ISAI 1:30 - Mara Bible RV (BSI)

³⁰ A hna a uah hapa ôkâ tho hawhta châ aw ei chi ta, Ti y leina sadô hawhta nama châ aw.

ISAI 1:30 ပူးပေါင်းရင်းမြစ်များ

ÂTHAONA 12:6

Abarâ cha râh chahryh ta, Sekhe su liata Môre thokô laipa taihta chahryh ta. Cha daihti liata, cha râh liata a pahrâpazy cha Kâna mozy ama châ.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ISAI 58:11

Abeipa ta cha chhihtha lymâ aw ta, Su chawhkaraipazy liata chhao lôhrâ cha patlô aw ta, Na rupazy tha a patlô aw. Ti pie phapa sadô hawhta châ aw chi ta, Tikhaoh ti a kua beih leipa hawhta na châ aw.

ISAI 64:5

Nâ cha siana a taotuhpazy A ly kawpa ta a tyh tyhpa châ chi ta, Nâ lâpi a thei thlâh hapazy a tyh tyhpa na châ. Pachâ tua, eima moleina vâta na hiehâh ta, Keimo hra cha eima moleina liata bohpi y pi ta, Kheihta ma pachhapa ta eima y thei rai aw tly?

ISAI 64:6

Chyhsa pathaih leipa hawhta châ khai ha pi ta, Eima siana hmotaopa zydua chhao, Chysia pua­pa hawhta a châ haw. Eima zydua ta chhohna hawhta uah pi ta, Eima paraonazy ta thlih hawhta miah a phaoh.

ZEREMIAH 31:12

A vy aw ei ta, Zaio tlâh sâhpa liata hla sapa ta awh aw ei ta, Abeipa phana vâta hmiakai ngaitapa ta ama y aw; Sâh zy, kresawhti zy, sathaw zy vâta Ama hmiakai aw ta; Mietaku dawpa nata viahchao dawpazy vâta Ama hmia a kai kaw aw. Ama hrona cha, Ti pie phapa sadô hawhta châ aw ta, Panao khao aw veih ei.

EZEKIA 17:24

Chatanachata lyurâh tho zydua ta kei, Abeipa he, thokô a sâhpa pahnaipa ta, thokô a hnaipa pasâh na ta; tho hrohpa paraohpa ta, tho raohpa a pahrotuhpa ei châ tahpa ama pahno aw. Kei, Abeipa ta reih ha na ta, ei tao aw.’”

MATHAI 21:19

Lâpi kiah liata theiku kô hmô ta, kei pangai ta, a hna dei leipa ta cha khâpa hmah hmô leipa ta. Theiku kô hnohta, “Chhâzaw ta pathei khao khah y,” tah ta. Theiku kô cha thlai uah pâ ha ta.