ISAI 11:9 - Mara Bible RV (BSI)

⁹ Ei tlâh pathaihpa liata cha, Apasasana rai y khao leipa aw ta, Aparaona chhao y khao aw vei. Tilaipi cha tizy ta a biepa hawhta, Leilô he Abeipa pahnona ta a bie khai aw.

ISAI 11:9 ပူးပေါင်းရင်းမြစ်များ

ZAWBÂ 5:23

Râh liata alôzy nata biehrai tao aw chi ta, Râhsazy ta ama châ dyh aw.

HLAZY 72:19

A moh rônahpa cha chhâzaw ta reithaipa ta y sala, Leilô zydua he a rônahna ta bie mawh sy! Amen! Amen!

HLAZY 78:54

Âmo cha a râh pathaihpa lâ a chhi ta, A ku chachâh lâta a pahniepa tlâhpi lâ â chhi ei.

ISAI 11:13

Epharai hiatliana lei aw ta, Zudâh a patypamâtuhpazy Chhawh pathlahpa ama châ aw. Epharai ta Zudâh chô liata a hiatlia khao leipa aw ta, Zudâh ta Epharai patypamâ khao aw vei.

ISAI 11:8

Hawti sâhpi a pazypa cha, Chyuphao khaoh chô liata palao aw ta; Hawti sâhpi a pathleih hapa chhao, Vâzi khaoh liata a ku a chahraoh aw.

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 30:26

Cha dei châ vei, Abeipa ta a phopi hmahphaopa chahry ta, âmo a tuna hmah a patlâh noh liata, thlâpâ cha noh tlu ta khaih aw ta, noh chhao a lie sari ta khaih aw ta, noh sari chhôh a khaihpa zie a khaih aw.

ISAI 32:16

Cha tina cha râhchawhpa liata adona charei aw ta, Lei phapa lyu cha siana ta a ypâ aw.

ISAI 33:6

Ano cha na hro chhôh ta nâ ichana a châ aw; Na pachhana sôhpa châ aw ta, Na sona nata na pahnona a châ aw; Abeipa china cha Zaio ryusôhpa a châ.

ISAI 35:9

Cha lâpi liata cha, Chakeibarôhneipa y leipa aw ta, Sahrâhpa a vy aw vei; Chazy cha, cha liata hmô awpa y leipa aw ta, Chatlaipazy ta, cha lâpi cha amâ chhih aw.

ISAI 45:6

Chatanachata kei he Abeipa châ na ta, Keima leipa ta Abeipa hropa y leipa ei ta, Abeipa hropa rai y veih ei tahpa cha, Noh chhina su tawhta noh tlana su taihta Chyhsazy ta ama pahno khai aw.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 52:10

Abeipa ta râh zydua mohmô liata A bâh pathaihpa chaluah ha ta, Khizaw kaokih zydua ta Eima Khazohpa pachhana cha ama hmô aw.

ISAI 54:5

Châ Taotuhpa cha na vahpa châ ta, A moh Pheisaihzy Abeipa a châ; Châ Chatlaituhpa chhao Izarei Mo Pathaihpa châ ta, ‘Khizaw zydua Khazohpa,’ Tahpa ta awpa a châ.

ISAI 56:7

Ei tlâh pathaihpa lâ a chhi aw ei na ta, Ei thlahchhâna o liata thaphapa ta ei paysa aw ei; Ama raopa hlânazy nata amâ theihnazy cha, Ei maisâh liata ei pyh aw. Ei o cha phopi zydua châta Thlahchhana o tahpa a châ aw.”

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

ISAI 66:18

“Ama hmotaopazy nata ama pachâpazy ei pahno. Râh to nata reih to ei chhipakhy nawpa daihti a vaw tlô hai. A vy aw ei ta, ei rônahna ama hmô aw.

ISAI 66:20

Nama unawhpa zydua cha, Abeipa lâta hmohlâpa châta râh to tawhta a vaw chhi aw ei ta, arâzy, talailihzy, asynazy, sabaituzy, râraoseihpazy kiapa ta ei tlâh pathaihpa Zerusale lâ amâ vaw chhi aw,” Abeipa ta a tah. “Izarei sawzy ta hmobaoh pathaihpa ta Abeipa o lâ niepa hlâna ama vaw cheipa hawhta, nama unawhzy cha Abeipa lâta hmohlâpa châta amâ vaw chhi aw.

ZEREMIAH 31:23

Pheisaihzy Abeipa, Izarei Khazohpa ta hetana heta a tah: “Vânoh ei patosa heih ti ei ta cha, he reikahzy he Zudâh râh nata a khihpizy liata ama hmâh heih aw: “‘Hy siana pahrâna su, Abeipa ta byhnâ cha pie sala; Hy tlâh pathaihpa, Abeipa ta byhnâ cha pie mawh sy!’ tahpa ta.

ZEREMIAH 31:34

Ahy hmahta ama vaih nata ama unawhpa cha, ‘Abeipa pahno teh,’ tahpa ta pachu khao aw veih ei. A chyh chaipa tawhta a lai chaipa taihta, ama zydua ta eina pahno ha aw ei,” Abeipa ta a tah. “Ama paraona cha a ngiahthai aw na ta, ama moleina chhao a thei khao aw va na.”

EZEKIA 34:25

“Ama hnohta thlalôhna biehrai tao aw na ta, sahrâhpazy cha râh tawhta ei pahlei aw ei. Chatanachata râhchawhpa liata â bohpa ta pahrâ aw ei ta, râhmâhpa liata amâ mô thei aw.

EZEKIA 47:5

Dy sâh kha thlie heih ta, ti cha a lai kaw bâpa vâta, ei chaka thei leipa chavah vaw châ ha ta. A zaw khi ta âthupa, chaka thei lei awpa chavah vaw châ ha ta.

DÂNIAH 11:45

Tlâh pathaihpa ngia ngaitapa nata tilaipi likawh liata â bei poh ozy rai aw ta, châhrasala a chhâna tlô aw ta, ano a bao awpa ahy hmah y aw veih ei.

DÂNIAH 12:4

Nâ deikua cha, Hy Dâniah y, chhâna daihti a tlô hlâlei cha, bie cha nyu la, châbu kha pakuh la khâchâ baipâ ha mah y. Chyhsa hluhpi a râhreih aw ei ta, pahnona a pôh aw,” tah ta.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

ZÔELA 3:17

“Chatanachata kei he ei tlâh pathaihpa Zaio liata a pahrâpa, Abeipa nama Khazohpa ei châ tahpa nama pahno aw. Zerusale cha khihpi pathaihpa châ aw ta, Chihropazy ta chapia heih khao aw veih ei.

HABAKU 2:14

Tilaipi cha tizy ta a biepa hawhta, Leilô he Abeipa rônahna pahnona ta a bie aw.

ZEKARIA 14:9

Abeipa cha alei chô zydua liata Bei a châ aw. Cha noh liata, Abeipa pakha deita y aw ta, a moh chhao moh kha dei a châ aw.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

1 THYSALAWNIKA 5:15

Moleina cha moleina ta viarithô leipa u la, hmopha a taopa raihriepa ta, chyhsa to chô liata hmopha tao teh u.

BIEPHUAH 21:27

Hmo puapa deikua cha kheihawhpa hmah a ngia thei aw vei. Hmo pasichhihpa a taopa nata haipa bie a reihpa ahy hmah a ngia thei hra aw veih vei. Mietakutaw hrona châbu liata moh ropazy deita ta amâ ngia thei aw.