ISAI 11:11 - Mara Bible RV (BSI)

¹¹ Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 11:11 ပူးပေါင်းရင်းမြစ်များ

ÂTHAONA 10:10

Ano râh athaona cha Sinâ râh liata Babylaw, Ere, Akadâ nata Kalne khihzy ama châ.

ÂTHAONA 10:22

Semâ sawchapawzy cha Elâmi, Asuria, Apasâ, Ludi nata Aramia zy châ ei ta,

ÂTHAONA 11:2

Chyhsazy cha nochhi lâ pangaipa ta sie ei ta, Sinâ râh liata bypi hmô ei ta, cha liata pahrâ ei ta.

ÂTHAONA 14:1

Sinâ bei Amrâphe, Elâsâ bei Ariôka, Elâmi bei Kedaolaome nata Kôimâ bei Tidâ zy amâ beina daihti liata,

ÂTHAONA 2:13

Chavah mianona cha Kihaw châ ta, Kusi râh zydua chahryhpa ta a lohpa a châ.

2 ABEIZY 17:24

Asuria bei ta Babylaw, Kuthâ, Avâ, Hâmathi nata Sephavai khihzy tawhta chyhsazy a zâ chhi ta, Izarei sawzy vyuhpa ta Samâri khihpizy liata a pahrâsa ei. Chatanachata Samâri cha la ei ta, a khihpizy liata ama pahrâ haw.

ESTHERI 10:1

Bei Ahasuarâ ta râh chhôh liata nata tilaipi kiah liata pahrâpazy cha chhie pacheisa ta.

HLAZY 68:22

Abeipa ta hetana heta a tah: “Bâsanâ râh tawhta a chhi heih aw ei na ta, Tilaipi athupa tawhta ei chhi heih aw ei.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 10:20

Cha noh liata, Izarei laibâhpazy nata Zakaw pathla a hrohpazy cha, âmo a thietuhpa liata a pahnieh khao leipa aw ei ta, Abeipa Izarei Mo Pathaihpa liata tlao a pahnieh aw ei ta, biehmeiseihpa liata amâ pahnie bâ aw.

ISAI 10:9

Kânô khihpi kha Kâkhemi khihpi hawhta châ vei ma? Hâmathi khihpi kha Apâ khihpi hawhta châ vei ma? Samâri khihpi chhao kha Dâmaskâ khihpi hawhta châ vei ma?

ISAI 11:16

Izi râh tawhta ama kaw pua nota, Izarei châta lâlai a ypa hawhna khata, A phopi laibâhpazy châta chhao, Asuria râh tawhta lâlai a y aw.

ISAI 19:21

Cha noh liata, Abeipa ta Izi mo cha a pahnosa aw ta, Izi mo ta Abeipa cha ama pahno aw. Atheihna nata hmohlâpa ta Abeipa cha a chhypa ta, Abeipa liata bie a taih aw ei ta, ama bietaizy ama patlô aw.

ISAI 19:22

Abeipa ta Izi cha tu aw ta, tupa ta patlâh aw ta, Abeipa lâ kua aw ei ta, zawngiah awpa ta amâ hawpazy cha Abeipa ta nathlie aw ta, a patlâh aw ei.

ISAI 21:2

Aluahna rarôh ypa ei hnohta phuahpa a châ; Paphasaituhpa ta a paphasai ta, Paraotuhpa ta a parao. Hy Elâmi, khy la, Hy Media, dôh teh. Chyhsa a pahrôsa tyhpa zydua kha Ei pachhâsa haw.

ISAI 22:6

Elâmi talailih pheisaihzy nata arâ pheisaihzy cha, Châtai byh a aopa ta a vy ei ta, Kiri mo chhao vyhphao chabapa ta amâ vy.

ISAI 24:15

Chavâta Abeipa cha nochhi lâta palyupalih u la, Abeipa, Izarei Khazohpa moh cha, Tilaipi kiah râhzy liata palyupalih teh u.

ISAI 37:31

Zudâh pathla laibâhpazy cha a ry lâ thari thla aw ei ta, a chô lâta thei ama pathei heih aw.

ISAI 42:10

Nâmo, tilaipi lâ zu ei chi ta, Cha liata a ypa zydua saih u, Nâmo, tilaipi kiah râhzy nata a chyhsazy saih u, Abeipa lâ hla thiehpa sa u la, A reithaina hla alei chhâna tawhta sa teh u.

ISAI 42:12

Abeipa cha parônahsa ei sala, Ano reithaina cha, Tilaipi kiah râhzy liata phuah mawh ei sy.

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 45:14

Abeipa ta hetana heta a tah: “Izi hneirôna nata Kusi sôdaohna zy nâ lâ a vy aw ei ta, Sâbia doh seihpazy nâ lâ amâ vy aw; Na eih châ aw ei ta, Nâ ama cha pazi aw. Bâlia chhaota nâ lâ a vy aw ei ta, Na hmiakô liata amâ bôh aw. ‘Khazohpa cha na hnohta y tlai ta, Khazoh hropa y veih ei, Nâ leipa ta Khazohpa hropa rai y veih ei,’ Tah aw ei ta, Ngiachhiena ama châ haw aw.”

ISAI 49:12

Moh teh u, lâhlapi tawhta ei phopi amâ vy huh; Maw lâ tawhta a vy ei ta, Notla lâ tawhta a vy ei ta, Sini mo râh tawhta amâ vy.”

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

ZEREMIAH 25:25

Zimri bei zydua, Elâmi bei zydua nata Media bei zydua;

ZEREMIAH 31:10

“Hy phopizy saih u, Abeipa bie thei u la, Tilaipi kiah râh hlapazy liata phuah teh u; ‘Izarei a papaituhpa ta, Izarei cha pakhy heih aw ta; Mietaku vaituhpa ta a mietaku zaw a vaipa hawhta, Izarei cha a vaih heih aw,’ tah teh u.

ZEREMIAH 44:1

He he Izi râh Mikadô, Tâpahe, Mephi nata Pâtharô khihpizy liata a pahrâpa Zu chyhsa zydua kyh liata Zeremiah hnohta bie a vaw tlôpa a châ.

ZEREMIAH 49:23

He he Dâmaskâ kyh a châ: “Hâmathi nata Apâ cha, Thâtih chhiepa ama theipa vâta, Nozapa ta ama y. Chipa ta zao khai ei ta, Tilaipi chalihsa thei leipa hawhta, Tymâpa ta ama y.

EZEKIA 27:6

Bâsanâ ôkâ thozy hmâpa ta na balyh hiana tao ei ta, Na balyh siphiah chhao, Kiti liahpahlô meisah tho châpa hmâpa ta phawpa châ ta, Sianaoh ta tobipa a châ.

EZEKIA 29:14

Izi mo cha vânoh patosa heihpa ta, ama thyutôna râh, Pâtharô râh lâ a chhi pakhua heih aw ei na ta, cha liata khinarâh nawraihpa ama châ aw.

EZEKIA 30:14

Pâtharô cha roryhrapa ta taopa ta, Zônâ mei ta rao aw na ta, Thebe liata bie ei pachia aw.

EZEKIA 32:24

“Cha liata Elâmi y ta, a thlâ chheipâh liata a sahlaozy y ei ta, ama zydua zaozi ta thiepa ta a paopazy ama châ. Chopawtaileipa ta alei ry lâ a zupazy châ ei ta, ahrohpazy râh chichhihpa ta a taotuhpazy ama châ. Khaohtlô liata a tla hapazy hnohta nozapa ta ama y.

EZEKIA 38:8

Noh hluhpi tawhta chariah a dyuh awpa ta awpa na châ aw. Kô a vaw tlô awpazy liata, zaozi tawhta pachhapa râh na siehnao aw. Cha râh cha, phopi hluhpi tawhta Izarei tlâhpizy liata pahmaoh pakhypa chyhsazy yna râh châ ta, roryhrapa ta khâ a ypa râh a châ. A chyhsazy cha phopizy hry tawhta a chhi papuapazy châ ei ta, tahmâ cha ama zydua ta thlalôhpa ta a y hapazy ama châ.

DÂNIAH 1:2

Abeipa ta Zudâh bei Zehôki nata Khazohpa o hmobaoh thokhazy cha a ku liata pie ta. Chazy cha Sinâ râh liata a khazoh o lâta siekhei ta, a khazoh sôh o liata soh ta.

DÂNIAH 11:18

Cha khai tawhta, tilaipi kiah râhzy lâta a heih aw ta, râh hluhpi a la aw. Châhrasala â palaina cha pheisaih hyutuhpa pakha ta panawhsa aw ta, â palaina chata ano chô liata â lie thlu aw.

DÂNIAH 8:2

Aluahna liata hmô na ta; hetana heta vaw châ ta, aluahna ei hmô nona cha kei cha Elâmi râh liata Susâ thokhy khihpi liata vaw y thlâh ha na ta. Aluahna liata hmô na ta, Ulai chavah kiah liata vaw y na ta.

HÔSIA 1:11

Zudâh chyhsa nata Izarei chyhsazy a hmaohpakhy aw ei ta, chhituhpa pakha rao aw ei ta, râh tawhta ama khy aw. Zezari noh rônahzie awpa rimâ cha!”

HÔSIA 11:10

Abeipa cha ama pazi aw; Chakeibarôhneipa hawhta a rôh aw ta, Â rôh tita, A sawzy a chalyuna chôta Notla lâ tawhta amâ vy aw.

HÔSIA 11:11

Pavaw hawhta a chalyupa ta Izi râh tawhta a khy aw ei ta; Vachhuh hawhta a chalyupa ta Asuria tawhta amâ zu aw. Chatanachata ama o chyu lâta ei padisa heih aw ei, Abeipa ta a tah.

MIKÂ 7:12

Asuria tawhta Izi khihpizy taihta, Izi tawhta Chavah taihta, Tilaipi tawhta tilaipi taihta, Tlâhpi tawhta tlâhpi taihta, Cha noh liata nâ lâ amâ vy aw.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

ZEKARIA 5:11

Ano ta, “Babylaw râh lâ ama siekhei aw. Cha liata ano châta achhyna o sapa aw ei ta, patlôpa a châ tita, hrâbyh he â tyu nawpa su liata sopa a châ aw,” tah ta.

ZEKARIA 8:7

Pheisaihzy Abeipa ta hetana heta a tah: Moh teh u, ei phopi cha nochhi râh nata notla râh zy tawhta pachha aw ei na ta,

ZEKARIA 9:2

Ama râhri liata a ypa Hâmathi chô liata chhao a choh ta, Tyre nata Sidaw chô liata chhao â choh thlâh haw, Ama so kaw tarawpa ta.

RAWMA 11:15

Âmo dythana hmahta khizaw aryhna a châ khiahta cha, âmo apyhna chhochhi cha, thina tawhta hrona leipa ta cha, khâpa a châ aw?

RAWMA 11:26

Izarei zydua pachhapa ama châ aw, “Zaio tawhta pachhatuhpa vaw pua aw ta, Zakaw tawhta moleina a pahlei aw.

2 KAWRINI 3:16

Châhrasala chyhsa ta Abeipa lâ â heih nahta, khuna cha pahypa a châ tyh.

RYHPACHANEINA 9:29

Âmo he na hmotaotheina rônahpa nata na bâh pazawhpa ta nâ kaw chhi papuapa na phopi nata na ryuto châ tlôh ei ta,’ tah na ta.