ISAI 1:8 - Mara Bible RV (BSI)

⁸ Kre sadô liata byureih hawhta, Zaio sawchanô cha siesaipa châ ta; Athei lyu liata chapu hawhta siesaipa ta a y; Khihpi dôh hapa hawhta a châ.

ISAI 1:8 ပူးပေါင်းရင်းမြစ်များ

ZAWBÂ 27:18

A o sapa cha chiariapa bu lyu ta, Vaituhpa riebu sapa hawh a châ.

HLAZY 9:14

Chatanachata nâma reithaina phuah aw na ta, Zaio sawchanô chhikaozy liata, Na pachhana ei ly aw.

ISAI 1:7

Nama râh roryhrapa ta y ta, Nama khihpizy mei ta kâ ta; Nama mohmô lia tlai ta, Chihropazy ta nama râh ama palâ khai haw. Chihropazy ta râh parao khai ha ei ta, Roryhrapa ta a y.

ISAI 1:9

Pheisaihzy Abeipa ta Laibâhpa chyhta miah pahlôhpa vei mawh sala; Sawdawmâ hawhna khata châ aw pi ta, Kawmawrâ hawhna khata eima y aw.

ISAI 10:32

Tanoh tlai he Nôbâ khih liata châh aw ta, Zaio sawchanô tlâh, Zerusale tlâh byuhpa lia tlai ta, A kutô a chalyu aw.

ISAI 29:3

Khihpi padôpa ta riehmozy cha paryh thlu aw na ta, Thokhy a sâhpazy ta cha dôhkhâh aw na ta, Dôhna diahsuazy ei cha chhôh khâh aw.

ISAI 30:17

Chyhsa pakha pachhiparypa ta, Sâh kha a râ aw ei ta; Chyhsa papangawh pachhiparypa ta, Namâ râ khai aw. Achhâna lâta cha, Tlâhpi laki liata pohraipa tôh hawhta, Siesaipa châ aw ei chi ta; Tlâhthlôh liata ngiana poh hawhta, Siesaipa nama châ aw.

ISAI 37:22

he he Senâkeri kyh Abeipa ta a reipa a châ: “Zaio zuah laihsa kôpa ta Cha mohnao ta a cha pahneisao; Zerusale zuah ta A luh a cha chahuah chie.

ISAI 37:4

Khazohpa hrohpa pasipasawh awpa ta, a zibeipa Asuria bei ta a kaw tuapa Râbâsake biezy kha Abeipa na Khazohpa ta thei aw ta, a biereipa a theipazy vâna chata Abeipa na Khazohpa ta a ra tlai aw. Chavâta laibâhpa a y tlakaihpazy châta na thlahchhâna avâ lâ pakiasa mah y,’ a cha tah,” tah ei ta ta.

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

ISAI 49:21

Na palôh ta pachâ aw chi ta, ‘He sahlao he ahy ma nâ sapa tly i? Kei cha mâchhiesapa ta choh ha na ta, Sei ta nâ chhipa ta na papua ha ei ta, Ahy ma âmo he a vaw mohôh tly i? Pachâ tua u, keima dei ta siesaipa châ tlôh na ta, He sahlao he khataih tawhta a vypa ma ama châ tly?’ na tah aw.”

ISAI 62:11

Pachâ teh u, Abeipa ta phuah ha ta, Khizaw kaokih taihta a phuah haw. “Zaio sawchanô hnohta hetana heta tah teh u: ‘Moh teh, na pachhana cha a vaw tlô haw, Lymâ a pie awpa ano liata y ta, Pahleipa a thô nawpa a hmiakô liata a y.

ISAI 8:8

Zudâh chhao tisaih ta tlô thlu aw ta, a rao taih tlai ta a vao aw,” a tah. Châhrasala Khazohpa eima hnohta y ta, Na râh doh nata hâ zydua A mathlaw ta a khu khai aw.

ZEREMIAH 4:17

Kei einâ dyuhpa vâta, Lyu vaituhpazy hawhta a chheipâh zydua ama chadô khai,” Abeipa ta a tah.

ZEREMIAH 6:2

Laihsa chhithaipa nata panyupa Zaio sawchanô cha ei pahleipadia aw.

CHAPHÔHTUNA 2:1

Abeipa ta a pathiiana ta Zaio sawchanô cha meihdo ta a khu ha he zaw! Izarei chhithaina chhao, Avâ tawhta alei lâ a za thy ha hih; A hiehâhna noh liata la, A pheitlyna chhao a thei khao vei.

CHAPHÔHTUNA 2:6

A byureih cha sadô ruapa hawhta parua ta, A poh o a parao haw; Abeipa ta Zaio cha, Kyhchhi nata Pahânoh zy pamysa ta; A ruchhôna ru ngaitapa ta Abei nata theihthaipa zy a thy ha ei.

ZEKARIA 2:10

“Hy Zaio Sawchanô y, awh la, a ly teh! Moh teh, ei vy hai, na hnohta ei pahrâ aw,” Abeipa ta a tah.

ZEKARIA 9:9

Hy Zaio sawchanô, thapha ngaitapa ta y la, Hy Zerusale sawchanô, thata awh teh! Moh tua, na bei cha nâ lâta â vy hai; Mosiapa nata pachhatuhpa a châ; Areisipa ta alâ vaw kiah ta, Alâtaw, alâ panô taw tlai vaw kiah ta â vy.

ZAWHÂNA 12:15

“Hy Zaio sawchanô, chi khah y, Moh teh, alâ taw kiapa ta, Na Beipa cha â vy,” tahpa ta ropa hawhna khata.