ISAI 11:3 - Mara Bible RV (BSI)

³ Â lyna cha Abeipa china liata châ aw ta, A mo ta a hmôpa hawhta pachia leipa aw ta, A nah ta a theipa hawhta bietluna tao aw vei.

ISAI 11:3 ပူးပေါင်းရင်းမြစ်များ

2 SAMUELA 14:17

Abei, nâ ei zibeipa chi cha, Khazohpa vâlyuhchâpa hawhta, a chhiepa nata a phapa a pahrua thaipa na châpa vâta, na seichanô heta, ‘Ei zibeipa abei bie ta thlah eina palôh aw,’ tahpa ta ei pachâ. Abeipa na Khazohpa cha na hnohta y maw sy!” tah ta.

2 SAMUELA 14:8

Abei ta chanô hnohta, “Na o lâ a di la, nâma kyh liata biepiepa ei vaw tao aw,” tah ta.

1 ABEIZY 3:28

Izarei saw zydua ta abei ta bietluna a taozie cha thei ei ta, ryureina dopa siekhei nawpa ta Khazohpa sona a chô liata a ypa ama hmôpa vâta, abei cha chi ngaita ei ta.

1 ABEIZY 3:9

Chavâta châ chakaotuhpa he, na phopi chô liata ryu ei rei thei nawpa ta sona na pie mah y. Chatanachata a chhiepa nata a phapa ei pahrua thei aw. He tlu ta a hluhpa na phopi chô liana he ahy ma ryu a reih thei aw?” tah ta.

ZAWBÂ 12:11

Paleih ta niedo a pachâhpa hawhta, Nakhaoh ta biezy pasia tyh vei ma?

ZAWBÂ 34:3

Pakah ta niedo pahâna a pahnopa hawhta, Nakhaoh chhao ta bie a pasia tyh.

BIESOZY 2:5

Abeipa china kyh liata na novâh aw ta, Khazohpa pahnona nâ huah aw.

BIESOZY 2:9

Chatanachata siana nata adona kyh liata na novâh aw ta, Akhongâhna nata lâpi phapa to kyh na no a vâh aw.

ISAI 33:6

Ano cha na hro chhôh ta nâ ichana a châ aw; Na pachhana sôhpa châ aw ta, Na sona nata na pahnona a châ aw; Abeipa china cha Zaio ryusôhpa a châ.

EZEKIA 45:8

Cha cha Izarei liata abei tovyuh râh a châ aw. Keima abeizy ta ei phopi tlybai khao leipa aw ei ta, Izarei pathlazy cha âmo chi chyu ta râh tlao ama pahneisa ha aw.

MIKÂ 4:3

Khazohpa ta phopizy likah liata bie pachia aw ta, Lâhlapi liata phopi thatlôpazy châta biepathluna a tao aw; Ama zaozizy cha, Leipaliena thua pazaopa lâta daih aw ei ta; Ama aseizy cha, Theilâ kô taina tâkô lâta ama daih aw. Râh kha nata râh kha zaozi a hy thlu khao leipa aw ei ta, Adyuhna kyh a chu khao aw veih ei.

LUKA 2:52

Zisu cha laiseih ta, so via rili ta, Khazohpa nata chyhsapa modypa ta y ta.

ZAWHÂNA 2:25

Chyhsapa palôh chhôh liata a ypa a pahno khaipa vâta, chyhsapa kyh liata chyhsapa ta a pahnokhei awpa a ngiah vei.

ZAWHÂNA 7:24

Chôpho lâ alânazie ta pachia leipa u la, pachiana dopa ta pachia teh u,” tah ta.

HEBRAI 5:14

Pati hmeiseihpa deikua cha, pitlohpazy châta châ ta, pati hmeiseihpa nie amâ chu lymâpa vâta, chhie nata pha pahrua thaina a hneipa pitlohpazy ama châ.

1 SAMUELA 16:7

Châhrasala Abeipa ta Samuela hnohta, “A hmisâ tlyma, a pôraoh tlyma moh kha, ano kha khoh va na. Abeipa ta la chyhsapa hmôzie hawhta hmô vei. Chyhsapa ta cha khôtho lâ alânazie moh tyh ta, Abeipa deikua cha palôh tlao a moh tyh,” tah ta.