ISAI 1:25 - Mara Bible RV (BSI)

²⁵ Na chô liata ei ku pathla aw na ta, Na saiiepa cha lôiah ta pasi aw na ta, Na thua chhiepa cha ei pathaisa aw.

ISAI 1:25 ပူးပေါင်းရင်းမြစ်များ

HLAZY 119:119

Lei chyhsa moleipa zydua cha, Thua saiiepa hawhta na thy ha ei; Chavâta kei cha na bieraopazy ei pasô.

ISAI 1:22

Na tâkâ cha thua saiiepa lâta a lie ta, Na kresawhti pha chaipa chhao ti pahlaopa a châ haw.

ISAI 27:9

Chavâta he hmo he hmâpa ta, Zakaw thaileichâna cha chatlaipa châ aw ta, He he a moleina pasiena thei cha a châ aw: Chinaih lôzy pakeichheihpa hawhta, Nothlahpa khazoh maisâhzy liata alô zydua cha, Izarei ta a pakeichheih khai tita, Aseri tôhzy a duah khao leipa aw ta, Ropahâhpa maisâhzy a duah khao aw vei.

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

ZEREMIAH 6:29

Syuhu ta mei thata hmô ta, Ky cha mei liata a zao khai haw. Moleipazy thypa ama châ leipa vâta, Pathaisana rai cha hraoleipa a châ tyh.

ZEREMIAH 9:6

Tlybaina chô liata tlybaina hropa pacho thlu ei ta, Dôveina chô liata dôveina hropa ama pacho thlu; Kei na pahno khoh veih ei,” Abeipa ta a tah.

ZEREMIAH 9:7

Chavâta Pheisaihzy Abeipa ta hetana heta a tah: “Ei phopi cha pathaisa aw ei na ta, Ei pasia aw ei. Cha hawhta tao thlâh ha leipa ta cha, Ei phopi châta khâpa hropa ma ei tao aw tly?

EZEKIA 20:38

Chhorupazy nama hry tawhta pasipathai aw ei na ta, ei chô liata hmo a paraotuhpazy chhao ei pasipathai ha aw ei. Ama y chyna râh tawhta a chhi aw ei na ta, châhrasala Izarei râh a ngia aw veih ei. Chatanachata Abeipa ei châ tahpa nama pahno aw.

EZEKIA 22:19

Chavâta Abeipa Zehôvâh ta hetana heta a tah: Syu ie nama châ khai hapa vâta, moh teh u, Zerusale liah liata ei cha pahmaoh aw ei.

EZEKIA 22:20

Chyhsa ta tâkâ, dawh, thua nata ky zy patina mei liata pahmaoh ta, patisa awpa ta mei a hmô thlupa hawhta, ei hiehâhna nata ei pathiiana ta cha pahmaoh aw ei na ta, patina mei liata cha soh aw ei na ta, ei cha pati aw ei.

EZEKIA 22:22

Patina mei liata tâkâ patipa hawhta, nâmo chhao cha lia liata patipa châ aw ei chi ta, kei Abeipa heta ei pathiiana nama chô liata ei cha leih thlu ei tahpa nama pahno aw,” tah ta.

ZEPHANIA 3:11

“Cha noh liata cha, Ei chô liata moleina hmo taopa ta, Einâ dyuhnazy vâ chi ta, Maophyuhpa ta paysapa châ khao aw va chi. Thaphapa ta namâ palaikhei kaw tyhpazy cha, Nama hry tawhta la aw na ta, Ei tlâh pathaihpa liata Akhotlâhpa ta y heih khao aw veih ei chi.

MALAKHAI 3:3

Tâkâ pathaituhpa nata a thlipasohtuhpa hawhta a tyuh aw ta, Livai pathlazy cha pathaisa aw ta, ngôh nata tâkâ a thlipasohpa hawhta âmo cha a thlipasoh aw ta, siana ta Abeipa lâta hmohlâpazy ama hlâ aw.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.