ISAI 11:13 - Mara Bible RV (BSI)

¹³ Epharai hiatliana lei aw ta, Zudâh a patypamâtuhpazy Chhawh pathlahpa ama châ aw. Epharai ta Zudâh chô liata a hiatlia khao leipa aw ta, Zudâh ta Epharai patypamâ khao aw vei.

ISAI 11:13 ပူးပေါင်းရင်းမြစ်များ

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 3:18

Cha nohzy liata, Zudâh pathlazy cha Izarei pathlazy a pahlyh aw ei ta, maw lâ râh tawhta ama pathlatuhpazy hnohta ryuto châta ei piepa râh lâ hmaohkha ta amâ zu aw.

ZEREMIAH 33:24

“He chyhsazy ta, ‘Abeipa ta â tlyhpa phopi miano cha a thy ha ei,’ tahpa ta ama reipa pachâ beih va chi ma? Cha hawhna chata ei phopi cha mohnao ei ta, âmo mohmô liata la phopi tah tlâh chhao châ khao veih ei.

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

EZEKIA 28:25

“Abeipa Zehôvâh ta hetana heta a tah: Izarei pathlazy cha hiepatlapa ta ama yna phopizy tawhta a chhi pakhy heih aw ei na ta, râhzy mohmô ta ei pathaihna ama chô liata ei palâsa tita, nâ chakaotuhpa Zakaw hnohta ei piepa ama râh lia tlai ta ama pahrâ heih aw.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”