ISAI 10:1 - Mara Bible RV (BSI)

¹ Dâh hiehneipa a taotuhpazy nata Tlybaina bieraopa a papuatuhpazy cha, Ama hu a po na!

ISAI 10:1 ပူးပေါင်းရင်းမြစ်များ

1 ABEIZY 21:13

Ano dady ta chyhsa dyutlai leipa pano a vaw tyuh ei ta. Dyutlai leipa pano ta zawpi hmiakô liata Nâbô cha vaw leih ei ta, “Nâbô heta Khazohpa nata abei chô liata chhie a sa,” tah ei ta. Chatanachata khihpi khôtho lâ puakhei ei ta, alô ta vawh ei ta, thi ha ta.

HLAZY 58:2

Châ bao va, nama palôh ta hmo doleipa tao ei chi ta, Nama ku ta alei chô liata thachahra a hmâh tyh.

PUASAINA 23:3

“Dyhchhiepa ta biepeipa hnei sala, dyhchhiepa a châpa vâta na khokhei via awpa châ vei.

PUASAINA 23:6

“Dyhchhiepa cha a biepeipa pachiana liata â dona na chhu awpa châ vei.

ISAI 29:21

Chazy chata bie ta chyhsa thailei pachâ tyh ei ta, Thokhy chhikao liata chhoreituhpa cha, Ano paao nawpa ta khoheih chôh ei ta; Pahnokheina doleipa hmâpa ta, Mosiapa thailei ama pachâsa tyh.

ISAI 3:11

Moleipa cha a hu a po na! Chhiena a tyh aw ta, A hmotaopazy viarithôpa a châ aw.

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 5:11

Mydi kari ta thyupa ta sahma do awpa ta a râ ei ta, Zâcho taihta kresawhti paripa ta a ypazy cha Ama hu a po na!

ISAI 5:18

Adoleina khawhhrizy ta paraona a daophi laih ei ta, Talailih chaorizy a daophipa hawhta moleina a daophipazy cha, Ama hu a po na!

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ISAI 5:8

Râh ruapa y khao leina taihta, O nata o pazao ta, Râh nata râh a pazaopazy cha Ama hu a po na! Râh liah khophie liata Âmo dei ta ama pahrâ.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ISAI 59:4

Ryureina liata adona a duakheipa y leipa ei ta, Biedopa a reihpa y veih ei. Bie ruapa a duakheipa ta, Haipa biezy reih ei ta; Adoleina saw phaoh ei ta, Moleina saw ama sa tyh.

ZEREMIAH 22:13

“Sialeina ta a o sa ta, Adoleina ta a o chô chhôhpadâhpazy taopa ta, A saipa ta a vaih tha hmâh ta, A hria hlaozy a pie leipa chyhsa cha, A hu a po na.

AMÔSÂ 2:7

Sipasapazy luh alei dohlei liata tlypâ ei ta, Dyhchhiepazy lâpi ama chahrih tyh; Paw nata saw ta chanô pakha a ziakhei ei ta, Ei moh pathaihpa ama papuapalei.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

HABAKU 2:12

“Thisaih ta khihpi padua ta, Moleina ta khih a paduapa cha, A hu a po na!

HABAKU 2:15

“A vaihzy sahma a padosapa cha, A hu a po na! Ama thluahruana mo awpa ta, Ama parina taihta a ôh tawhta na patlaipa tyh ei.

HABAKU 2:19

Thotô hnohta, ‘Thyu teh’ tah ta, Hrona hnei leipa lôtô hnohta, ‘A hra teh,’ A tahtuhpa cha a hu a po na! Cha chata a chhihtha thei aw ma? Moh tua, ngôh nata tâkâ ta pahupa châ ta, Ano liata husona rai hnei vei.

HABAKU 2:6

Cha zydua chata Kaldia cha, Pasipasawhpa ta pahneisao ei ta, Hetana heta reichakiana biezy ama rei thlu: “Parupa ta a hneirôhpa cha a hupo ta, Sôhkâzy â pathlu pâpa chhao a hu a po na, Khachâ ma cha hawhta ama tao aw tly?”

HABAKU 2:9

“Chhiena ku thatlôna tawhta a boh awpa ta, Su sâhpa liata a bu a tu thei nawpa ta, A chhôhkha châta athôhna doleipa a tluapa cha, A hu a po na!

MATHAI 11:21

“Kôrâzi, na hu a po na! Besaidâ, na hu a po na! Nâmo liata hmonoâhpa taopazy kha, Tyre nata Sidaw liata taopa châ sala, latho poh a bupa ta, buchâh a mia aw ei ta, ama ro ha awpa tlai.

MATHAI 23:23

“Nâmo, ryhpa pachutuhpa nata Phârisaih phapakheipazy saih u, nama hu a po na! Pudinâzy, sysadizy, sykathuzy su hrawh su kha pie ei chi ta, Ryhpa peimawh viapa ryureina siapa, ngiachhiena nata ngâchhihna zy uasa veih ei chi. Ahropazy tao pâna chôta, chazy cha nama tao awpa a châ.

MATHAI 23:27

“Nâmo, ryhpa pachutuhpa nata Phârisaih phapakheipazy saih u, nama hu a po na! Hlyu râhpa hniapa thlâ, a chô lâ a ngia ngaitapa ta a lâ ta, a chhôh lâ deikua cha athipa rureih nata pathaih leipa to ta a biepa nata namâ lyu.

MATHAI 23:29

“Nâmo, Ryhpa pachutuhpa nata Phârisaih phapakheipazy saih u, nama hu a po na! Hrohsopazy thlâ o sapa ta, chyhsa siapa thlâzy tobi ei chi ta,

MATHAI 26:24

Chyhsa Sawchapawpa he, a thâtih ropa hawh tlai ta a sie aw. Châhrasala Chyhsa Sawchapawpa a patusatuhpa chyhsa cha a hu a po na! Cha chyhsa cha pih leipa sala, a châta a pha via awpa tlai,” tah ta.

LUKA 11:52

Nâmo, dâhthaipazy saih u, nama hu a po na! Pahnona châhbi la ei chi ta, châhrasala nâmo a ngia tlôh leipa ei chi ta, mohropa a ngia awpazy nama pakhâ khai haw,” tah ta.

ZAWHÂNA 19:6

Theihthai beizy nata hyutuhpazy ta Zisu ama hmôpa nahta, “Khaipâ teh, Khaipâ teh!” tahpa ta awh ei ta. Pilâ ta ama hnohta, “Nâmo ta a chhi u la, khaipâ teh u, kei la thailei a châna khâpa hmah hmô va na,” tah ta.

ZAWHÂNA 9:22

Zuzy ta ahy rai Zisu cha Mesia a châ tahpa ta a palâhâhpa maih cha, pakhyna o tawhta papuapa a châ aw tahpa ta ama pathlu hapa vâta, a nôpawzy ta Zuzy cha chi ei ta, cha hawhta ama reipa a châ.

ZUDÂH 1:11

Ama hu a po na! Kaina lâpi a chhih ei ta, athôhna hmô awpa ta Bâlâma moleina lâpi liata a râ ei ta, Kôrâ adyuhna liata ama leidia.