ISAI 1:4 - Mara Bible RV (BSI)

⁴ Âh, râh moleipa châ ei ta, Paraona a phaohpa phopi ama châ; Moleina hmo a taopa chipathla châ ei ta, Avyuhna a taopa sawzy ama châ. Abeipa siesaipa ta, Izarei Pathaihpa cha mohnao ei ta, Hnôh ama chhy haw.

ISAI 1:4 ပူးပေါင်းရင်းမြစ်များ

ÂTHAONA 13:13

Sawdawmâ chyhsazy cha molei ngaita ei ta, Abeipa chô liata hmo thata parao ei ta.

2 ABEIZY 21:22

Abeipa, a pathlatuhpazy Khazohpa cha siesai ta, Abeipa lâpi a chhih vei.

2 THÂTIHZYRONA 12:1

Rehôbaw cha a ryureina liahsa a i ta, a tha a vaw tlô nahta, Abeipa ryhpa tleisai ha ta. Ano chhâh a châpa Izarei saw zydua chhao ta Abeipa ryhpa cha tleisai ha hra ei ta.

2 THÂTIHZYRONA 27:2

A paw Uzia hmotaopa zydua tao hrapa ta, Abeipa mohmô ta hmo dopa tao ta, Abeipa Achhyna o lâ deikua a ngia vei. Zudâh phopi deikua cha avyuhna moleinazy ama tao ngâ thlâh ha chy.

NEHEMIAH 1:7

Na chô liata hmo pha lei ngaitapa tao pi ta, châ cha­kaotuhpa Mawsi hnohta na piepa biepiepazy, bieraopazy nata ryhpazy zyh khoh ma pi.

HLAZY 58:3

Moleipazy cha chhi tawhta nomâpa châ ei ta, Ama pipa nahta lâpi paviapa ta, Haipa biezy ama reih lymâ.

HLAZY 71:22

Na ngâchhihna vâta, Hy Khazohpa, Totâ ta cha reithai aw na ta; Hy Izarei Mo Pathaihpa, Tlaipih ta cha reithaipa ta ei sa aw.

HLAZY 78:40

Râhchawhpa liata ei hluhpi chakhia ei ta, Râraohpa liata ei hluhpi a pachâ ama parôh.

HLAZY 78:41

Khazohpa pasia chanei ngâ thlâh ha ei ta, Izarei Mo Pathaihpa ru ama pachhô chanei heih tyh.

HLAZY 78:57

Kua ei ta âmo pathlatuhpazy hawhta, Piehpie ngaitapa ta hmotao ei ta; Libaw doleipa hawhta, A pahnieh tlâh châ veih ei.

HLAZY 78:8

Âmo pathlatuhpazy hawhta, Chhorupa nata dyuhtuhpa châ leipa aw ei ta, Palôh a i leipa chhâ lyu leipa aw ei ta, Khazohpa châta thlahpa ngâchhih leipa hawhpazy châ aw veih ei.

HLAZY 89:18

Eima vyhphao cha Abeipa eih châ ta, Eima bei cha Izarei Mo Pathaihpa eih a châ.

PUASAINA 32:7

Abeipa ta Mawsi hnohta, “Zu teh, na phopi Izi râh tawhta nâ kaw chhi papuapazy âmosasyh ta amâ parao ha khuh.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 1:28

Hmoparaopazy nata moleipazy deikua cha, Hmaohkha ta pahleipadiapa châ aw ei ta, Abeipa a siesaipazy chhao ama leidia aw.

ISAI 10:6

Hraona sôh lapa ta, Ama hneipazy chhu ta, Khiliah chiatlao hawhta tlypâ awpa ta, Ano cha Khazohpa a pachâ leipa phopi lâ tuah na ta, Ei hie nâ pahâhpa phopi a dyuh awpa ta bie ei pie.

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 14:20

Na râh parao chi ta, Na phopi na thiepa vâ ei ta, Ama hry liata pabupa châ aw va chi. ‘Moleipazy chipathla cha, A moh reipa châ beih khao khah sy!

ISAI 29:19

Areisipazy cha, Abeipa liata alyna thiehpa hmô aw ei ta, Chyhsapa hry liata dyhchhiepazy chhao, Izarei Mo Pathaihpa liata thaphapa ta ama y aw.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ISAI 31:2

Châhrasala Khazohpa cha asopa châ ta, Chhiena patlôsa ta, A biezy a pathleih leipa a châ. Moleina hmo a taotuhpazy cha, Ama pathlazy taihta thyuhnao aw ta; Hmoparaotuhpazy a baotuhpazy chhao, A thyuhnao aw ei.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 41:14

Nâ, Zakaw châkariepa y, Chi khah y; Nâmo, Izarei chyhsazy saih u, Chi khuh vy! Ei cha bao aw ei, Abeipa ta a tah. Châ chatlaituhpa cha, Izarei Mo Pathaihpa a châ.

ISAI 41:16

Âmo cha zie aw chi ta, Thlih ta phaoh aw ta; Chothyu ta a hiepatla khai aw ei. Chatawhcha Abeipa liata a ly aw chi ta, Izarei Mo Pathaihpa cha nâ palaikhei aw.

ISAI 41:20

Chatanachata Abeipa ku ta chazy cha tao ta, Izarei Mo Pathaihpa ta a paysapa a châzie, Hmô aw ei ta ama pahno aw; Pachâ khoh aw ei ta, Ama no â vâh aw.

ISAI 5:19

“Eima hmô thei nawpa ta, A para sala, A tao awpa cha a chatliepa ta tao mawh sy. Eima pahno thei nawpa ta, Izarei Pathaihpa ryhraona cha a vaw hnia sala vaw tlô mawh sy!” A tahtuhpazy cha ama hu a po na!

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ISAI 57:17

 do leipa ta athôhna a hmôpa vâta, Hiehâhpa ta tu na ta; Hiehâhpa ta ei hmia ei nyusai ha aw. Chatanachôta ano palôh khopa lâ sie ta, Chhorupa ta a y lymâ.

ISAI 58:2

Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

ISAI 65:11

“Nâmo, Abeipa siesaipa ta, Ei tlâh pathaihpa my ei chi ta, Vâphana châta tlâhkhai a chhuahdypa ta, Tovyuh châta nyu liata Kresawhti ropahâhpa a patlai tyhpazy deikua cha,

ISAI 65:3

Âmo cha sadôzy liata atheihnazy hlâ ei ta, Leiraopazy chô liata ropahâhpazy raopa ta, Hmiadaisâ ta ei hie nâ pahâh tyhpa phopi ama châ.

ISAI 9:17

Chavâta Abeipa cha ama satliazy chô liata a ly leipa aw ta, Ama harapazy nata nôhmeizy chhao ngiachhie hra aw vei. Chyhsa to Khazohpa a pachâ leipa nata moleipa sai châ ei ta, Pakah to hruna bie a reihpa sai ama châ. Cha zydua cha a tao hapa chhao ta, A hiehâhna pai to leipa ta, A ku a hy ngâ thlâh ha chy.

ZEREMIAH 15:6

Na thy ha chi ta, Hnôh nâ sy lymâ. Chavâta na chô liata ei ku hy na ta, Ei cha pahleipadia haw; A ngiapachhi tiah khao va na, Abeipa ta a tah.

ZEREMIAH 2:13

“Ei phopi ta hmo miano ama parao haw: Kei, hrona tihnawh he na siesai ei ta, Âmo châta tikhaoh â chao ei ta, Ti a o thei lei awpa tikhaoh amâ chao.

ZEREMIAH 2:17

Abeipa na Khazohpa ta lâpi liata a cha chhihtha nota Nâ râsaipa vâta, Nâma tlai ta cha hmo cha Na chô liata na patlôsapa châ vei ma?

ZEREMIAH 2:19

Na moleina ta pasa cha pataosa aw ta, Na paosaina ta a cha hrie aw. Abeipa na Khazohpa he na siesai chi ta, Keima china nâ liata a y leipa he, Hmo pha leipa nata hiehâhchhihpa a châ tahpa Pahno la hmô pasia mah y,” Pheisaihzy Abeipa Zehôvâh ta a tah.

ZEREMIAH 2:31

Hy Nâmo, he chhâ sawzy saih u, Abeipa bie nathlie teh u. Izarei sawzy châta râhchawhpa hawhta ei châ beih ma? Râh zoh kaluhpa hawhta ei châ beih ma? Cha ta a châ tlôh khiahta cha, Khazia ei phopi ta, ‘Khotalaina eima hmô haw, Nâ lâ a vy khao aw ma pi,’ ama tah tly?

ZEREMIAH 2:33

“Vâia tlua nawpa ta cha, Na hrozie a pha kaw dia! Chanô moleipazy taihta Na hroziezy na pachu ei.

ZEREMIAH 2:5

Abeipa ta hetana heta a tah: “Kei liata khâpa adoleina ma ama hmô tly, Châ pathlatuhpazy khata lâhlapi lâ na siesaipa ta, Hraoleipa a chadai ei ta, Hraoleipa lâta ama pua ha tly?

ZEREMIAH 32:32

Izarei pathlazy nata Zudâh pathlazy ta ei chô liata hmo pha leipa tao ei ta, ama beizy, ama beimachâzy, ama theihthaipazy, ama hrohsopazy, Zudâh râhsawzy nata Zerusale khihsawzy ta ei chô liata hmo pha leipazy taopa ta ei hie eina pahâhna zydua vâ ei ta, cha hmo cha ama chô liata ei patlôsa aw.

ZEREMIAH 50:29

“Babylaw a dyuh awpa ta, Likathaipazy aw u la, Libaw a keipa zydua aw teh u. Babylaw chadôpa ta riehmozy paryh u la, Ahy hmah papua khuh vy. A hmotaopa lymâ hawhta viarithô u la, A taopa zydua hawhta a chô liata tao teh u; Sâlâ kawpa ta Abeipa a dyuh ta, Izarei Mo Pathaihpa a dyuhtuhpa a châ.

ZEREMIAH 51:5

Ama Khazohpa, Pheisaihzy Abeipa ta Izarei nata Zudâh cha siesai leipa ta, Kaldia râh deikua cha moleina ta bie ta, Izarei Mo Pathaihpa chô liata ama moleina ta a bie.

ZEREMIAH 7:19

Keima hie pahâhpa hawhta ma ama pachâ? Âmosasyh ta ama no amâ pazapa tlao châ vei ma? Abeipa ta a tah.

ZEREMIAH 7:26

Châhrasala na nathlie khoh leipa ei ta, ama nah pachôh hra leipa ei ta, ama kuh tlao amâ pachhasa. Âmo a pathlatuhpazy hlâ chhao ta ama paru via.

EZEKIA 14:5

Chatanachata ama khazoh nothlahpazy vâta lôh hro nâ phaosai hapa Izarei pathlazy pathipalôh cha ei patu heih thei ngyu aw.’

EZEKIA 16:33

Âzuahnô zydua hnohta lymâ pie tyhpa châ ta, nâ deikua cha na khopaw zydua lymâ tlao pie chi ta, su to tawhta nâ lâ a vy ei sala, nâ pheikhei thei nawpa ei ta, na panaopapa tyh ei.

EZEKIA 16:45

Na nô lyu chi ta, a vahpa nata a sawzy a dythapa sawchanô na châ. Na narôzy narô châ chi ta, ama vahpa nata ama sawzy a dythapazy narô na châ. Na nô cha Hiti chyhsa châ ta, na paw cha Amawri chyhsa a châ.

DÂNIAH 9:11

Izarei zydua ta na ryhpa parao ei ta, tleisai ei ta, na ao nathlie khoh veih ei. Chavâta châ chakaotuhpa Mawsi Ryhpa liata chhiesana nata bietai zy kha eima chô liata patlai thlupa ta eima y ha hih. Abeipa chô liata na eima vaw molei haw tlai.

ZEPHANIA 1:6

Abeipa pazi ha tlôh ta a kuasai heihpazy Chhawh pathlah aw ei na ta, Abeipa tlua leipa ta, ano a saohiah leipa maih cha, He su tawhta ei chhawh pathlah khai aw ei,” Abeipa ta a tah.

MALUHREINA 32:14

Châ pathlatuhpazy kha moleipa pathlazy châ ei ta, nâmo chhao âmo su a thlapa ta, Izarei chô liata Abeipa pathiiana chichhihpa nama baichha via rili he zaw!

MATHAI 11:28

Nâmo, hriapasapa nata phaohripa zydua saih u, kei lâ a vy u la, ei cha pahâsa aw ei.

MATHAI 23:33

Nâmo, parihzy saih u, nâmo, vâzi pathlazy saih u, hrienasu lâ sie awpa ta pachiana cha kheihta ma nama khôkhâh thei aw?

MATHAI 3:7

Phârisaih nata Saduasi hluhpi ta bâti châ awpa ta ano lâ amâ vypa a hmô nahta, ama hnohta, “Nâmo, vâzi pathlazy saih u! Hiehâhna vaw tlô awpa a râsai awpa ta ahy ma zikyu châ râ ei?

RAWMA 8:7

Sapa hmo pachâna cha, Khazohpa ryhpa ry liata a y leipa vâta, Khazohpa a dyuhpa a châ. Hmeiseihta ta, sapa hmo a pachâpa châta cha, Khazohpa ryhpa ry liata y hmeiseih thei awpa châ vei.

1 KAWRINI 10:22

Abeipa cha a hia patliasapa ta, a hie pahâh eimâ chhuah mâ? Ano hlâta eima tha a tlô via mâ?

RYHPACHANEINA 29:25

“Cha tina cha chyhsazy ta, ‘Izi râh tawhta â chhi papua nona ei khata, Abeipa, ama pathlatuhpazy Khazohpa ta ama hnohta a taopa biehrai tleisai ei ta,

RYHPACHANEINA 31:16

Abeipa ta Mawsi hnohta, “Pachâ teh, châ pathlatuhpazy hnohta nâ mô nawpa daihti â hnia haw. He phopi he thyu aw ei ta, pahrâ awpa ta ama pangaipa râh liata chihropa khazohzy liata amâ phei aw. Na pathlua aw ei ta, ama hnohta ei hraipa ei biehrai ama parao aw.

RYHPACHANEINA 32:19

Cha cha Abeipa ta hmô ta â hao kaw, A sawchapawzy ta a hie pahâh ei ta, A sawchanôzy ta a hie ama pahâh.

RYHPACHANEINA 32:5

A chô liata molei ei ta, Ama moleina vâta, A sawzy châ khao veih ei; Chhâ haiphiahpa châ ei ta, Chhâ moleipa ama châ.

KAOLAOSÂ 1:24

Tahmâ cha nama châta pasa ei taonazy liata a ly na ta, a pôhpa, Awnanopa châta Krista pasa tao laibâhpa cha, ei sapa liata ei pazao lymâ.

BIEPHUAH 18:5

A moleinazy avâ taihta a pacho ta, A paraonazy Khazohpa ta â thei thlâh haw.

RYUREITUHPAZY 10:10

Izarei sawzy ta Abeipa pado ei ta, a hnohta, “Na chô liata eima vaw molei haw, eima Kha­zohpa a paphasaipa ta, Bâlâzy tlao eima vaw chakao haw,” tah ei ta.