ISAI 11:6 - Mara Bible RV (BSI)

⁶ Changie cha mietakutaw hnohta pahrâ aw ta, Keichhoh chhao mietaw hnohta â byu aw. Viahchaotaw nata chakeibarôhneipa ama lao bâ khoh aw ei ta, Viahchaotaw pathawhpa chhao ama hnohta a lao bâ aw ta, Hawti chyhpata ta âmo cha a chhihtha aw ei.

ISAI 11:6 ပူးပေါင်းရင်းမြစ်များ

ZAWBÂ 5:23

Râh liata alôzy nata biehrai tao aw chi ta, Râhsazy ta ama châ dyh aw.

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 65:25

Changie nata mietakutaw zy Hmaohkha ta ama tlaih aw; Chakeibarôhneipa cha, Viahchao tôhpa hawhta sâhkô bâ aw ta, Dohlei cha parih pati a châ aw. Ei tlâh pathaihpa liata cha, A pasasa khao leipa aw ei ta, A parao khao aw veih ei,” Abeipa ta a tah.

EZEKIA 34:25

“Ama hnohta thlalôhna biehrai tao aw na ta, sahrâhpazy cha râh tawhta ei pahlei aw ei. Chatanachata râhchawhpa liata â bohpa ta pahrâ aw ei ta, râhmâhpa liata amâ mô thei aw.

HÔSIA 2:18

Cha noh liata, Râhsazy chô liata biehrai tao aw na ta, Vâ pavawzy chô liata biehrai ei tao aw; Alei liata âlyhpasazy chô liata chhao, Biehrai ei tao aw. Libaw nata zaozi nata adyuhna zy Râh tawhta pahlei khai aw na ta, Â bohpa ta ei paziasa aw ei.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.