ISAI 1:5 - Mara Bible RV (BSI)

⁵ Khazia hmo parao lymâpa ta, Tupa ta khâ nama y aw? Na luh zydua pasa ta, Na palôh tlokhuh a panao haw.

ISAI 1:5 ပူးပေါင်းရင်းမြစ်များ

2 ABEIZY 1:13

Abei ta pheisaih sypangawh hyutuhpa pathôhna a pheisaih sypangawh chhaota tuah heih ta. Pheisaih sypangawh hyutuhpa pathôhna cha khy ta, Elaizâh hmiakô liata a pakhu paneih ta, a hnohta, “Hy Khazohpa chyhsa y, keima hrona nata châ chakaotuhpa chyhsa sypangawh hrona he, na mohmô liata hmo sôhpa châ mawh sy.

2 THÂTIHZYRONA 28:22

A nôpo ngaita no chhao ta, Ahâza cha Abeipa chô liata ngâ a chhih lei via rili ta. Cha cha Bei Ahâza hro a châ.

NEHEMIAH 9:34

Eima beizy, eima beimachâzy, eima theihthaipazy nata miah pathlatuhpazy ta na ryhpa zyh leipa ei ta, na biepiepazy nata zikyurâna bie na piepazy thei khoh veih ei.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 31:6

Hy Izarei sawzy saih u, thata nama chakhia hapa lâ kua heih teh u.

ISAI 33:24

Khihsaw ahy hmahta, “Tlâh va na,” tah khao leipa aw ei ta; Cha liata a pahrâpa phopi cha, Ama moleina a ngiahthaipa a châ aw.

ISAI 9:13

Izarei phopi ta âmo a tutuhpa lâ a heih leipa ei ta, Pheisaihzy Abeipa cha tlua hra veih ei.

ISAI 9:21

Manase ta Epharai nie aw ta, Epharai ta Manase a nie aw; Ama pano ta Zudâh amâ dyuh khoh aw. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 13:23

Kusi chyhsa ta a vo panano thei aw ma? Keichhoh ta a chei a panano thei aw ma? Cha hawhna hra chata, Nâmo, hmo chhiepa taopa liata nama tlai a châ hapazy chhao, Hmo phapa tao thei aw veih ei chi.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

ZEREMIAH 2:30

“Nama sawzy tu na ta phahnai leipa ta, Phakhei hlei veih ei. Chakeibarôhneipa sa niepa hawhta, Nâmo zaozi ta nama hrohsopazy a palâ khai haw.

ZEREMIAH 44:15

Ama lapinôzy ta khazoh hropazy lâ ropahâhpa ama raopa a pahnopa chapaw zydua nata cha liata a duahpa chanô zydua nata Izi râh Pâtharô liata a pahrâpa chyhsa zydua, zawpi hluh ngaitapazy ta Zeremiah cha a chhy ei ta, a hnohta,

ZEREMIAH 5:3

Hy Abeipa, ngâchhihna vei ma na mo ta a tlua tyh vei? Âmo cha tu chi ta, Châhrasala pasa a pahno hlei leipa ei ta, Âmo cha palâ chi ta, Châhrasala chhoreina a pyh khoh hlei veih ei. Ama hmia alô hlâta pachâsa via ei ta, Ro khoh veih ei.

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

ZEREMIAH 5:5

Chhituhpazy lâ vawh aw na ta, Ama hnohta ei kei reih aw; Âmo cha Abeipa lâpi pahno thlyu aw ei ta, Ama Khazohpa ryhpa ama pahno tlai aw,” tah na ta. Châhrasala a paraohpa ta raopaky thlie ei ta, Bâliazy ama chhie haw.

ZEREMIAH 9:3

“Ama paleih libaw hawhta pako ei ta, Biedopa hlâta haipa bie râh liata tlao a laiseih via. Moleina tawhta molei viana lâ tôh lymâ ei ta, Kei na pahno veih ei,” Abeipa ta a tah.

CHAPHÔHTUNA 5:17

He vâna heta eima palôhzy panao ta, Hezy vâna heta eima mozy a zoh haw,

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

EZEKIA 34:16

Mietaku a leipa tlua aw na ta, a viavipa a vaw chhi pakhuapa ta, hmaphaohpa chahrypa aw na ta, chiehleipa tha ei patlô aw. Athawhpa nata thatlôpazy chhao ei mohôh aw ei. Mietakuzy cha â khopa ta ei pasa aw ei.

EZEKIA 34:4

Mietaku chiehleipazy thapatlô leipa ei chi ta, a pasapazy patlâh hra leipa ei chi ta, hmahphaohpazy chhao chahry veih ei chi. Lâpi a paviapazy a vaw chhi pakhua leipa ei chi ta, aleipazy tlua hra vei ei chi. Nôchhiepa nata chahrâhpa ta ama chô liata ryu tlao nama reih tyh.