ISAI 11:10 - Mara Bible RV (BSI)

¹⁰ Cha noh liata, Zese thari cha phopizy châta ngiana poh hawhta a duah aw ta, râhzy ta a thâtih patluah aw ei ta, â pahâna su cha a rônah ngaita aw.

ISAI 11:10 ပူးပေါင်းရင်းမြစ်များ

ÂTHAONA 49:10

Ryureina chôchahrei ta Zudâh puasai leipa aw ta, Ryureituhpa chôchahrei a pheizy likawh tawhta pua aw vei. Reithaina a hnohta vaw tlô aw ta, Phopizy ta a bie ama zyh aw.

1 THÂTIHZYRONA 2:12

Bôaza ta Ôbedâ sa ta, Ôbedâ ta Zese sa ta.

HLAZY 116:7

Hy ei thlahpa, nâ pahâna lâ kua heih mah y, Abeipa ta na chô liata a pha ngaitapa ta a tao ha hih.

HLAZY 145:11

Na khinarâh rônahzie reih aw ei ta, Na hmotaotheina kyh ama chho aw.

HLAZY 149:5

Mopathaihpazy cha rônahna liata a ly ei sala, Ama rakhôzy chô liata thaphapa ta hla sa mawh ei sy.

HLAZY 91:1

Chônôchaipa pahrâna o liata a chhaipa chyhsa cha, Atotaotheipa nohdi liata â pahâ aw.

HLAZY 91:4

A mathlaw hmi ta cha khu aw ta, A mathlaw ry liata achhaina na hmô aw; A ngâchhihna cha vyhphao nata thokhy a châ.

ISAI 11:1

Zese thabypa tawhta chhyh vaw thao aw ta, A tharizy tawhta a chiah a thaopa a pathei aw.

ISAI 11:12

Râhzy lâta ngiana poh chaluahpa ta, Ama râh tawhta papuapa Izarei sawzy pahmaoh aw ta, Zudâh paipatlapazy cha, Alei ki palih tawhta a pakhy aw.

ISAI 14:3

Chatawhcha hetana heta a vaw châ aw. Nama pachârôhna, namâ tymâna nata rai ru ngaitapa ama cha pahriasapa zy tawhta apahâna Abeipa ta a cha pie ti ei ta,

ISAI 2:11

Chyhsa mo apasâhsana cha pahnaipa châ aw ta, Chyhsa apalaina chhao panawhpa châ aw ta, Cha noh liata cha Abeipa deita cheihchalopa a châ aw.

ISAI 2:2

Noh hnôhlâzy liata cha, Hetana heta a vaw châ aw: Abeipa o tlâh cha, Tlâhpi a sâh chaipazy liata paduapa a châ aw; Tlâhthlôhzy chô lâta chaluahpa châ aw ta, Râh to ta ama by aw.

ISAI 2:3

Zaio tawhta ryhpa bie pua aw ta, Zerusale tawhta Abeipa bie a pua awpa vâta, Phopi hluhpi a vy aw ei ta, “A vy teh u, Abeipa Tlâh lâ khy sih la, Zakaw Khazohpa o lâ khy suh u; A lâthlôhzy miah pachu sala, A lâpizy eimâ chhih theina hâh ta,” Ama tah aw.

ISAI 28:12

Ama hnohta, “He he apahâna châ ta, Thachhâpazy cha pahâsa teh u; He he tha a padâh nawpa su a châ hih,” tah ta, Châhrasala nathlie khoh veih ei.

ISAI 42:4

Alei chô liata adona a chareisa hlâlei cha, A thachhâ leipa aw ta, A hnabeidy aw vei; A ryhpa bie cha, Tilaipi kiah râhzy ta ama hâ thlâh ha aw.

ISAI 49:22

Abeipa Zehôvâh ta hetana heta a tah: “Pachâ teh u, râhzy lâta ei ku pazawh aw na ta, Phopizy lâta keima ngiana poh ei chaluah aw. Na sawchapawzy ama kalachhôh liata a pyhpa ta, Nâ lâ a vaw chhi aw ei ta; Na sawchanôzy chhao ama ngiatlâh liata vaw khaihpa ta, Nâ lâ amâ vaw chhi aw.

ISAI 59:19

Abeipa cha Abeipa thlih ta tôh aw ta, Tisaih ru ngaitapa hawhta â vy awpa vâta, Abeipa moh cha notla lâ tawhta chi aw ei ta, A rônahna nochhi lâ tawhta ama chi aw.

ISAI 60:3

Phopizy na khaihna lâ a vy aw ei ta, Beizy na nohchhi khaihpa lâ amâ vy aw.

ISAI 60:5

Tilaipi hneirônazy nâ lâ vaw tlô aw ei ta, Râhzy liata sôh nata thihzy nâ lâ amâ vy aw. Chazy cha moh aw chi ta, Na hmia a kai kaw aw; Na palôh thapha aw ta, Nâ ly ngaita aw.

ISAI 62:10

Pua teh u, Thokhy chhikaozy tawhta pua u la, Izarei phopi châta lâpi a chhuahdy teh u. Lâlai pasâh u la, pasâh teh u; Lâlai liata alôzy thy u la, Phopizy châta ngiana poh chaluah teh u.

ISAI 66:19

Ama hry liata ngiana soh aw na ta, ahrohpazy cha âmo tawhta râhzy lâta tuah aw ei na ta, libaw a chabapa Tâsi, Puli nata Ludi lâzy tuah aw ei na ta, tilaipi kiah râh hlapi liata a ypa, ei mohpathâhna a thei beih leipa nata ei rônahna a hmô beih leipa Tubâ nata Zavâ mozy lâ ei tuah aw ei. Chatanachata râhzy liata ei rônahna ama phuah aw.

ZEREMIAH 6:16

Abeipa ta hetana heta a tah: “Lâpizy liata a duahpa ta moh u la, Lâthlôh phapa yna lâhlôzy thâtih hiahri u la, Cha lâpi cha a chhih teh u; Nama thlahpa châta apahâna nama hmô aw,” tah ta. Châhrasala Izarei sawzy ta, “Cha lâpi cha a chhih aw ma pi,” tah ei ta.

HÂKAI 2:9

‘Tahmâ ta o rônahna he a hmiatuapa o rônahna hlâ khata a rônah via syulyu aw,’ Pheisaihzy Abeipa ta a tah. ‘He su liata thlalôhna ei paysa aw,’ Pheisaihzy Abeipa ta a tah,” tah ta.

ZEKARIA 6:13

Ano ta Abeipa Achhyna o cha sa aw ta, bei chysia ta tobipa châ aw ta, a beichyuchhai liata a tyuh aw ta, ryu a reih aw. Theihthaipa chhao ano beidyuchhai liata a tyuh hra aw ta, ama pano likah liata a dyryhna a y aw,’ tahpa ta na chho aw.

MALUHREINA 10:33

Chatanachata Abeipa tlâh tawhta pua ei ta, noh thôh lâsie taih sie ei ta. Amâ pahâ nawpa su tlua awpa ta, Abeipa Biehrai Byh cha noh thôh chhôh ama hmia lâta sie ta.

MATHAI 12:21

Ano moh liata Zenitaizy ama hnabei a seih aw,” tahpa ta a reipa a vaw tlô thei nawpa ta a châ.

MATHAI 8:11

Ei cha chho ei, nochhi notla tawhta chyhsa hluhpi a vy aw ei ta, Abarahâ, Aisika nata Zakaw zy hnohta vârâh khinarâh liata amâ tyuh aw.

LUKA 2:32

Zenitaizy hnohta aluahna châta khaihna châ aw ta, Na phopi Izarei rônahna a châ aw,” tahpa ta Khazohpa reithai ta.

ZAWHÂNA 12:32

Kei he alei tawhta chaluahpa ei châ tita, chyhsa zydua kei lâta ei sy aw ei,” tah ta.

HMOTAOPAZY 11:18

Cha biezy cha ama thei nahta, a chalih ha ei ta. “Chata a châ khiahta cha, Khazohpa ta Zenitaizy chhao, ropa ta hroh awpa a pasai ha ei chuh,” tah ei ta, Khazohpa reithai ei ta.

HMOTAOPAZY 28:28

Chavâta Khazohpa pachhana bie cha Zenitaizy lâta paphaopa a châ haw tahpa pahno teh u. Âmo ta la ama nathlie aw,” tah ta.

HEBRAI 4:1

Chavâta â pahâna liata a ngia awpa bietai y thlâh ha tlôhpa ta, nama hry liata a ngia tlâh leipa nama y pathlei lei nawpa ta, chi ei suh u.

1 PITY 5:10

Ngiachhiena zydua Khazohpa, a chhâzaw rônahna to awpa ta Krista liata châ awtuhpa ei chata, bohpi leipa pasa nama tao khai tawhta, cha paduapathi aw ei ta, cha pa-ipa ta tha cha patlô aw ei ta, a cha padua aw ei.

BIEPHUAH 22:16

“Kei, Zisu ta, he biezy he Awnanopazy pahnosa awpa ta ei vâlyuhchâpa nâmo lâ ei vaw tuah. Dâvi thari nata a pathla, deiva awhsi khaih ngaitapa ei châ,” tah ta.

BIEPHUAH 5:5

Chatawhcha machâ pakha ta ei hnohta, “Cha khao khah y, moh teh, Zudâh chi chakeibarôhneipa, Dâvi Thari ta, châbu chatypa pahy awpa nata a chahnaona miasari pathlâ awpa ta a pahnie haw,” tah ta.