ISAI 12:1 - Mara Bible RV (BSI)

¹ Cha noh liata hetana heta na tah aw: “Hy Abeipa, alyna bie ei cha hlâ; Ei chô liata na hie vaw hâh ha hra sala, Na hiehâhna chalihsa chi ta, Thlah eina palôh ha chi.

ISAI 12:1 ပူးပေါင်းရင်းမြစ်များ

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

ZAWBÂ 11:16

Na nôpona my aw chi ta, Na moleina cha, Ti a loh pathlah hapa hawh dei nâ thei aw.

ZAWBÂ 13:16

He he ei pachhana cha a châ, Khazoh pahno leipazy cha, A hmiakô liata a vy thei aw veih ei.

HLAZY 30:5

A hiehâhna cha buakha châ deita châ ta, A khokheina deikua cha hro chhôh châta a châ. Zâ chhôh ta chana y hra sala, My ta alyna a vaw tlô tyh.

HLAZY 71:21

Ei rônahna papôhsa aw chi ta, Thlah eina palôh heih aw chi.

HLAZY 85:4

Hy eima pachhana Khazohpa, Miah paduapathi heih la, Eima chô liata na ruchhôna papai mah y!

HLAZY 86:17

Hy Abeipa, na baopa ta, Thlah na palôh ha chi ta, Na khokheina ngiana na pahmô mah y; Nâ haotuhpazy ta hmô ei sala, Hmiachhiepa ta ama yna hâh ta.

HLAZY 9:1

Hy Abeipa, ei pathipalôh tlokhuh ta cha reithai aw na ta, Na hmotao noâhpa zydua ei phuah aw.

ISAI 10:25

Bohpi leipa liata ei pathiiana pai aw ta, ei hiehâhna cha âmo pahleipadiana lâ â heih bâ aw.

ISAI 10:4

Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 11:16

Izi râh tawhta ama kaw pua nota, Izarei châta lâlai a ypa hawhna khata, A phopi laibâhpazy châta chhao, Asuria râh tawhta lâlai a y aw.

ISAI 14:3

Chatawhcha hetana heta a vaw châ aw. Nama pachârôhna, namâ tymâna nata rai ru ngaitapa ama cha pahriasapa zy tawhta apahâna Abeipa ta a cha pie ti ei ta,

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 25:9

Cha noh liata hetana heta ama tah aw: “Moh teh u, he he eima Khazohpa cha châ ta, Miah pachha awpa ta eima hâpa Khazohpa cha a châ hih. He he Abeipa cha châ ta, Ano tlai he eima hâpa a châ hih. A pachhana liata a ly ei sih la, Thaphapa ta y ei suh u.”

ISAI 26:1

Cha noh liata, he hla he Zudâh râh liata ama sa aw: “Khihpi thatlôpa hnei pi ta, Cha khihpi pachha nawpa ta, Khazohpa ta khihpi cha, Thokhyzy nata diahsuazy ta a chhôh.

ISAI 35:10

Abeipa chatlaipazy cha kua heih aw ei ta, Hla sana chôta Zaio ama pangai aw. Chhâzaw alyna ama luh chô liata y aw ta, Thaphana nata alyna hmô aw ei ta, Pachârôhna nata ahrôna y khao aw vei.

ISAI 49:13

Hy avâzy saih u, thaphapa ta hla sa u la, Hy leilô y, a lypa ta y mah y. Hy tlâhpizy saih u, Lyna hla paryh teh u! Abeipa ta a phopi thlah palôh ha ta, A chyhsa pasa a taopazy a ngiachhie aw ei.

ISAI 51:3

Abeipa ta Zaio cha thlapalôh ta, A su rypa zydua thlah a palôh haw. A râhchawhpa cha Idâh hawhta tao ta, A sadi bypi chhao Abeipa sadô hawhta a tao haw. Cha liata alyna nata thaphana y aw ta, Alyna bie reina nata hla sana pyu zy a y aw.

ISAI 54:7

Buakhata cha siesai na ta, Châhrasala ngiachhiena rônahpa ta ei châ chhi heih aw.

ISAI 54:8

Bohpi leipa hiehâhna chyhta vâta, Ei hmia cha vaw nyu sai ha na ta, Châhrasala chhâzaw nôphana ta Ei cha ngiachhie heih aw,” Abeipa, châ Chatlaituhpa ta a tah.

ISAI 54:9

“Cha hmo cha, Ei châta Nôah hro no hawhna khata châ ta; ‘Nôah tizy ta alei vao khao aw vei,’ Tahpa ta bie ei vaw taih hapa hawhna khata, Na chô liata chhao, Hiehâh khao lei awpa ta bie a taih na ta, Cha ra khao lei awpa ta bie ei taih haw.

ISAI 60:10

Chihropazy ta na thokhyzy paduapathi aw ei ta, Ama beizy ta ama cha chakao aw. Ei hiehâhpa ta cha tu ei na ta, Châhrasala ei khokheina ta ei cha ngiachhie heih ei.

ISAI 61:10

Myuhneituhpa ta theihthaipa hawhta a luh a tobi ta, Myuh ta lôsôhpazy ta â tobipa hawhta; Abeipa ta pachhana chysiazy ta na tobi ta, Siana poh eina pabu; Chavâta Abeipa liata thapha ngaitapa ta y aw na ta, Ei Khazohpa liata ei hro â ly ngaita aw.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

ISAI 65:18

Châhrasala hmo ei taopazy liana heta Thaphapa nata alypa ta khâ y teh u. Moh teh u, Zerusale cha alyna châta tao na ta, A khihsawzy chhao thaphana châta ei tao.

ISAI 66:13

A nô ta thlah a palôhpa saw hawhta, Thlah cha palôh aw ei na ta, Zerusale liata thlah ei cha palôh aw ei.

ZEREMIAH 30:19

Ama hry tawhta alyna bie reina hlazy vaw pua aw ta, Thaphapa ta awhna pyuzy a vaw pua aw. Ama maluh papôh aw na ta, Maluh chyhta châ aw veih ei; Parônahsa aw ei na ta, Anawhpa châ aw veih ei.

ZEREMIAH 31:13

Chatawhcha laihsa kôpazy a lypa ta lâh aw ei ta, Satliapazy nata machâpazy thaphapa ta ama y aw; Ama mâchhiesana cha, Alyna pachâsa aw na ta; Thlapalôh aw ei na ta, Pachârôhna vyuhpa ta thaphana ei pie aw ei.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

ZEKARIA 1:16

Chavâta Abeipa ta hetana heta a tah: Zawngiahpa ta Zerusale lâ kua heih aw na ta, cha liata ei o sapa châ aw ta, Zerusale chô liata thliena ri parai heihpa a châ aw,’ Pheisaihzy Abeipa ta a tah.

ZEKARIA 14:20

Cha noh liata, arâ kaly liata “Abeipa châta Pathaihpa” tahpa ropa châ aw ta, Abeipa o liata thua beihzy cha maisâh hmia liata biebuh pathaihpa hawhta ama vaw châ aw.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

ZEKARIA 8:11

Tahmâ deikua cha, he phopi laibâhpazy chô liana heta, kha hlâta ei vaw taopa hawhna khata tao khao aw va na,” Pheisaihzy Abeipa ta a tah.

ZEKARIA 8:19

“Pheisaihzy Abeipa ta hetana heta a tah: Thla palihna kâhvileina, thla pangawhna kâhvileina, thla sarina kâhvileina nata thla hrawhna kâhvileina daihtizy he alyna nata thaphana lâta a lie aw ei ta, Zudâh châta alyna kyhchhizy lâta amâ lie aw. Chavâta adona nata adyhna pasô muh vy.

RAWMA 11:15

Âmo dythana hmahta khizaw aryhna a châ khiahta cha, âmo apyhna chhochhi cha, thina tawhta hrona leipa ta cha, khâpa a châ aw?