ISAI 12:2 - Mara Bible RV (BSI)

² Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 12:2 ပူးပေါင်းရင်းမြစ်များ

2 SAMUELA 7:24

Chatanachata na phopi Izarei cha chhâzaw ta nâma phopi châ awpa ta padua chi ta, nâma tlai cha, Hy Abeipa, ama Khazohpa na vaw châ haw.

ZAWBÂ 13:16

He he ei pachhana cha a châ, Khazoh pahno leipazy cha, A hmiakô liata a vy thei aw veih ei.

HLAZY 112:8

A palôh a i ta, Pahniena ta a khakhaipazy a moh hlâlei cha, A thlazoh aw vei.

HLAZY 118:14

Abeipa cha ei thatlôna nata ei hla châ ta, Ei pachhana a vaw châ haw.

HLAZY 118:21

Hy Abeipa, na chyhei chi ta, Ei pachhana na châpa vâta, Alyna bie ei cha hlâ.

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

HLAZY 65:6

Na thatlôna ta tlâhpizy padua chi ta, Na hmotaotheina ta na pa-i.

HLAZY 68:20

Eima Khazohpa cha pachhana Khazohpa châ ta, Thina tawhta puana chhao, Abeipa, zibeipa liata a y.

HLAZY 68:21

A chariahpazy deikua cha, Khazohpa ta ama luh chhawh pathlah aw ta, A thaileichâna lâpi a chhihpa hrôtô a chhawh pathlah aw.

HLAZY 83:18

Nâ deita he Zehôvâh moh a phaohpa châ chi ta, Khizaw zydua liata Chônôchaipa na châ tahpa ama pahno aw.

PUASAINA 15:2

Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

ISAI 10:24

Chavâta Pheisaihzy Abeipa Zehôvâh ta hetana heta a tah: “Hy ei phopi, Zaio liata a pahrâpa y, Izi mo taozie hawhta, Asuria ta sômasi ta cha chheipa ta, a chôchahrei cha hy thlu hra sala, Asuria cha chi khah y.

ISAI 17:10

Na pachhana Khazohpa my ha chi ta, Nâ chhaina Lôpanô nâ thei khao leipa vâta, Tho pha chaipazy bôpa ta, Râh hro lâ tawhta kre chiah loh chi ta,

ISAI 27:5

Cha ta a châ vei khiahta cha, Ei thokhy liata a vaw chhai ei sala, Nâ vaw dyh mawh ei sy, Nâ vaw dyh mawh ei sy.”

ISAI 32:2

Thlih tawhta anyuna su châ chyu aw ei ta, Chothyu tawhta anyuna su ama châ aw. Su chawhpa liata vahtie tizy hawhta châ aw ei ta, Râh rietheipa liata lôpanô nohpahli hawhta ama châ aw.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 38:20

Abeipa ta na pachha aw ta, Chavâta ei hro chhôh zydua ta Pyungiapa ri chhaopa tôpa ta, Abeipa o liata hla ei sa aw.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 49:5

Abeipa mohmô liata palyupalihpa ta y na ta, Ei Khazohpa cha ei thatlôna a vaw châ hapa vâta, Ano lâta Zakaw a chhi pakhua heih ta, A hnohta Izarei pahmaoh heihna raihria liata A chakaotuhpa châ awpa ta, Chhi tawhta nâ paduatuhpa, Abeipa ta hetana heta a tah:

ISAI 50:10

Nama hry liata ahy ei Abeipa cha chi ta, A chakaotuhpa bie a zyh tly? Zohna liata chareipa ta Khaihna rai a hnei leipa chyhsa chata, Abeipa moh cha ngâ sala, A Khazohpa cha a ngâchhâ mawh sy.

ISAI 51:12

“Kei, kei tlai he nâmo thlah châ palôhtuhpa cha ei châ; Thi theipa chyhsapa tlai a chi thlâh hapa chi cha, Ahy ma na vaw châ ha tly? Sibiepa hawhta taopa chyhsa sawchapawpa tlai a chi thlâh hapa chi cha, Ahy ma na vaw châ ha tly?

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 62:11

Pachâ teh u, Abeipa ta phuah ha ta, Khizaw kaokih taihta a phuah haw. “Zaio sawchanô hnohta hetana heta tah teh u: ‘Moh teh, na pachhana cha a vaw tlô haw, Lymâ a pie awpa ano liata y ta, Pahleipa a thô nawpa a hmiakô liata a y.

ISAI 65:18

Châhrasala hmo ei taopazy liana heta Thaphapa nata alypa ta khâ y teh u. Moh teh u, Zerusale cha alyna châta tao na ta, A khihsawzy chhao thaphana châta ei tao.

ISAI 7:14

Chavâta Abeipa tlai ta ngiana a cha pie aw ei. Pachâ teh u, laihsa kôpa ta saw phaoh aw ta, sawchapaw sa aw ta, a moh Imanuel a bi aw.

ZEREMIAH 23:6

“Zudâh cha ano ryureina daihtizy liata pachhapa châ aw ta, Izarei chhao â bohpa ta a y aw. A moh cha Zehôvâh Sede a châ aw.

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

DÂNIAH 3:28

Chatawhcha Nebukaneza ta hetana heta tah ta, “Sâdarâka, Mesâka nata Abenekô zy Khazohpa cha reithaipa ta y mawh sy! A vâlyuhchâpazy za tuah ta, ano ngâpa ta a chakaotuhpazy cha a pachha ha ei. He chyhsazy heta âmo Khazohpa dei leipa ta cha khazoh hropa rai a chhy lei awpa ta ama pôhpa amâ hlâ hapa vâta abei biepiepa chhao zyh leipa ta ama y.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

ZÔELA 2:23

“Hy Zaio sawzy saih u, Thaphapa ta y u la, Abeipa nama Khazohpa liata a ly teh u. Namâ dona palâsa nawpa ta, Abeipa ta khihti hmiatuapa cha pie ei ta, Nama châta khihti a paphasa ha hih; Hlâno daihti hawhna khata, Khihti hmiatuapa cha pie heih ei ta, Khihti hnôh chaipazy a cha pie heih ei hih.

ZAWNA 2:9

Kei deikua cha alyna ao chhaota Atheihna cha hlâ aw na ta, Bie ei taih hapa cha ei pie aw. Pachhana cha Abeipa eih a châ,” tah ta.

HABAKU 3:18

Abeipa liata a ly aw na ta, Ei pachhana Khazohpa liata khâ ei ly aw.

RAWMA 1:16

Thâtihpha cha zakhei tlôh lei khâh na ta. Ahy rai a ngiapâpa maih châta pachha châ nawpa ta Khazohpa hmotaotheina châ tlôh ta, a hmiatua ta Zu chyhsa châta châ ta, Krikâh mo châta chhao a châ.

1 TIMAWTHY 3:16

Khazohpa pahnona bienyupa cha a rônah ngaita, reipasipasua awpa y vei: Sapa ta a vaw luah ta, Thlahpa ta thai pachâsa ta, Vâlyuhchâpazy ta ama hmô. Phopizy hry liata phuahpa châ ta, Khizaw ta a ngiapâ ta, Rônahpa ta chô lâ a chhipa a châ.

BIEPHUAH 7:10

Chazy chata ao paro ngaitapa ta, “Pachhana cha Beidyuchhai liata a tyuhpa eima Khazohpa nata Mietakutaw eih a châ!” tahpa ta awh ei ta.

1 SAMUELA 2:1

Chatawhcha Hânâ cha hetana heta thlahchhâ ta, “Abeipa liata ei palôh a ly ta, Abeipa liata ei ki chaluahpa ta a y. Na pachhana liata ei lypa vâta, Ei chariahpazy chô liata ei pakah a kawh thei bâ aw.