ISAI 10:4 - Mara Bible RV (BSI)

⁴ Atâhpazy hry liata a chakuhpazy tah leipa ta cha, Ahy hmahta pahlôhpa châ leipa aw ei ta, Thiepazy hry liata a paopazy tah leipa ta cha, Ahy hmahta pahlôhpa châ aw veih ei. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 10:4 ပူးပေါင်းရင်းမြစ်များ

ISAI 22:2

Awhsâhpa nata palopasahpa pyu ta a bie tyhpa khihpi châ chi ta, Haosai phapa khih châ tyh va chi ma? Na khihsaw ama thiepazy cha zaozi ta thiepa châ leipa ei ta, Adyuhna liata a thipa châ hra veih ei.

ISAI 24:22

Atâhpazy hawhta khaohtlô liata pahmaohpa ta, Patâhna o liata khôpa châ aw ei ta, Noh hluhpi a sie tawhta hriepa ama châ aw.

ISAI 34:3

Thiepazy cha pabu leipa ta thy aw ei ta, Ama ri roh chhiepa pua aw ta, Tlâhzy liata ama thisaih palosapa a châ aw.

ISAI 5:25

Chavâta Abeipa pathi cha a phopi chô liata ia ta, Ama chô liata a ku hy ta a tu ha ei. Tlâhpizy a chalyu ta, Ama rizy cha hnaihny hawhta Lâlaizy liata amâ thy hôlô. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 66:16

Abeipa ta mei ta pachia aw ta, A zaozi ta chyhsa zydua a pachia aw; Chavâta Abeipa ta a thiepazy cha, Ama hluh ngaita aw.

ISAI 9:11

Chavâta Abeipa ta Rezi chariahpazy cha, Izarei a dyuh awpa ta ama thapatlô aw ta; A khakhaipazy a pathyu aw ei.

ISAI 9:12

Nochhi lâta Aramia mo ama pakah â aw ei ta, Notla lâta Philistinâ mo chhao ama pakah â hra aw ei ta, Izarei cha ama palâ khai aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:16

He phopi a chhituhpazy ta Phopi cha a chhi chhei ei ta; Ama chhihthapazy noraihpa ta ama paysa.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ISAI 9:20

Ama chachâh lâta a ypazy niedo chhu aw ei ta, Châhrasala ama nodi thlâh ha pyly aw ta; Ama chavei lâtapa nie aw ei ta, Châhrasala ama rih bie hlei aw vei. Chyhsa to ta âmo chipathla sa ama nie chyu aw:

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 15:2

‘Khataih lâ eima sie aw?’ ama cha tah khiahta cha, ama hnohta, ‘Abeipa ta hetana heta a tah: “‘Potlana châta raopazy cha, Potlana lâ sie ei sala; Zaozi châta raopazy cha, Zaozi lâ sie mawh ei sy. Chakâhna châta raopazy cha, Chakâhna lâ sie ei sala; Seichâna châta raopazy cha, Seichâna lâ sie mawh ei sy,’ Na tah aw ei.

ZEREMIAH 37:10

Châ dyuhtuhpa Kaldia pheisaih zydua pahnie khai ha u la, hmahphaohpazy deita ama poh o chhôh liata ama ypa chhao ta, vaw thyu aw ei ta khihpi he mei ta ama rao pyly aw.’”

ZEREMIAH 4:8

Abeipa hiehâhna ru ngaitapa cha, Keimo tawhta pakuasapa a châ leipa vâta, Latho poh a bu u la, Mâchhiesapa ta cha muh vy.”

HÔSIA 9:12

Saw amâ pyhpa chhao ta, Pakha hmah ama y khao leina taihta Mâchhie ei pasasa lymâ aw ei. Ei heihsai ti ei ta cha, Ama hu a po tlai aw.

THEIHTHAINA 26:17

Châ heihnao aw ei na ta, nama chariahpazy hmiakô liata nama nawh aw. Châ haotuhpazy ta nama chô liata ryureih aw ei ta, ahy hmahta châ chadai leipa ta namâ râpai aw.

RYHPACHANEINA 32:30

Kheihta ma pakha ta sâh kha a chadai thei aw ta, Pano ta thy kha ama parâpaisa thei aw? Ama Lôpanô ta âmo cha zuah ha ta, Abeipa ta a uasa khao leipa vâ ei ta châ vei ma?