ISAI 10:30 - Mara Bible RV (BSI)

³⁰ Hy Kâli zuah y, ao paro ngaitapa ta awh la, Hy Laisah khih y, na nah pachôh teh! Hy Anathô, ngiachhie nâ chhih kaw dia!

ISAI 10:30 ပူးပေါင်းရင်းမြစ်များ

1 ABEIZY 2:26

Abei ta theihthaipa Abiathâ hnoh­ta, “Anathô khih liata na o lâ a di teh. A thi tlâh châ chi ta, châhrasala ei paw Dâvi hmiakô liata Abeipa Zehôvâh Byh a sy tyhpa na châpa vâta nata ei paw rietheitaona zydua liata a vaw taokhei tyhpa na châpa vâta, tahmâ la cha thie mâh aw va na,” tah ta.

NEHEMIAH 11:32

Anathô, Nôbâ, Ananiah,

ISAI 10:31

Mamenah khihsawzy a râpai ei ta, Kebi mo chhao abohna su lâ amâ râ haw.

ZEREMIAH 1:1

He biezy he Benzami râh Anathô khihpi liata theihthaipazy hry liatapa, Hikia saw­chapawpa Zeremiah biezy a châ.

ZEREMIAH 32:8

Chatanachata ei heinawhpa Hâname cha Abeipa bie hawhta, vaituhpa dôhpachhôh tlyhmia liata kei lâ a vy ta, ei hnohta, ‘Benzami râh Anathô liata ei lyu he nâ ta chalei mah y, ryuto a pakhy theipa na châpa vâta, nâ ta na chatlai awpa a châ,’ tah ta. Chatanachata cha cha Abeipa bie kha a châ tahpa pahno ha na ta.

ZAWSUA 21:18

Anathô khihpi nata a chabyzy, Almaw khihpi nata a chabyzy piepa châ ei ta, khihpi miapalih piepa ama châ.

RYUREITUHPAZY 18:29

Izarei sawchapawpa Dânâ, âmo pathlatuhpa moh a bi hnâpa ta, a khihpi moh cha Dânâ bi ei ta, cha khihpi moh hmiatuapa cha Laisâh a châ.

RYUREITUHPAZY 18:7

Chatawhcha chyhsa papangawhzy cha pua ei ta, Laisâh khih tlô ei ta, cha liata chyhsazy cha thlalôh kawpa ta y ei ta, Sidaw mo hawhta sidiapa nata chhôhmohpa ta ama ypa hmô ei ta. A chhâpa cha, ama chô liata bie a hneipa nata khâpa kyh vâta tlyma ama noh a pazao awpa râh liata ama y leipa vâta a châ. Sidaw mo nata chhao a hla kaw ei ta, ahy nata hmah azaona hnei veih ei.

1 SAMUELA 25:44

Dâvi lapinô Mikâli, Sawla sawchanô deikua cha, Sawla ta Kâli khihpa Laisâh sawchapawpa Pâti a pie haw.