ISAI 11:4 - Mara Bible RV (BSI)

⁴ Dyhchhiepazy chô liata adona ta ryureih aw ta, Lei chyhsa nônaipazy châta a khongâh kawpa ta a pachia aw. A pakah chôchahrei ta nôchhiepazy tu aw ta, A hmao hu ta hmoparaopazy a thie aw.

ISAI 11:4 ပူးပေါင်းရင်းမြစ်များ

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

ZAWBÂ 15:30

Zohna tawhta pua leipa aw ta, Meipaleih ta a chiahzy paraoh aw ta, Khazohpa pakah hu ta a phaoh syulyu ha aw.

ZAWBÂ 4:9

Khazohpa hu ta leidia ei ta, A hiehâhna thlih ta a hmôsao ei.

HLAZY 110:2

Abeipa ta Zaio tawhta na thatlôna chôchahrei vaw tuah sala, Na chariahpazy hry liata ryureih mah y!

HLAZY 18:8

A hnapasu tawhta meikhuh puapa ta, A pakah tawhta meipaleih pua ta, Ano tawhta meiia a vaw pua.

HLAZY 2:9

Thua chôchahrei ta âmo cha tuchheih aw chi ta, Alei beih hawhta a tlawh ta na taichheih aw ei,” eina tah.

HLAZY 76:10

Hmeiseihta ta, chyhsapa chô liata na pathiiana cha, Nâma reithaina châ aw ta; Na pathiiana tawhta a bohpazy cha, Chaisaih ta nâ saih aw ei.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 13:11

“Khizaw he a moleina vâta hrie aw na ta, Moleipazy cha ama paraona vâta ei hrie aw ei. Akhotlâhpazy apapiparysana pachhâsa aw na ta, Nôchhiepazy apalaina ei panawhsa aw.

ISAI 14:30

Dyhchhie chaipazy chhao ta, Ama tlaih nawpa sibiepa su hnei aw ei ta; Dyhchhiepazy â bohpa ta amâ zia aw. Nâma thari deikua cha, Chakâhna ta thie aw na ta; Na chyhsa laibâhpazy cha, Chakâhna ta a thie khai aw ei.

ISAI 16:5

Dâvi poh o liata kyhpachâna ta beidyuchhai paduapa châ aw ta, Cha liata ryureituhpa a tyuhpa cha, Adona ta ryu a reihpa châ aw ta, A chatliepa ta siana hmo a taopa a châ aw.”

ISAI 2:4

Abeipa ta râhzy likah pachia aw ta, Phopizy likah aeinazy a pathlâ aw; Ama zaozizy cha leipaliena chhaichhi lâta palie aw ei ta, Ama aseizy chhao thochiah taina chaihrai lâta ama palie aw; Phopi nata phopi ta zaozi a hy thlu khao leipa aw ei ta, A dyuhzie chhao a chu khao aw veih ei.

ISAI 26:6

Phei ta khihpi cha tlypâ ta, Dyhchhiepazy phei ta tlypâpa ta y ta, Phahlapazy keih ta tlypâpa ta a y.”

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 30:28

A hu cha vahtie a kao a khôpa lyu ta, Rao taihta a khôpa a lyu; Paraona sohhri ta phopizy cha ri ta, Phopizy pakah liata chhâri pabaw ta, Â chhi chhei tyh ei.

ISAI 30:31

Abeipa ta a chôchahrei ta a tu tita, Asuria mo cha Abeipa ao vâta china ta a patu aw ei.

ISAI 30:33

Hlâno tawhta mei raona su a chhuanoh hapa a châ. Abei châta chhao a chhuahdy hapa châ ta, tho ti nawpa â thu ngaitapa nata a kawh ngaitapa ta taopa châ ta, mei nata tho hluhpi pahmaohpa a châ. Cha cha kaih vahtiepa hawhta a lohpa Abeipa hu ta a pakâsa.

ISAI 32:1

Pachâ teh u, siana ta ryu a reih awpa bei vaw pua aw ta, Beimachâzy ta adona ta ryu ama reih aw.

ISAI 32:7

Moleipa châta la, A hmobaohzy taihta pathaih leipa a châ. Haipa biezy hmâpa ta dyhchhiepazy parao a chhuah ta, Amâ do thlâh hana chôta phahlapazy parao a chhuahpa ta, Hmo pha leipazy a pachhuapanoh tyh.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 40:7

Abeipa hu ta a hmô ti ei ta, Sibiepazy cha uah ei ta, Pawpizy ama lo tyh; Chyhsapa la sibiepa tlai na ama vaw châ.

ISAI 49:2

Ei pakah he zaozi tiahpa hawhta tao ta, A ku nohpahli ry liata eina nyu; Châtai patliepa ta na tao ta, A châtai byh liata eina khô.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 9:7

Dâvi beidyuchhai nata a khinarâh chô liata A ryureina laiseih lymâpa cha chhâna hnei leipa aw ta, Adyhna a tao awpa ta chhâna hnei aw vei. A ryureina nata adyhna cha, Adona nata siana ta paduapa ta pa-i aw ta, Tahmâ tawhta tlyzaw taihta a y thlâh ha aw. Pheisaihzy Abeipa phahnai ngiahna ta Chazy cha a tao aw.

ZEREMIAH 33:15

“Cha nohzy liata nata cha daihti liata, Dâvi châta Chiah siapa papyusa aw na ta, adona nata siana ta râh liata ryu a reih aw.

ZEREMIAH 5:28

Thawh ei ta, Ama mitlaoh pha kaw. Moleina hmo taona kyh liata deikua, Â daihpa pahno veih ei; Paw hnei leipazy amâ tivy thei nawpa ta, Adona ta ama bie pachiapa leipa ei ta, Dyhchhiepazy pikhei tovyuh a duakhei veih ei.

HÔSIA 6:5

Chavâta hrohsopazy hmâpa ta tuchheih ei na ta, Ei pakah biezy ta ei thie ha ei; Ei hriena cha dôhla hawhta a pathli.

ZEPHANIA 2:3

Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.

MALAKHAI 4:6

Ano chata pawzy palôh cha ama sawzy lâta paheisa aw ta, sawzy palôh chhao ama pawzy lâta a paheisa aw; chataleipata la, a vy aw na ta, râh he chhiesapa ta ei parao pathlei aw na,” Pheisaihzy Abeipa ta a tah.

MATHAI 11:5

Mochaopazy ama mo pavâ ta, pheisypazy phei ta sie ei ta, phawhpazy pathaisapa ta y ei ta, nahpâpazy ta thei ei ta, athipazy pathyupa ta y ei ta, dyhchhiepazy hnohta thâtihpha chhopa a châ haw.

MATHAI 5:5

“Nônaipazy ama nohlao na, lei ryu ama to awpa vâta.

HMOTAOPAZY 9:1

Sawla cha Abeipa pachupa sahlao pachhiparyna nata thie awpa kyhzy reih lymâ ta. Theihthai beichaipa lâ vawh ta,

2 KAWRINI 10:1

Kei, Pawla ta Krista nôphana nata nônaina ta ei châ haw ei. Nama hnohta ei y nota a reisi kaw tyh na ta, ei sie tawhta deikua cha, nama chô liata ei riah a pha kaw tyh.

KALATIA 5:23

areisina nata asohsina zy a châ. Thlahpa theilâpazy chakhianazie ta ryhpa biepiepa rai y vei.

2 THYSALAWNIKA 2:8

Cha khai tawhta, ryhpa paraotuhpa cha a vaw luah aw ta, Abeipa Zisu ta ano cha a pakah hu ta thie aw ta, â vyna khaihna ta a pahleipadia aw.

TITU 3:2

Ngiapâtuhpazy cha ahy hmah ama reipachhie awpa châ leipa ta, ahryusina amâ hneisai awpa a châ. Nônai kawpa ta y ei sala, chyhsa zydua chô liata areisina dopa ama palâsa awpa a châ.

ZÂMIE 3:13

Nama hry liata ahy ma asopa nata novâhpa a y? A reisi ngaitapa nata so ngaitapa ta, a hmotaopazy cha hrozie phapa ta pamosa mawh sy.

BIEPHUAH 1:16

A ku chachâh lâta awhsi miasari chaba ta, a pakah tawhta zaozi hâh nopa vaw pua ta, a hmia cha nohchhô locho no hawhta a khaih.

BIEPHUAH 19:11

Chatawhcha vârâh a vaw pahy ta, arâ râhpa hmô na ta. A chô liata a kiahpa cha Ngâchhihpa nata Hmeiseihpa moh bipa châ ta, siana ta ryureih ta, chariah a dyuhpa a châ.

BIEPHUAH 19:15

A pakah tawhta zaozi tiah ngaitapa vaw pua ta, cha chata phopizy chhawh aw ta, thua chôchahrei ta ama chô liata ryureih aw ta, Khazohpa Atotaotheipa hiehâhna ru ngaitapa kre saohna khaoh a tly aw.

BIEPHUAH 2:16

Chavâta ro mah y. Chataleipatala nâ lâ a vy patoh aw na ta, ei pakah zaozi ta âmo cha ei vaw dyuh aw ei.