ISAI 1:7 - Mara Bible RV (BSI)

⁷ Nama râh roryhrapa ta y ta, Nama khihpizy mei ta kâ ta; Nama mohmô lia tlai ta, Chihropazy ta nama râh ama palâ khai haw. Chihropazy ta râh parao khai ha ei ta, Roryhrapa ta a y.

ISAI 1:7 ပူးပေါင်းရင်းမြစ်များ

2 THÂTIHZYRONA 28:5

Chavâta Ahâza cha Abeipa a Khazohpa ta Aramia bei ku liata pie ha ta. Aramia mo ta Ahâza cha pahnie ei ta, a chyhsa hluhpi patu ei ta, sei ta Dâmaskâ lâ ama siekhei haw. Izarei bei ku liata chhao piepa châ ta, ano chhao ta Zudâh chyhsa hluhpi a thie haw.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

HLAZY 107:39

Tlybaina, moleina nata pachârôhnazy vâta, Pasysa viapa nata panawhpa ta ama y tita,

HLAZY 109:11

Dyu a pacheisatuhpa ta a hneipa zydua lapa khai sala, Khichhaipazy ta a hriapasana theizy hrao mawh ei sy!

ISAI 1:8

Kre sadô liata byureih hawhta, Zaio sawchanô cha siesaipa châ ta; Athei lyu liata chapu hawhta siesaipa ta a y; Khihpi dôh hapa hawhta a châ.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 34:9

Edômâ chavah tizy cha chathli lâta paliepa châ aw ta, A dohlei kaih lâta paliepa a châ aw; A râh chhao chathli kâ ngâpa lâta â lie aw.

ISAI 49:19

“Khih rypa nata roryhrapa ta cha tao ei ta, Râh raopa ta cha tao ha hra ei sala, Tahmâ cha na khihsawzy châta Na buah tuna lâ châ aw ta, Châ palâtuhpazy kha, Lâhlapi lâta ama y khai aw.

ISAI 5:17

Mietakutawzy ta khihpi rypazy cha ama lao bâna su châta hmâh aw ei ta, Chihropazy ta hneirôhpazy siesaipa ama nie aw.

ISAI 5:9

Pheisaihzy Abeipa ta ei nah theina liata hetana heta a tah: “O rônahpazy cha roryhrapa ta y tlai aw ei ta, O laipa nata o ngiapazy chhao pahrâtuhpa hnei khao aw vei.

ISAI 6:11

Chatawhcha kei ta, “Hy ei Zibeipa, khati taih ma a châ aw?” tah na ta. Abeipa ta hetana heta einâ chhy: “Khihpizy rao khaipa ta, Khihsawzy y khao leipa ta a y hlâlei; Ozy rua khaipa ta, Râh roryhrapa ta a y hlâlei;

ISAI 60:15

Pathluapa nata a haopa châ chi ta, Châ chapia chahreihpa chhao ama y khao leipa kha, Chhâzaw ta a palaikheipa ta cha tao aw na ta, Kôzaw ta alyna ta ei cha tao aw.

ISAI 62:8

Abeipa ta a ku chachâh lâta bie a taih ha ta, A bâh thatlôpa ta hetana heta bie â taih haw: “Na sâh cha na chariahpazy nie awpa ta Pie khao leipa aw na ta, Na hriapasana kresawhti cha, Chihropazy ta doh khao aw veih ei.

ISAI 64:10

Na khihpi pathaihpazy cha, Râhchawhpa lâta a lie ha ei ta; Zaio chhao râhchawhpa lâta a lie ha ta, Zerusale chhao roryhrapa lâta â lie haw.

ISAI 9:18

Paraona cha mei hawhta kâ ta, Diahsai nata ahlohzy cha ama tlôna taihta a kâ aw. Râhmâhpa chha kaluhpazy kâ aw ta, Meikhuh tôh a charihpa ta avâ lâ a kiah aw.

ISAI 9:5

Tlypâna pheiky nata thisaih a hlaopa chysia zydua cha, Mei liata phôh ta pakâ khaipa a châ aw.

ZEREMIAH 2:15

Chakeibarôhneipa lochopazy ta a rôh thlu ei ta, A paro ngaitapa ta amâ rôh thlu lymâ. A râh roryhrapa ta tao ei ta, A khihpizy chhao ry khai ha ta, A chhôh liata a pahrâpa y khao veih ei.

ZEREMIAH 4:7

 nyuna sipopa tawhta chakeibarôhneipa vaw pua ha ta, Râhzy paraotuhpa a vaw pua haw; Na râh roryhrapa ta tao awpa ta, A yna su tawhta a vaw pua haw; Na khihpizy cha khihpi rypa châ aw ei ta, A chhôh liata a pahrâpa y khao aw veih ei.

ZEREMIAH 44:6

Chavâta ei pathiiana nata ei hiehâhna cha, Zudâh khihpizy liata nata Zerusale khiliahzy liata lei thlupa châ ta, ia ha ta, tanoh duahmo hawhna heta, khihpi rypa nata roryhrapazy lâta amâ lie hapa a châ.

ZEREMIAH 6:8

Hy Zerusale, zikyurâna he a papeisa mah y; Chataleipatala cha siesaipa ta, Roryhrapa ta cha tao aw na ta, Pahrâ tlâh leipa râh ta ei cha tao pathlei aw na.”

ZEREMIAH 7:34

Zudâh khihpizy liata nata Zerusale khiliahzy liata palaona pyu, thaphana pyu, myuhneituhpa ao nata myuhthieh ao zy chalihsa khai ha aw na ta, râh cha roryhrapa ta a y aw.

CHAPHÔHTUNA 5:2

Eima ryuto râhzy cha chihropazy hnohta piepa châ ta, Eima ozy râh hropazy hnohta piepa a châ ha hih.

EZEKIA 25:4

nathlie teh, nochhi chyhsazy ta ama cha hnei awpa ta, ama hnohta ei cha hlâ aw. Na râh liata riehmo paryh aw ei ta, na râh liah khophie liata pahrâna su ama tao aw. Na theilâpazy nie aw ei ta, na sâhpitizy ama doh aw.

EZEKIA 30:12

Nile chavah pakua aw na ta, Râh chhao moleipazy hnohta ei zuah aw; Chihropazy ku hmâpa ta, Râh nata a chhôh liata a ypa zydua chô liata Roryhrana ei patlôsa aw; Kei Abeipa ta ei reih haw.’

HÔSIA 7:9

Chihropazy ta a thatlôna nie khai ei ta, Châhrasala a pahno vei; Sâ pawhpa thiapa châ ta, Châhrasala pahno vei.

HÔSIA 8:7

Ziza chi tu ei ta, Khisô tlao ama hria aw. Sâh kô a suh leipa ta a duah ta, Viahdie papua aw vei. Sâh hria awpa a ypa chhao ta, Chihropazy ta ama nie aw.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

THEIHTHAINA 26:34

“Râh roryhrapa ta a y chhôh zydua nata nâmo nama chariahpa râh liata nama y chhôh zydua cha, râh ta Pahânohzy a hmâh aw. Chatanachata râh cha a pahâ aw ta, a Pahânohzy liata â ly aw.

MIKÂ 5:11

Na râh khihpizy parao aw na ta, Na thokhy zydua ei pacho khai aw.

MIKÂ 6:13

Chavâta kei chhao ta, A pasa kawpa ta cha tu na ta, Na moleina vâta, Roryhrapa ta ei cha tao haw.

RYHPACHANEINA 28:33

Nama pahno leipa phopi ta nama chhaohlei patheipa nata nama hriapasana theizy nie khai aw ei ta, nâmo cha khâ tlybai awpa nata riepathei awpa deita nama châ aw.

RYHPACHANEINA 28:43

“Chihropa nama hry liata a ypazy nâmo hlâta a sâh via rili aw ei ta, nâmo deikua cha namâ hnai via lymâ aw.

RYHPACHANEINA 29:23

A râh pôhpalôhpa cha, kaih nata alôh nata kârypa, khâpa chi hmah cheih leina, khâpa hmah pyu leina, sibiepazy chhao thao leina, Abeipa ta hiehâhpa nata pathi iapa ta a paraopa Sawdawmâ nata Kawmawrâ nata Adamâ nata Zebaw râhzy hawhta paraopa a châ aw.