ISAI 11:12 - Mara Bible RV (BSI)

¹² Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 11:12 ပူးပေါင်းရင်းမြစ်များ

HLAZY 107:3

Nochhi, notla, maw nata chho, Râh to tawhta a awpakhypazy ta, Abeipa phana kyh cha reih mawh ei sy.

HLAZY 147:2

Abeipa ta Zerusale padua ta, Izarei phopi hiepatlapazy a pahmaohpakhy heih ei.

HLAZY 60:4

Nâma châ chituhpazy châta pohraipa parai chi ta, Libaw tawhta amâ râ nawpa na taopa ei. Selah

HLAZY 68:22

Abeipa ta hetana heta a tah: “Bâsanâ râh tawhta a chhi heih aw ei na ta, Tilaipi athupa tawhta ei chhi heih aw ei.

ISAI 11:10

Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 18:3

Khizaw chyhsa zydua saih u, Alei chô liata a pahrâpa zydua saih u, Tlâhpizy liata ngiana poh ama chaluah tita moh u la, Chiahmie ama tô tita nathlie muh vy!

ISAI 24:16

Kaokih tawhta reithaina hlazy thei pi ta, Mo Siapa palyupalihna hla eima thei. Châhrasala kei ta hetana heta ei tah: “Ei chaoh haw, ei chaoh haw, Ei hu a po na! Ngâchhih leipazy ta ngâchhih leipa ta tao ei ta, Ngâchhih leipazy ta ngâchhihna ama pahlei haw.”

ISAI 27:13

Cha noh liata, chiahmie lai ngaitapa tôpa châ aw ta, Asuria râh liata a leipazy nata Izi râh lâta papuapazy a vy aw ei ta, Zerusale liata tlâh pathaihpa liata Abeipa amâ chhy aw.

ISAI 43:6

Maw lâ hnohta, ‘Pathlie teh,’ tah aw na ta, Chho lâ hnohta, ‘Hraih kha,’ ei tah aw. Ei sawchapawzy lâhlapi tawhta a vaw chhi la, Ei sawchanôzy alei chhâna tawhta a vaw chhi mah y.

ISAI 49:22

Abeipa Zehôvâh ta hetana heta a tah: “Pachâ teh u, râhzy lâta ei ku pazawh aw na ta, Phopizy lâta keima ngiana poh ei chaluah aw. Na sawchapawzy ama kalachhôh liata a pyhpa ta, Nâ lâ a vaw chhi aw ei ta; Na sawchanôzy chhao ama ngiatlâh liata vaw khaihpa ta, Nâ lâ amâ vaw chhi aw.

ISAI 49:5

Abeipa mohmô liata palyupalihpa ta y na ta, Ei Khazohpa cha ei thatlôna a vaw châ hapa vâta, Ano lâta Zakaw a chhi pakhua heih ta, A hnohta Izarei pahmaoh heihna raihria liata A chakaotuhpa châ awpa ta, Chhi tawhta nâ paduatuhpa, Abeipa ta hetana heta a tah:

ISAI 54:7

Buakhata cha siesai na ta, Châhrasala ngiachhiena rônahpa ta ei châ chhi heih aw.

ISAI 56:8

Izarei paipatlapazy a pahmaohpakhytuhpa Abeipa Zehôvâh ta hetana heta a tah: “Ei pahmaohpakhy hapazy thota, Mohropazy chhao ei pahmaohpakhy lymâ aw ei.”

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ISAI 60:4

Na chheipâh zydua mohmia pasaih la, moh tua, Na chyhsa zydua a hmaoh ei ta nâ lâ amâ vy. Na sawchapawzy lâhlapi tawhta a vy aw ei ta, Na sawchanôzy chhao vaw pi aw ei ta, Ama vaw tlô hra aw.

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

ZEREMIAH 23:3

“Ei mietaku zaw laibâhpazy cha âmo ei tona râh zydua tawhta a vaw chhi heih aw na ta, ama sadô liata pangia heih aw na ta, chi hluhpi pathla aw ei ta, ama pôh aw.

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

ZEREMIAH 50:4

“Cha nohzy liata nata cha daihti liata, Izarei sawzy nata Zudâh sawzy hmaohkha ta amâ vy aw; Chana chôta a vy aw ei ta, Abeipa ama Khazohpa ama tlua aw,” Abeipa ta a tah.

ZEREMIAH 51:12

Babylaw thokhyzy cha ngiana poh chaluah chie u la, Khihpi vaina cha thapatlô teh u; Vaituhpazy soh u la, A byh nawpazy a chhuanoh teh u; Babylaw chyhsazy kyh a reipa kha, Abeipa ta a chhuanoh ta a tao ha hih.

EZEKIA 28:25

“Abeipa Zehôvâh ta hetana heta a tah: Izarei pathlazy cha hiepatlapa ta ama yna phopizy tawhta a chhi pakhy heih aw ei na ta, râhzy mohmô ta ei pathaihna ama chô liata ei palâsa tita, nâ chakaotuhpa Zakaw hnohta ei piepa ama râh lia tlai ta ama pahrâ heih aw.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

HÔSIA 2:2

“Nama nô cha a haw u la, A haw chaimâh teh u; Ei lapinô châ leipa ta, A vahpa châ va na. A sihryhna cha a hmia tawhta thy sala, Â pheina cha a sâhpizy tawhta thy mawh sy!

ZEPHANIA 3:10

Kusi chavahzy khô lâ râhzy tawhta, Kei nâ chhytuhpa ei phopi paipatlapa sawchanôzy ta Kei lâta hmohlâpa ama vaw cheih aw.

ZEKARIA 10:6

“Zudâh pathlazy cha, Thapatlô aw ei na ta; Zawsi pathlazy chhao, Ei pachha aw ei. Ei ngia eina chhie kawpa vâ ei ta, Ei chhi pakhua heih aw ei; Ei thy beih leipa hawhta y heih aw ei ta, Abeipa ama Khazohpa ei châpa vâta, Ei chyh-ei aw ei.

ZEKARIA 8:7

Pheisaihzy Abeipa ta hetana heta a tah: Moh teh u, ei phopi cha nochhi râh nata notla râh zy tawhta pachha aw ei na ta,

ZAWHÂNA 7:35

Zuzy cha âmo nata âmo ta, “Eima hmô thei lei nawpa ta, he chyhsa he khataih lâ ma a sie aw tly? Krikâh chyhsa paipatlapazy lâ siepa ta, Krikâh mo pachu â chhuahpa ma a châ tly?

RYHPACHANEINA 32:26

A tlawh ta pachhaih aw ei na ta, Khizaw ta â thei khao lei awpa ta ei pamua aw ei,’ Vaw tah ha aw sah la a pha awpa tlai.

ZÂMIE 1:1

Khazohpa nata Abeipa Zisu Krista chakaotuhpa Zâmie ta chi hrawh hleino paipatlapazy ei châ naoh ei.

BIEPHUAH 5:9

Chatawhcha âmo chata, “Nâ cha châbu chatypa a la tlâhpa châ chi ta, A chahnaonazy a pathlâ tlâhpa na châ. Thiepa ta y chi ta, Na thisaih ta, Chi to nata reih to, Phopi to nata râh to zy cha, Khazohpa châta na chatlai ha ei.

BIEPHUAH 7:1

Cha hnôhlâ ta alei ki palih liata vâlyuhchâpa papalih a duahpa hmô na ta. Alei chô liata tlyma, tilaipi chô liata tlyma, thokô chô liata tlyma, thlih a pathli lei nawpa ta, alei thlih miapalihpazy cha patu ei ta.