ISAI 10:13 - Mara Bible RV (BSI)

¹³ Asuria bei ta, “Hezy he ei ku thatlôna ta tao na ta, Novâhna a hneipa ei châpa vâta, Ei sona ta ei taopa a châ. Phopizy râhrizy pasiepa ta, Ama ryusôhpazy hrao na ta; Beidyuchhai liata a tyuhpazy chhao, Viahchao tôhpa hawhta ei daophi pathlah ha ei.

ISAI 10:13 ပူးပေါင်းရင်းမြစ်များ

2 ABEIZY 15:29

Izarei bei Pekâ â bei nota, Asuria bei Tikalâpilesa ta Izaw, Abelamâkâh, Zanô, Kedesâ nata Hâzaw khihpizy, Kilia nata Kâlili râhzy nata Nâthalai râh zydua la ta. Chyhsazy sei ta Asuria râh lâ a chhi ta.

2 ABEIZY 16:8

Ahâza ta Abeipa o liata tâkâ nata ngôh a ypazy nata abei o ryubyh liata a ypazy la ta, Asuria bei lâ kuhria paphao ta.

2 ABEIZY 17:24

Asuria bei ta Babylaw, Kuthâ, Avâ, Hâmathi nata Sephavai khihzy tawhta chyhsazy a zâ chhi ta, Izarei sawzy vyuhpa ta Samâri khihpizy liata a pahrâsa ei. Chatanachata Samâri cha la ei ta, a khihpizy liata ama pahrâ haw.

2 ABEIZY 17:6

Hôsia kô chaki â bei kô ta, Asuria bei ta Samâri khihpi cha la ta, Izarei mo cha Asuria râh lâ siekhei ta, Hâlâh khih nata Hâbaw chavah liah liata Kôzani khih nata Mede mo khihpizy liata paysa ta.

2 ABEIZY 18:11

Asuria bei ta Izarei mo cha Asuria râh lâ siekhei ta, Hâlâh khih nata Hâbaw chavah kiah liata Kôzani khih nata Mede mo khihpizy liata a paysa ei.

2 ABEIZY 18:15

Hezekia ta Abeipa o liata tâkâ a ypa zydua nata abei o ryubyh liata a ypa zydua pie ta.

2 ABEIZY 18:32

A vy aw na ta, thi leipa ta nama hroh thei nawpa ta, nama râh hawhta sâh nata kresawhti puana râh, viahchhâ nata kre sadô yna râh nata ôli kôzy nata kheihti yna râh lâ ei châ chhi hlâlei ei cha, cha hawhta nama y lymâ thei aw. Hezekia ta, “Abeipa ta miah a pachha aw,” tahpa ta, châ chhi chhei a châ chhuahpa ei cha nathlie khuh vy.

1 THÂTIHZYRONA 5:26

Chavâta Izarei Khazohpa ta Asuria bei Puli palôh nata Asuria bei Tikalâpilesa palôh pathyu ta, Rubena chi, Kâdâ chi nata Manase chi khophie zy cha sei ta a chhi ta, Hâlâ, Hâbaw nata Hârâ khihpizy nata Kôzani chavah liata âmo cha soh ta, tanoh taihta cha liata ama y.

BIESOZY 28:11

Hneirôhpa cha ano mokhaoh liata a pasosa kaw ta, Châhrasala novâhna a hneipa dyhchhiepa ta Hneirôhpa châna dopa a hmô pasia aw.

ISAI 10:8

Asuria ta, “Ei pheisaih hyutuhpa zydua cha, Abei sai châ veih ei ma?

ISAI 5:21

Âmo mo liata â pasosa kaw ei ta, Âmo mohmô liata thai â tah kawpazy cha, Ama hu a po na!

ZEREMIAH 46:8

Nile chavah hawhta a laipa cha Izi châ ta, Chavah ti laipa hawhta â chatlaopa cha ano a châ. Izi ta, ‘Lai aw na ta, Alei ei vao aw; Khihpizy nata ama khihsawzy Ei pahleipadia aw ei,’ a tah.

ZEREMIAH 48:14

“Kheihta ma, ‘Riahphapa châ pi ta, Adyuhna pasaiphazy eima châ,’ Nama tah thei tly?

EZEKIA 25:3

Amawna mo hnohta, ‘Abeipa Zehôvâh bie nathlie teh u,’ tah mah y. Abeipa Zehôvâh ta hetana heta a tah: Ei supathaihpa papuapaleipa ta y ta, Izarei râh roryhrapa ta ypa ta, Zudâh pathlazy seichâna lâ ama sie nota, ‘A zi!’ na tahpa vâta,

EZEKIA 26:2

“Chyhsa sawchapawpa y, Tyre ta Zerusale kyh liata, ‘A pha kaw dia, phopizy chhikao rao ha ta, ei châta â pahy haw. Tahmâ cha khih rypa châ ha ta, chavâta ei dôhkhâh ha aw,’ a tahpa vâta,

EZEKIA 29:3

‘Abeipa Zehôvâh ta hetana heta a tah,’ tah teh: “Nâ, Izi bei Phiraoh, Chavahzy liah liata tisadâh rarôh ypa, ‘Nile chavah he kei eih châ ta, Keima châ tlai ta ei taopa a châ,’ a tahtuhpa y, Moh teh, ei châ dyuh hih.

EZEKIA 35:13

Na pakah ta ei chô liata nâ palai thlupa ta, keima chakhiana bie hluhpi reih chi ta, ei thei khai haw.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

DÂNIAH 4:30

abei cha patuapalua ta, hetana heta tah ta, “He Babylaw rônahpa he keima hmotaotheina nata thatlôna tlai ta abei pahrâna o châta nata ei beina rônahna châta ei paduapa châ vei mâ?” tah ta.

AMÔSÂ 5:27

Dâmaskâ khô lâ ei cha pasiesa aw ei,” Abeipa, a moh Pheisaihzy Khazohpa ta a tah.

AMÔSÂ 6:13

“Lôdebâ vâta a ly kawpa ta, ‘Keimo thatlôna ta Kânai khihpi la pi ta, Keimo châta eima lapa châ vei ma?’ Tahpa ta a palai kawpazy saih u,

HABAKU 1:11

Ama thatlôna cha ama khazoh ta tao ei ta, Ama siena liata thlih hawhta ama chanaoh laih; Moleina hmo tao ei ta, Thaileichâpa ta ama y.”

HABAKU 1:16

A sao vâta nie pahâhpa nie thei ta, Niedo hluhpi a hneipa vâta, A sao lâ atheihna hlâ ta, A sao sykhao lâta ropahâhpa a hlâ tyh.

HABAKU 2:6

Cha zydua chata Kaldia cha, Pasipasawhpa ta pahneisao ei ta, Hetana heta reichakiana biezy ama rei thlu: “Parupa ta a hneirôhpa cha a hupo ta, Sôhkâzy â pathlu pâpa chhao a hu a po na, Khachâ ma cha hawhta ama tao aw tly?”

RYHPACHANEINA 8:17

Chataleipatala nama palôh liata, “Keimo hmotaotheina nata eima ku thatlôna ta he hmozy he eima hnei,” nama tah pathlei aw.

RYUREITUHPAZY 7:2

Abeipa ta Kidia hnohta, “Na hnohta a ypa chyhsazy kha ama ku liata Midia mo ei pie nawpa ta ama hluh tu haw. Chataleipatala Izarei ta, ‘Keima ku ta eina pachha’ tahpa ta einâ palai thlu pathlei aw.