ISAI 1:23 - Mara Bible RV (BSI)

²³ Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 1:23 ပူးပေါင်းရင်းမြစ်များ

2 THÂTIHZYRONA 36:14

Theihthai laipazy nata zawpizy chhao ta, ngâchhihna rai hnei khao leipa ei ta, phopi hropazy hmotaopa pasichhihpazy tao hra ei ta, Abeipa ta Zerusale liata a pathaisapa Abeipa o taih chhao ama papuapalei.

PUASAINA 23:8

Panaopapana na la awpa châ vei. Panaopapana ta mo pavâpa mo pachaosa ta, mosiapa cha biedopa tawhta a patleisa tyh.

BIESOZY 17:23

Moleipa cha arulâta panaopapana la ta, Adona lâpizy a parao tyh.

BIESOZY 29:24

Parutuhpa â pakaohpa cha ano hrona a haopa châ ta, Chhiesana bie thei ta, châhrasala reih vei.

ISAI 1:17

Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 1:18

“A vy teh u, Pachâ khoh tua suh u,” Abeipa ta a tah. “Nama moleinazy cha, Saihlawpa hawhta saih hra sala, Dâhaw hawhta ngyuh aw ta; Saihdôhpa hawhta saih hra sala, Mietaku hmi hawhta a y aw.

ISAI 1:22

Na tâkâ cha thua saiiepa lâta a lie ta, Na kresawhti pha chaipa chhao ti pahlaopa a châ haw.

ISAI 28:14

Chavâta he phopi chô liata Zerusale liata ryureih ei chi ta, Chyhsa a pahneisao thaipazy saih u, Abeipa bie thei teh u!

ISAI 3:14

Abeipa ta a phopi machâzy pachia ta, A chhituhpazy a pachia; “Kre sadô a nie khaipa cha, Nâmo tlai he châ ei chi ta; Nama ozy liata, Dyhchhiepazy hraona sôh a y.

ISAI 30:1

“Saw chhorupazy ama hu a po na,” Abeipa ta a tah. “Ryhraona tao ei ta, Châhrasala keima ryhraopa châ vei; Azaona tao ei ta, Châhrasala ei Thlahpa ta taopa châ vei. Chavâta moleina ama baichha via lymâ.

ISAI 33:15

Siana ta chareipa ta bie dopa a reihpa, Avyuhna taopa ta athôhna hmôpa a dythapa, Panaopapana la lei awpa ta a ku a phaihpa, Thisaih palona bie a thei lei nawpa ta a nah a chahupa, Moleina lâ mo lei awpa ta a mo a pasopa,

ISAI 5:23

Panaopapana lapa ta, Thailei a châpa thai pachâ ei ta, Thai a châpa cha thailei ama pachâsa tyh.

ISAI 65:2

Âmo pachânazy zi ei ta, Lâpi pha leipa a chhihpa chhorupazy lâta Noh y ta ei ku ei pazawh tyh.

ZEREMIAH 22:17

Châhrasala nâ cha athôhna doleipa châ deita ta Mokhaoh nata palôh hnei chi ta; Thaileina a hnei leipa thisaih palo ta, Tlybaina nata thachahra hmâna châ deita ta Mokhaoh nata palôh na hnei.”

ZEREMIAH 32:32

Izarei pathlazy nata Zudâh pathlazy ta ei chô liata hmo pha leipa tao ei ta, ama beizy, ama beimachâzy, ama theihthaipazy, ama hrohsopazy, Zudâh râhsawzy nata Zerusale khihsawzy ta ei chô liata hmo pha leipazy taopa ta ei hie eina pahâhna zydua vâ ei ta, cha hmo cha ama chô liata ei patlôsa aw.

ZEREMIAH 4:17

Kei einâ dyuhpa vâta, Lyu vaituhpazy hawhta a chheipâh zydua ama chadô khai,” Abeipa ta a tah.

ZEREMIAH 5:5

Chhituhpazy lâ vawh aw na ta, Ama hnohta ei kei reih aw; Âmo cha Abeipa lâpi pahno thlyu aw ei ta, Ama Khazohpa ryhpa ama pahno tlai aw,” tah na ta. Châhrasala a paraohpa ta raopaky thlie ei ta, Bâliazy ama chhie haw.

ZEREMIAH 5:6

Ama paraonazy hluh ta, Ama paona a lai ngaitapa vâta, Râhmâhpa chakeibarôhneipa ta âmo cha tai aw ta, Râhchawhpa changie ta a sie aw ei; Keihchhoh ta ama khihpizy a byh aw ta, Khihpi tawhta a puapazy a hriechheih lymâ aw ei.

EZEKIA 12:2

“Chyhsa sawchapawpa y, saw chhorupazy hry liata a pahrâpa na châ. Hmô nawpa mokhaoh hnei ei ta, châhrasala hmô leipa ei ta; thei nawpa nakhaoh hnei ei ta, châhrasala thei veih ei. Saw chhorupazy ama châ.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

HÔSIA 4:18

A laothaopa ta doh ei ta, Â zaopa ta ama sihryh; Ryureituhpazy cheingei ta Nozachhihpa hmozy ama tao.

HÔSIA 5:10

Zudâh chhituhpazy cha, Râhri a pasie thaipazy hawh châ ei ta; Ei pathiiana cha ama chô liata Ti hawhta ei lei thlu aw ei.

HÔSIA 9:15

Ama moleina zydua Kilkal liata y ta, Cha su liata ei hao tua ei. Moleina hmo ama taopa zydua vâta, Ei o tawhta papua aw ei na ta, Kyhpachâ khao aw veih ei na; Ama beimachâ zydua cha, Chhorupa sai ama châ.

AMÔSÂ 5:12

Hy nâmo, chyhsa siapazy taola ei chi ta, Panaopapana lapa ta, Phahlapazy cha thokhy chhikao liata A pathluapa saih u, Nama paraona hluhzie pahno na ta, Nama moleina laizie ei pahno.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

MIKÂ 6:12

Khihpi liata hneirôhpazy cha, Thachahra hmâna ta ama bie; A khihsawzy ta haipa biezy reih ei ta, Ama paleih ta ama pakah chhôh liata Dôveina bie a reih tyh.

MIKÂ 7:3

Ama kuzy ta moleina hmo taopa a saomâ kaw ta, Beimachâ nata ryureituhpa zy ta Panaopapana amâ hnaw; Molaipa ta a palôh ta moleina hmo a tao khohpa reih papua ta, Cha hawhna chata ama patipatyh khoh tyh.

ZEKARIA 7:10

Nôhmeizy, hârapazy, khichhaipa nata dyhchhiepazy tlybai leipa u la, nama palôh liata nama unawhpa chhiena awpa pachâ khuh vy,” tah ta.

MALAKHAI 3:5

“Pachia awpa ta châ vaw hnia aw ei na ta, dyuthaipazy, apheipazy, haipa ta bie â taihpazy, ama raihriatuhpazy hlao â dopa ta a pie leipazy, nôhmei nata hara a tlybaipazy, chihropa nama hry liata a ypazy chô liata adoleipa ta hmo a taopazy nata nâ chi leipazy châta, a chatliepa ta âmo a leihtuhpa ei châ aw,” Pheisaihzy Abeipa ta a tah.

MALUHREINA 22:7

Môabâ machâzy nata Midia machâzy cha pachaona ty a cheipa ta pua ei ta. Bâlâma kô ama tlô nahta, Bâlâka bietapa cha chho ei ta.

MATHAI 21:13

Ama hnohta, “‘Ei o cha thlahchhâna o tahpa a châ aw’ tahpa ta ropa châ ta, nâmo deikua ta parutuhpazy lôpu ta nama tao haw,” tah ta.

MÂKA 11:17

Âmo cha pachu ta, ama hnohta, “‘Ei o cha phopi zydua châta thlahchhâna o ama bi aw,’ tahpa ta ropa châ vei ma? Nâmo deikua ta cha, parutuhpazy lôpu ta nama tao ha he zaw,” tah ta.

LUKA 19:46

ama hnohta, “‘Ei o cha thlahchhâna o a châ aw,’ tahpa ropa châ ta, nâmo deikua ta cha hraotuhpazy lôpu ta tlao nama tao haw,” tah ta.

LUKA 24:27

Chatanachata Mawsi nata hrohsopa zydua tawhta pathaopa ta, Biehrai liata ano thâtih ropa zydua cha âmo chhopasia lymâ ta.

RYHPACHANEINA 16:19

Adona nama charichamy awpa châ leipa ta, khokhei viapa nama hnei awpa châ vei. Panaopapana nama la awpa châ vei. Panaopapana ta asopazy mo pachao ta, mosiapazy â sia lâta bie a pareisa tyh.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

1 SAMUELA 8:3

Châhrasala a sawchapawzy ta ano lâpi a chhih leipa ei ta, sôh nata piah a chadai ei ta, panaopapanazy la ei ta, adona tleisaipa ta ryu ama rei tyh.