ISAI 10:5 - Mara Bible RV (BSI)

⁵ Asuria cha a hu a po na! Ano cha ei pathiiana sômasi châ ta, A ku liata ei hiehâhna chôchahrei a y.

ISAI 10:5 ပူးပေါင်းရင်းမြစ်များ

ÂTHAONA 10:11

Cha râh tawhta pua ta Asuria râh liata a ngia ta, Ninivâ, Rehôbô nata Kalâ khih zy a padua.

2 ABEIZY 18:25

Cha dei châ vei, he su parao awpa heta, Abeipa a hlao leipa ta a khypa ma ei châ? Abeipa ta ei hnohta, ‘Cha râh cha khyhnao la, kaw parao teh,’ eina tahpa vâta â khypa mah ei châ tâh,” tah ta.

2 ABEIZY 19:25

“Khahlâ tawhta ei vaw rao hapa a châzie thei beih va chi ma? Thokhy khihpizy cha, Raona apachona khihpizy lâta na pachâsa awpa kyh, Hlâno tawhta ei vaw pachhuah hapa cha, Tahmâ ei vaw patlôsa hih.

HLAZY 125:3

Hmoparaopa ryureina chôchahrei cha, Mosiapazy ryuto râh liata a duah aw vei; Chataleipatala mosiapazy ta ama ku pazawh aw ei ta, Moleina hmo ama tao pathlei aw na.

HLAZY 17:14

Hy Abeipa, cha hawhpa chyhsazy tawhta na ku ta na pachha la, Hro chhôh ta tovyuh a hneipa khizaw chyhsazy tawhta na pachha mah y. Ama chhi cha ryusôhpazy ta pabie chi ta, Palôhtlâhna taihta sawzy hnei ei ta, Ama hneinazy cha sawzy châta ama siesai tyh.

ISAI 10:15

Ahrei ta a hmâhtuhpa hmia liata â reithai aw ma? Thoâna ta a hmâhtuhpa â palai thlu aw ma? Sômasi ta a chabatuhpa chalo â chhuahpa lyu ta, Chôchahrei ta a chhytuhpa a chhy â chhuahpa a lyu.

ISAI 10:25

Bohpi leipa liata ei pathiiana pai aw ta, ei hiehâhna cha âmo pahleipadiana lâ â heih bâ aw.

ISAI 13:5

Abeipa nata a hiehâhna chariah chhaichhizy châ ei ta, Babylaw râh pôhpalôhpa parao awpa ta, Râh hlapi tawhta a vy ei ta, Avâ chy chhânazy tawhta amâ vy.

ISAI 14:24

Pheisaihzy Abeipa ta, “Ei pachhuahpanohpa hawh tlai ta vaw tlô aw ta, Ei chhuahpa hawhta a vaw tlô aw.

ISAI 14:25

Asuria cha ei râh lia tlai ta parao aw na ta, Ei tlâhzy liata phei ta ei tlypâ aw; A raopaky cha ei phopi tawhta pahluhpa châ aw ta, A phaohri ama ngiatlâh tawhta pachhôpa a châ aw,” Tahpa ta bie a taih ha ta.

ISAI 23:13

Moh tua u, Kaldia mo râh hih! Phopi a lei hapa râh châ ta, Asuria ta râhsazy pahrâ nawpa ta a tao haw. Khihpi dôhna o sâhpazy padua thlupa ta, thokhyzy parao ei ta, khih rypa ta ama tao haw.

ISAI 26:20

Hy ei phopi, a vy u la, Nama chhôhpadâhpazy liata a ngia teh u; Nama ochhizy a khaw khâh u la, Ruchhôna a khô hlâlei cha, Bohpi leipa chhôh a nyu chy teh u.

ISAI 29:2

Zerusale cha a nô papo aw na ta, Mâchhiesana nata chaphôhtuna y aw ta, Ei châta chakoh maisâh hawhta a châ aw.

ISAI 30:27

Moh teh u, Abeipa moh cha lâhlapi tawhta â vy huh; A hiehâhna mei hawhta ia ta, Meikhuh chhakaluhpa liata a kiah; A hmaozy ruchhôna ta bie ta, A paleih chhao lyurâh a charôhpa meipaleih a lyu.

ISAI 30:30

Chatawhcha hiehâhna ru ngaitapa nata meipaleih a kâ ngâpa hry liata nata, thlihpi nata vâsua nata pareih hry liata, Abeipa ta a ao rônahpa cha thei thei awpa ta papua aw ta, a ku pathlapa cha hmô thei awpa ta a tao aw.

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ISAI 34:2

Abeipa cha râh zydua chô liata a ru thata chhô ta, Ama pheisaih zydua chô liata a hie a hâh ngaita; Chavâta âmo cha, Tlokhuh pahleipadia awpa ta hlâ ha ta, Thie awpa ta a hlâ ha ei.

ISAI 66:14

Cha cha hmô aw ei chi ta, Nama palôh a ly aw ta, Nama ruzy sibie hrohpa hawhta a laiseih aw. Chatanachata Abeipa ku cha, A chakaotuhpazy ta pahno aw ei ta, A chariahpazy chô liata a ruchhôna a palâsa aw.

ISAI 7:17

Epharai ta Zudâh a puasai noh tawhta a tlô beih leipa nohzy cha, Abeipa ta Asuria bei vaw tuah aw ta, na chô liata nata na phopi chô liata nata na paw chhôhkha chô liata a patlôsa aw,” tah ta.

ISAI 7:20

Cha noh liata, Ufrâti Chavah haosâ lâta Asuria bei tawhta â hlâpa chaidâh hmâpa ta, Abeipa ta nama sâ nata keih hmizy ngyu khai aw ta, nama kâhhmi chhao a ngyu khai aw.

ISAI 8:4

Hawti ta, ‘Ei pâ,’ ‘Ei nâ,’ a tah thai hlâta, Dâmaskâ hneirôna nata Samâri hraona hmozy cha Asuria bei hmiakô liata siekheipa a châ aw,” tah ta.

ISAI 8:7

pachâ teh u, Abeipa ta Ufrâti Chavah hawhta a laipa nata thatlôpa Asuria bei nata a rônahna zydua ama chô liata a palo thlu aw. A kao zydua bie aw ta, a ngiahkâ zydua taihta a bie khai aw.

EZEKIA 22:31

Chavâta ei ruchhôna ama chô liata lei thlu ei na ta, ei hiehâhna mei ta âmo cha pakâpa ta, ama hrozie hawh tlai ta ama luh chô liata ei lie thlu ha ei,” Abeipa Zehôvâh ta a tah.

EZEKIA 7:10

“Moh teh, noh a vaw tlô hai! Na raona noh a vaw tlô haw. Chôchahrei a paw pakai ha ta, apalaina a paw a pabyuh haw.

DÂNIAH 11:36

“Chatawhcha abei cha a khopa hawhta tao aw ta, anosasyh ta a pasâhsapa ta, khazoh to hlâta rônah viapa ta a tao aw ta, khazohzy Khazohpa a dyuhpa ta hmo anano ngaitapazy reih aw ta, hiehâhna daihti pakipa a châ hlâlei cha hmotaotheina a hnei aw, rao chiehpa hmo cha a tlô tlai awpa a châpa vâta.

NÂHU 1:1

He he Ninivâ kyh liata biephuahpa, Ekôsah chyhsa Nâhu ta aluahna a hmôpa a châ.

HABAKU 1:12

Hy Abeipa ei Khazohpa, Ei Mo Pathaihpa, Nâ cha tlyzaw tawhtapa châ va chi ma? Thi aw ma pi. Hy Abeipa, âmo cha Pachiatuhpa châta rao chi ta; Hy Lôpanô, âmo cha, Chhoreituhpa châta na chahnao ei.

ZEPHANIA 2:13

Maw lâ râh chô liata a ku hy aw ta, Asuria râh a parao aw; Ninivâ khihpi roryhrapa ta tao aw ta, Râhchâwhpa hawhta a chawhkarai aw.

MALUHREINA 24:24

Kiti tawhta balyhzy vaw tlô aw ta, Asuria a panawh aw; Ebe chhao panawh aw ta, Chhâzaw ta a leidia aw,” tah ta.