ISAI 10:6 - Mara Bible RV (BSI)

⁶ Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 10:6 ပူးပေါင်းရင်းမြစ်များ

2 SAMUELA 22:43

Alei dohlei hawhta phy padi ei na ta, Khiliah chiatlao hawhta tly ei na ta ei pazao khai ha ei.

2 ABEIZY 18:25

Cha dei châ vei, he su parao awpa heta, Abeipa a hlao leipa ta a khypa ma ei châ? Abeipa ta ei hnohta, ‘Cha râh cha khyhnao la, kaw parao teh,’ eina tahpa vâta â khypa mah ei châ tâh,” tah ta.

ISAI 19:17

Zudâh râh cha Izi mo châta chichhihpa a châ aw. Pheisaihzy Abeipa ta Izi chô liata hmo a tlô awpa a pachhuahpanoh hapa vâta, Zudâh moh ama reipa a theipa Izi chyhsa maihta ama chi ngaita aw.

ISAI 22:5

Pheisaih Abeipa Zehôvâh noh cha, Aluahna saikao liata vaw tlô aw ta; Cha noh cha tymâna noh châ aw ta, Tlypâna nata nôpona noh a châ aw; Thokhy paraona noh châ aw ta, Tlâhpizy awsaona noh a châ aw.

ISAI 24:5

Alei chô liata a pahrâpazy ta ryhpazy parao ei ta, Bieraopazy pananopa ta, Tlyzaw biehrai ama phiepa vâta, Alei cha âmo ry liata papuapaleipa ta a y.

ISAI 29:13

Chatawhcha Abeipa ta, “He phopi heta ama pakah ta nâ vaw hnia ei ta, Ama hmao ta eina palyupalih ei; Ama palôh deikua cha nâ hla kaw ta, Eina china chhao ei cha, Chyhsapa pachuna biepiepa deita a châ.

ISAI 32:6

Ahrupa cha hruna bie reih ta, Hmo moleipa tao awpa sai a pachâ tyh. Khazohpa kho leipa hmozy tao ta, Abeipa kyh liata bie doleipa a reih tyh. Nodipazy nie paky ta, Dâhphipazy ti pado vei.

ISAI 33:1

Nâ, a pahleipadiatuhpa y, Pahleipadiapa châ mâh vei hra la, Na hu a po na! Nâ, a paphasaituhpa y, A paphasaipa châ mâh vei hra la, Na hu a po na! Chyhsa na pahleipadiapa tawhta nâ chalih tita, Pahleipadiapa châ hra aw chi ta; Nâ paphasaipa na patlô tita, Ama châ paphasai hra aw.

ISAI 33:14

Zaio liata moleipazy cha chipa ta y ei ta, Khazohpa a pachâ leipazy amâ chalyu; “Eima hry liata ahy ma Mei kâ haipa hnohta a pahrâ thei aw? Eima hry liata ahy ma Tlyzaw ta a kâpa hnohta a pahrâ thei aw?” ama tah.

ISAI 41:25

Maw lâ tawhta chyhsa pakha pathyu na ta, A vaw tlô haw; Nochhi lâ tawhta ei moh na vaw pado aw ta, Ryureituhpazy cha chiatlao hawhta tlypâ aw ta, Beihvituhpa ta beihlei a tlypa hawhta a tly aw ei.

ISAI 49:17

Na sawzy ama vaw tlô hai; Châ paraotuhpazy ta cha puasai aw ei ta, Khih rypa ta châ taotuhpazy ama cha puasai aw.

ISAI 49:25

Abeipa ta hetana heta a tah: “Pasaipha seizy chhupa châ aw ei ta, Pahnietuhpa hraona sôhzy la pakhuapa a châ aw. Châ dyuhtuhpazy a dyuh aw ei na ta, Na sawzy ei pachha aw ei.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 5:29

Amâ rôhpa pyu chakeibarôhneipa a rôhpa pyu lyu ta, Chakeibarôhneipa lochopazy hawhta amâ rôh. Siechahnuapa ta sa tai aw ei ta, Siekhei aw ei ta, a pachha thei awpa y veih ei.

ISAI 5:5

Chavâta ei kre sadô chô liata ei tao awpa Tahmâ ei cha chho aw ei. A diahpai phie aw na ta, Nie khaipa ta a y aw. A diahsua parao aw na ta, Tlypâpa ta a y aw.

ISAI 63:3

“Keima dei ta kre saohna khaoh liata kre thei tly na ta, Phopizy hry tawhta pakha hmah ei hnohta y veih ei. Hiehâhpa ta tly ei na ta, Pathi iapa ta ei tlychheih ha ei. Chavâta ama hrona thisaih ei chysia liata a pie ta, Ei poh zydua a kia khai haw.

ISAI 63:6

Ei hiehâhpa ta phopizy ei tlysao ha ei; Ei pathiiana ti padosa ei na ta, Ama hrona thisaih alei liata ei leihthapa ha ei,” Abeipa ta a tah.

ISAI 7:17

Epharai ta Zudâh a puasai noh tawhta a tlô beih leipa nohzy cha, Abeipa ta Asuria bei vaw tuah aw ta, na chô liata nata na phopi chô liata nata na paw chhôhkha chô liata a patlôsa aw,” tah ta.

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:19

Pheisaihzy Abeipa hiehâhna vâta, Râh cha kâ khai aw ta; Izarei phopi cha, Mei liata ti awpa thothu hawhta ama châ aw; A pachâ tlâ khao aw veih ei.

ZEREMIAH 25:9

pachâ teh u, maw lâta chipho zydua bieta aw ei na ta, na chakaotuhpa Babylaw bei Nebukaneza chhao bieta aw na ta, âmo cha he râh nata a chhôh liata a pahrâpazy nata he chheipâh liata phopi zydua a dyuh awpa ta ei vaw chhi aw ei. Tlokhuh pahleipadia khai aw ei na ta, rarôh ypa nata hmaotô chiepa nata roryhrapa ta chhâzaw ta y awpa ta ei tao aw ei,” Abeipa ta a tah.

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

ZEREMIAH 34:22

Moh teh u, biepie aw na ta, Babylaw bei pheisaihzy cha, khihpi lâ he ei vaw chhi pakhua heih aw ei, Abeipa ta a tah. Chatanachata khihpi he a dyuh aw ei ta, la awh ei ta, mei ta ama rao aw. Zudâh khihpizy cha a pahrâtuhpa y leina khihpi roryhrapazy ta ei tao aw ei.”

ZEREMIAH 4:14

Hy Zerusale, pachhapa ta na y thei nawpa ta, Hmo pha leipa tawhta na palôh pasi ha mah y. Khachâ taih ma pachâna moleipa nâ vao aw?

EZEKIA 29:20

Babylaw bei cha keima châta a hriatuhpa a châpa vâta, Izi râh cha a hriapasana hlao châta ano ei pie aw, Abeipa Zehôvâh ta a tah.

EZEKIA 38:12

Hraona sôh nata hmobaohzy lapa ta, siekhei awpa ta âmo cha siehnao aw chi ta, roryhrapa ta a y tyhpa, tahmâ deikua chyhsazy pahrâna su a châ hapazy chô liata nata râhzy tawhta pakhypa phopi, sahroh zaw nata hmobaohzy hneipa ta, khizaw liah liata a pahrâpazy chô liata na ku hy awpa ta na siehnao aw ei.

EZEKIA 38:13

Sebâ nata Dedâ nata Tâsi sôdaohpazy nata ama chhituhpa zydua ta na hnohta, ‘Hraona sôh la awpa ta ma nâ vy? Hraona sôh, tâkâ, ngôh nata sahroh zawzy nata hmobaohzy siekheipa ta, sôh hluhpi hrao awpa ta ma na pheisaihzy na pahmaoh?’ ama cha tah aw.

MIKÂ 7:10

Chatanachata, “Abeipa na Khazohpa cha, Khataih liata ma a y haw?” Nâ tahtuhpa ei chariahpa ta hmô aw ta, Nozana ta a khu aw. Ei mozy ta panawhpa ta a ypa cha moh aw ta, Lâpi chiatlao hawhta tlypâpa a châ bâ aw.

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

ZEKARIA 10:5

Adyuhna liata pasaiphazy hawhta châ aw ei ta, Ama chariahpazy cha, Khiliah chiatlao liata ama tlypâ aw. A dyuh aw ei ta, Abeipa ama hnohta a ypa vâta, Arâ pheisaihzy cha nozapa ta ama soh aw.

MATHAI 15:7

Nâmo, phapakheipazy saih u, nama yzie kyh liata Isai ta,