ISAI 1:24 - Mara Bible RV (BSI)

²⁴ Chavâta Abeipa, Pheisaihzy Abeipa, Izarei Thatlôpa ta hetana heta a tah: “Âh, ei chariahpazy papai aw na ta, Ei khakhaipazy chô liata phuh ei la aw.

ISAI 1:24 ပူးပေါင်းရင်းမြစ်များ

ÂTHAONA 49:24

Châhrasala Zakaw Khazohpa Thatlôpa ku ta, Vaituhpa Izarei Lôpanô baona ta, A libaw pachyu ta, A bâh thapatlôpa ta a y.

HLAZY 132:2

Abeipa lâ bie a taih ta, Zakaw Thatlôpa lâta bie a taihpa ta,

ISAI 12:6

Hy Zaio sawzy saih u, Nama hry liata a ypa Izarei Mo Pathaihpa cha, Rônah ngaitapa a châpa vâta, Thata awh u la, alypa ta hla sa teh u.”

ISAI 30:29

Zâ kyhchhi pathaihpa hnei no hawhta hla sa aw ei chi ta, ramo tôna chôta Abeipa tlâh lâ khy ei ta, Izarei Lôpanô lâ ama khy no hawhta palôh thaphapa ta nama y aw.

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

ISAI 59:18

Ama hmotaopazy hawhta, A chariahpazy viari thô aw ta; A khakhaipazy chhao, Hiehâhna ta viari a thô aw; A chariahpazy viari thô aw ta, Tilaipi kiah râhzy chhao viari a thô aw ei.

ISAI 60:16

Phopizy sâhpiti pazy aw chi ta, Beizy sâhpi nâ ngieh aw. Chatanachata kei he Abeipa châ na ta, Châ Pachhatuhpa ei châpa na pahno aw; Châ Chatlaituhpa châ na ta, Zakaw Thatlôpa ei châpa na pahno aw.

ISAI 61:2

Abeipa palôhtlâhna kô phuah awpa ta na tuah ta, Eima Kha­zohpa phuh lana noh phuahpa ta, Mâchhie a sapa zydua thlapalôh awpa ta eina tuah.

ISAI 63:4

Viarithôna noh ei palôh liata y ta, Ei chatlaina kô a vaw tlô haw.

ZEREMIAH 50:34

Châhrasala âmo Chatlaituhpa cha, Thatlôpa châ ta; A moh Pheisaihzy Abeipa a châ. Ano ta âmo chhâh a châ aw ta, Khizaw liata thlalôhna a paysa aw; Babylaw chyhsazy chô liata deikua cha, Tymâna a patlôsa aw.

ZEREMIAH 9:9

He hmozy vâna heta âmo cha hrie aw va ei na ma? Cha hawhpa phopi chô liata ei phuh la aw va na ma?” Abeipa ta a tah.

EZEKIA 16:42

Cha hawhna chata na chô liata ei pathiiana cha papai aw na ta, ei hiatliana ta a cha puasai ha aw. A chalih ha bâ aw na ta, ei hie hâh khao aw vei.

EZEKIA 21:17

Kei chhao ei ku chabaih aw na ta, ei pathiiana a pai ha aw, kei Abeipa ta ei reih haw, tahpa ta na reih aw,” tah ta.

EZEKIA 5:12

Na khihsawzy su thôh su kha cha, potlana nata khihpi chhôh liata chakâhna ta ama thi aw. Su thôh su kha hropa cha, na chheipâh zydua liata zaozi ta ama pao aw. Su thôh su kha hropa heih cha, ziza zydua lâta hiepatla aw ei na ta, ei zaozi phia aw na ta, ei chadai aw ei.

EZEKIA 5:13

“Cha hawhna chata ei hiehâhna cha papaipa ta, ei pathiiana ama chô liata lei thlu aw na ta, ei palôh a dia ha aw. Chatanachata Abeipa ei châ tahpa pahno aw ei ta, ama chô liata ei ruchhôna a pai tita cha, ei hiatliapa vâ ei ta ei reipa a châzie ama pahno aw.

MIKÂ 5:15

Reingiah leipa phopizy chô liata, Hiehâhna nata pathiiana ta phuh ei la aw.”

RYHPACHANEINA 28:63

Abeipa ta nama chô liata hmo phapa tao ta, nama maluh cha papôh awpa â lynazie a châpa hawhta, nama leina tao awpa nata cha pahleipadia awpa chhao cha Abeipa alynazie châ aw ta, hnei awpa ta namâ kei ngiapa râh tawhta phia pathlahpa nama châ aw.

RYHPACHANEINA 32:43

“Hy avâzy saih u, Abeipa phopi a lykhei u la; Hy khazohzy saih u, A hmia liata a bôh teh u; Ana cha a chakaotuhpazy thisaih phuhlatuhpa châ ta, A khakhaipazy chô liata viari a thôtuhpa a châ. Ano a haotuhpazy viarithô aw ta, A râh nata a phopi châta chatlaina a tao aw.”

HEBRAI 10:13

a khakhaipazy a phei tlyna ta taopa ama châ khai hlâlei a hâ thlâh chy.

BIEPHUAH 18:8

Chavâta noh kha chhôh tlai ta, Potlanazy ta a vaw tlô thlu aw; Thina nata mâchhiesana chakâhna vaw tlô thlu aw ta, Mei ta pakâ khaipa a châ aw; Ano a pachiatuhpa Abeipa cha, Khazohpa thatlôpa châ tlôh ta,” tah ta.