ISAI 11:2 - Mara Bible RV (BSI)

² Abeipa Thlahpa cha a chô liata a choh aw ta, Cha Thlahpa cha sona nata novâhna Thlahpa châ ta, Ryhraona nata thatlôna Thlahpa chhao châ ta, Abeipa pahnona nata china Thlahpa a châ.

ISAI 11:2 ပူးပေါင်းရင်းမြစ်များ

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

HLAZY 72:2

Na phopi chô liata siana ta ryureih sala, Dyhchhiepazy chô liata adona ta ryureih mawh sy!

PUASAINA 28:3

Sona thlahpa ta ei pabiepa zôthaipa zydua hnohta Arawna chysia taopa awpa ta chho aw chi ta, chatanachata Arawna cha pathaisapa ta y aw ta, kei châta theihthaipa chakaona rai a hria thei aw.

ISAI 28:6

Ryureina liata a tyuhpazy châta, Adona thlahpa châ aw ta; Thokhy chhikao liata chariah toh ta, A pakuasa awpazy châta thatlôna a châ aw.

ISAI 32:15

Chô lâ tawhta Thlahpa hrypa eima châ tita, Râhchawhpa cha lei phapa lyu lâta a lie aw ta, Lei phapa lyu cha râhmâhpa a lyu hlâlei cha, Cha hawhta a châ aw.

ISAI 42:1

Nâ chakaotuhpa nata ei duakheipa he moh u la, Ei tlyhpa nata ei hro ta â ly ngaitapa he moh teh u. A chô liata ei Thlahpa soh na ta, Râhzy liata adona a tlôkhei aw.

ISAI 48:16

Nâ vaw hnia u la, He bie he thei teh u; Hmo vaw y awpa kyh liata, Âthaona tawhta arulâta bie reih beih leipa na ta, A vaw y daihti lia chhao ta ei y.” Tahmâ he Abeipa Zehôvâh ta na tuah ta, A Thlahpa ta eina tuah.

ISAI 59:21

“Keima lâ tawhta la, he he ama hnohta ei biehrai cha a châ,” Abeipa ta a tah: “Na chô liata ei Thlahpa a ypa nata na pakah liata ei bie ei sopazy cha, tahmâ tawhta chhâzaw taihta na pakah cha puasai khao leipa aw ta, na pathlazy pakah chhao puasai leipa aw ta, na pathla pachhuahpazy pakah chhao puasai aw vei,” Abeipa ta a tah.

ISAI 61:1

Dyhchhiepazy hnohta thâtihpha chho awpa ta, Abeipa ta sathaw eina thupa vâta, Abeipa Zehôvâh Thlahpa cha ei chô liata a y. Palôh keichheihpazy patlâh awpa ta na tuah ta, Seizy hnohta puana bie phuah awpa ta eina tuah. Mochaopazy mopavâna bie phuah awpa ta na tuah ta, Atâhpazy puana bie phuah awpa ta eina tuah.

ISAI 9:6

Eima châta hawti vaw pih ta, Sawchapaw piepa eima châ haw. A ngiatlâh liata ryureina pahniehpa châ aw ta, A moh cha Ryhraotuh Noâhchhihpa, Kha­zoh Thatlôpa, Chhâzaw Paw, Dyhna Beipa bipa a châ aw.

ZEKARIA 4:6

Ano ei hnohta: “He he Zerubâbe châta Abeipa bie a châ: ‘Thatlôna vâta châ leipa ta, biehneina vâta châ hra leipa ta, ei Thlahpa ta tlao châ mawh sy,’ Pheisaihzy Abeipa ta a tah.

MATHAI 3:16

Zisu cha bâti a châ khaipa nahta, ti tawhta thlai kaw pua ta, avâ a vaw pahy ta, Khazohpa Thlahpa cha vachhuh hawhta za chô ta, a chô liata â chohpa hmô ta.

ZAWHÂNA 14:17

Cha cha biehmeiseihpa Thlahpa, khizaw ta a hnei leipa a châ. Khizaw ta ano cha hmô leipa ta, pahno vei. Nâmo deikua ta cha, nama hnohta y ta, a y lymâ awpa vâta, ano cha nama pahno.

ZAWHÂNA 15:26

“Châhrasala Paw tawhta ei cha vaw tuapa awpa ei Thlapalôhtuhpa, biehmeiseihpa Thlahpa, Paw tawhta a puapa cha a vaw tlô tita, nâ pahnokheituhpa a châ aw.

ZAWHÂNA 16:13

Biehmeiseihpa Thlahpa a vaw tlô tita, biehmeiseihpa zydua liata a châ chhi aw ei. Ano biehneina ta bie reih leipa aw ta, bie a theipa maih a cha chho aw ei. Hmo a vaw tlô awpazy chhao a cha pahnosa aw ei.

ZAWHÂNA 3:34

Khazohpa tuapa ta Khazohpa bie reih tyh ta, ano cha bitaipa y leipa ta Thlahpa a pietuhpa a châ.

HMOTAOPAZY 10:38

Khazohpa ta Nâzari Zisu kha Thlahpa Pathaihpa nata hmotaotheina ta sathawthu ta, Khazohpa a hnohta a ypa vâta, hmopha taopa ta râh chahryh ta, ahripa taolapa zydua a patlâh lymâ.

1 KAWRINI 1:30

Nâmo deikua cha, ano zawhzi ta Krista Zisu liata nama y. Ano cha keimo châta Khazohpa tawhta sona vaw châ ta, eima siana, pathaihna nata chatlaina a châ hra.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

2 TIMAWTHY 1:7

Khazohpa ta china thlahpa miah pie leipa ta, hmotaotheina nata kyhpachâna nata pachâna pasohpa hneina thlahpa tlao miah a pie.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,