ISAI 1:3 - Mara Bible RV (BSI)

³ Viahchao tôhpa ta a hneituhpa pahno ta, Alâ ta a puhpa châki a pahno; Izarei deikua ta pahno leipa ta, Ei phopi ta a novâh vei.”

ISAI 1:3 ပူးပေါင်းရင်းမြစ်များ

HLAZY 94:8

Hy phopi nomaoh chaipa, na novâh bâ mawh sy! Hy ahrupazy saih u, khatita ma nama so aw?

BIESOZY 28:5

Chyhsa chhiepazy cha adona kyh ama novâh leipa ta, Abeipa a tluatuhpazy deikua cha adona kyh liata tlokhuh ama no a vâh.

BIESOZY 6:6

Nâ thathipa, hloia lâ vawh la, A hroziezy moh la, so ha mah y.

ISAI 27:11

A chiahzy cha ama uah tita tlie ei ta, Chanôzy a vy ei ta tho châta ama pakhy tyh. Pahnona a hnei leipa phopi châ ei ta, Chavâta âmo a taotuhpa ta zawh a ngiah leipa aw ei ta, Âmo a paduatuhpa ta khohkhei aw veih ei.

ISAI 42:20

Hmo hluhpi hmô ta, Châhrasala a phapa ta ngia vei; A nah pha thlâh ha ta, Châhrasala thei vei.

ISAI 44:18

Pahno leipa ei ta, Pachâ hra vei ei; Ama hmô thei lei nawpa ta, Ama mo pachawhkhâh hapa châ ta; Ama pahno thai lei nawpa ta, Ama palôh khaw hapa a châ.

ISAI 5:12

Ama kyhchhizy liata kresawhti doh ei ta, Totâ, tlaipih, paotlâ nata siaramo zy tôpa ta a ly ei ta, Abeipa hmotaopazy deikua cha pachâ veih ei, A ku raihriazy chhao hmô veih ei.

ISAI 5:13

Chavâta ei phopi cha pahnona amâ phahlapa vâta sei ta a chhipa ta y ei ta, Ama chyhsa zachhihpazy nodipa ta thi ei ta, Ama zawpizy dâhphipa ta ama thi.

ISAI 56:11

Izy cha pahâpahaohpa châ ei ta, Â daih tahna rai hnei veih ei. Izarei vaituhpazy deikua cha, Mietaku vaituhpazy châ taraw ei ta, Novâhna hnei veih ei; Ama lâpi chyu lâta a heih ei ta, Âmo athôhna lâ a heihpa sai ama châ.

ZEREMIAH 10:14

Chyhsa to ahrupa châ ei ta, Pahnona hnei veih ei. Nothlahpazy cha dôveina dei châ ei ta, Âmo liata husona a y leipa vâta, Ano taopa nothlahpazy cheingei ta, Ngôh daihtuhpa cha nozapa ta ama paysa tyh.

ZEREMIAH 10:8

Âmo cha ahrupa nata angâpa châ ei ta, Tho ama châpa kyh dei leipa ta cha, Nothlahpazy ta pachu awpa hropa hnei veih ei.

ZEREMIAH 35:16

Rekhâ sawchapawpa Zônadâ pathlazy cha âmo pathlatuhpa biepiepa zyh ei ta, he phopi deikua he cha na nathlie veih ei.

ZEREMIAH 4:22

“Ei phopi cha hru ha ei ta, Na pahno veih ei; Saw nokhih leipazy châ ei ta, Novâhna hnei veih ei. Hmo pha leipa taona liata so kaw ei ta, Hmo phapa taonazie deikua pahno veih ei,” Abeipa ta a tah.

ZEREMIAH 50:6

“Ei phopi cha mietaku a leipa ama châ. Âmo vaituhpazy ta paviasa ei ta, Tlâhpizy lâta amâ chhi; Tlâhpi tawhta tlâhthlôh lâta viavi laih ei ta, Amâ syna mietaku o ama my haw.

ZEREMIAH 8:7

Avâ liata riasi hmahta â pasie nawpa daihti pahno ta, Vachhuh nata siviah nata vawpô zy chhao, A daihtita liata ama vaw tlô tyh. Ei phopi deikua cha, Abeipa bieraopa pahno veih ei.

EZEKIA 16:30

“Na palôh a pualei rimâ cha! Chanô chhorupa âzuahnô hmotaopa hawhpa zydua na vaw tao thlâh ha hra! Abeipa Zehôvâh ta a tah.

DÂNIAH 9:11

Izarei zydua ta na ryhpa parao ei ta, tleisai ei ta, na ao nathlie khoh veih ei. Chavâta châ chakaotuhpa Mawsi Ryhpa liata chhiesana nata bietai zy kha eima chô liata patlai thlupa ta eima y ha hih. Abeipa chô liata na eima vaw molei haw tlai.

HÔSIA 2:8

Sâh nata kresawhti ta vaohei na ta, Sathaw ta a vaoheituhpa kha, Keima tlai he ei châpa pahno vei. Bâlâ châta ama hmâpa tâkâ nata ngôh ta A tobituhpa chhao kha, Keima tlai he ei châpa pahno vei.

MATHAI 13:19

Ahy rai khinarâh bie thei ha tlôh ta, a pahno thai vei khiahta cha, moleipa a vy ta, a palôh liata chi hiepa cha a lapa ha tyh. Cha cha lâpi liata chi hiepa cha a châ.

RAWMA 1:28

Khazohpa pahnopa cha hmo phahnai leipa hawhta ama pachâpa vâta, palôh doleipa phaoh ta, tao lei awpazy tao awpa ta Khazohpa ta âmo cha â heihsai ha ei.

2 PITY 3:5

Avâzy he Khazohpa bie ta hlâno tawhta a ypa a châzie nata alei chhao ti tawhta nata ti hry liata a vaw ypa a châzie pahno lei a pachâ raruah ei ta,