cha râh liata Abeipa a y thlâh hapa chhao ta, cha hawhta na tahpa vâta,

EZEKIA 39:7

“Ei phopi Izarei hry liata ei moh pathaihpa palâsa aw na ta, ei moh pathaihpa papuapalei heih awpa pasaih khao aw va na. Chatanachata phopizy ta kei he Abeipa, Izarei Mo Pathaihpa ei châ tahpa ama pahno aw.

EZEKIA 43:7

Ei hnohta, “Chyhsa sawchapawpa y, he su he ei beidyuchhai y nawpa nata ei pheipazah tly nawpa su châ ta, Izarei sawzy hry liata chhâzaw ta ei pahrâ nawpa su a châ hih. Chatanachata ei moh pathaihpa cha, Izarei pathlazy ta papuapalei khao aw veih ei. Âmo nata ama beizy ta ama sihryhna ta papuapalei khao leipa aw ei ta, ama su sâhpazy liata ama beizy ri pabupa ta papuapalei khao aw veih ei.

EZEKIA 48:35

“Khihpi padôpa ta a seihna zie cha dy 18,000 châ aw ta, cha noh tawhta cha, khihpi moh chhao, Zehôvâh Sâmâ tahpa a châ bâ aw.”

EZEKIA 48:8

“Zudâh râhri nochhi lâ tawhta notla lâta siepa ta, Abeipa lâ hlâ awpa râh na pahlôh aw. A hâ dy 25,000 châ aw ta, a doh lâ cha, nochhi tawhta notla lâta thliepa ta, chi kha topa râh nata a kho aw ta, a liah liata supathaihpa a y aw.

HÔSIA 11:9

Ei hiehâhpa ta hmo tao khao leipa aw na ta, Kuahnaopa ta Epharai cha parao khao aw va na. Chyhsapa châ leipa na ta, Khazohpa ei châ; Nama hnohta a ypa Pathaihpa châ na ta, Pathi iapa ta a vy aw va na.

ZÔELA 2:27

Izarei hry liata ei y tahpa pahno aw ei chi ta, Kei he Abeipa nama Khazohpa châ na ta, Khazoh hropa y vei tahpa nama pahno aw. Ei phopi cha, Maophyuhpa ta y heih khao aw veih ei.”

ZEPHANIA 2:5

Nâmo, tilaipi kiah liata a pahrâpa Khere phopi y, Nama hu a po na! Nâ, Kâna, Philistinâ râh y, Abeipa bie ta a châ dyuh; Râh liata a pahrâpa pakha hmah y khao leina taihta Ei cha pahleipadia aw.

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

ZEKARIA 2:9

Pachâ teh u, ama chô liata ei ku hy aw na ta, âmo seizy tlai ta ama hrao aw. Chatanachata Pheisaihzy Abeipa ta eina tuah tahpa nama pahno aw.

MALUHREINA 23:21

Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.

RYHPACHANEINA 23:15

“A zibeipa a râsai ta nâmo châ vaw ngaipa sei cha, a zibeipa lâ nama pakuasa awpa châ vei.