ISAI 1:21 - Mara Bible RV (BSI)

²¹ Kheihtazieta ma khihpi ngâchhihpa, Adona ta a bie tyhpa khihpi kha, Sihryhpa lâta a pua ha tly i? Ano liata siana pahrâ tyh ta, Tahmâ deikua cha, Lianycheihtuhpazy pahrâna a châ ha hih!

ISAI 1:21 ပူးပေါင်းရင်းမြစ်များ

2 SAMUELA 8:15

Chatanachata Dâvi cha Izarei saw zydua chô liata ryureih ta. Dâvi cha a phopi zydua châta adona nata siana ta ryureih ta.

2 THÂTIHZYRONA 19:9

Ama hnohta, “Abeipa china chôta, ngâchhihpa nata pathipalôh tlokhuh ta ryu nama reih awpa a châ.

NEHEMIAH 11:1

Izarei phopi chhituhpazy cha Zerusale liata pahrâ ei ta. Ahropazy deikua cha, nuby a dao ei ta, pahrawh liata pakha khihpi pathaihpa Zerusale liata pahrâ ei ta, pahrawh liata pachaki cha khih hropazy liata pahrâsapa ama châ.

HLAZY 46:4

Chavah miakha y ta, A vahtiezy ta Khazohpa khihpi palysa ta, Chônôchaipa pahrâna su pathaihpa a palysa tyh.

HLAZY 48:1

Abeipa cha rônah ta, Eima Khazohpa khihpi tlâh pathaihpa liata, Rônah ngaitapa ta reithai awpa a châ.

HLAZY 48:8

Eima theipa hawh tlai ta, Pheisaihzy Abeipa khihpi liata hmô pi ta, Eima Khazohpa khihpi liata eima hmô; Khihpi cha Khazohpa ta chhâzaw ta a pabohsa aw. Selah

ISAI 1:22

Na tâkâ cha thua saiiepa lâta a lie ta, Na kresawhti pha chaipa chhao ti pahlaopa a châ haw.

ISAI 26:10

Moleipa cha khokheipa a châ khiahta cha, Siana a chu beih aw vei; Adona râh liata avyuhna tao pyly aw ta, Abeipa rônahna hmô hlei aw vei.

ISAI 48:2

Namôsasyh ta khihpi pathaihpa â tah ei chi ta, Pheisaihzy Abeipa moh bipa Izarei Khazohpa a ngâchhâpazy saih u, He bie he thei teh u.

ISAI 5:7

Pheisaihzy Abeipa kre sadô cha, Izarei pathlazy he châ ta; Zudâh chyhsazy he, A chichei khochhihpazy cha ama châ. Adona mokhâh ta, Châhrasala moh teh u, thisaih palona tlao a hmô. Siana mokhâh ta, Châhrasala moh teh u, chana pyu tlao a thei.

ISAI 59:14

Ngâchhihna cha tlyliah liata a hluah ta, Biedopa â ngia thei leipa vâta, Adona cha hnôh lâ pakuasapa châ ta, Siana chhao lâhlapi liata â duah bâ.

ISAI 59:15

Ngâchhihna y khao leipa ta, Chavâta hmo pha leipa a bâhsaituhpa cha, Anosasyh ta hraona hmo ta â tao tyh. Abeipa ta cha cha moh ta, Adona rai a y leipa vâta â ly lei kaw tyh.

ISAI 59:3

Thisaih ta nama ku papuapalei ta, Paraona ta nama kuparozy a papuapalei; Nama hmaozy ta haipa biezy reih ta, Nama paleih ta moleina bie a papua tyh.

ZEREMIAH 3:1

“Chyhsa ta a lapinô ma sala, A lapinô cha o tawhta pua ta, Vahpa hropa a hnei ha khiahta cha, A lapinô cha a hnei heih aw ma? Cha hawhta taopa cha, Thata râh papuapaleipa châ aw vei ma? Na khopaw hluhpi liata nâ zuah khai tawhta ma, Kei lâ vaw kua heih nâ chhuah?” Abeipa ta a tah.

HÔSIA 11:12

Epharai ta haipa bie ta na chadô ta, Izarei chhôhkha ta dôveina ta eina chadô ei. Zudâh deikua cha, Khazohpa nata charei khoh ta, Pathaihpa chô liata ngâchhihpa ta a y.

HÔSIA 2:5

Ama nô ta sihryhpa ta y ta, Âmo a phaohtuhpa ta Nozana chhao pahno leipa ta, ‘Ei khopawzy ei chadai aw ei; Ei viahchhâ nata ei ti, Ei sahmi chysia nata pala rih dipa poh, Ei sathaw nata ei dopa Nâ pietuhpazy ei chadai aw ei,’ a tah.

HABAKU 1:4

Chavâta ryhpa ta yzie hnei khao leipa ta, Pachiana dopa y khao hra vei. Moleipazy ta mosiapazy dôh ei ta, Pachiana doleipa a pua tyh.

ZEKARIA 8:3

Abeipa ta hetana heta a tah: Zaio lâ kua aw na ta, Zerusale liah liata ei pahrâ aw. Chatanachata Zerusale cha Khihpi Ngâchhihpa tahpa ta bipa châ aw ta, Pheisaihzy Abeipa tlâh cha Tlâh Pathaihpa tahpa a châ aw.

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

HMOTAOPAZY 7:52

Châ pathlatuhpazy ta ama taola leipa hrohsopa a y ma? Chyhsa Siapa a vy nawpa kyh a phuah chhieliepazy thiepa ta, cha Chyhsa Siapa a patusatuhpa nata a thietuhpazy cha nâmo he châ ei chi ta,

HEBRAI 12:22

Nâmo deikua la, Zaio Tlâh, Khazohpa hrohpa khihpi, vâ Zerusale, vâlyuhchâpa rei tiah leizy alyna pakhypi su lâ namâ vy hih.

BIEPHUAH 11:2

Achhyna o khôtho lâ dôhpachhôh tlyhmia deikua thlie leipa la, siesai mah y. Cha cha Zenitaizy hnohta piepa châ ha ta, âmo ta khihpi pathaihpa cha thla sypalih nata thla no ama tlypâ aw.

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.

BIEPHUAH 17:1

Chatawhcha vâlyuhchâpa pasari hry liata pakha, biebuh miasari a hneipa a vy ta, ei hnohta, “A vy tua, ti hluhpi chô liata a tyuhpa âzuahnô rônahpa pachiana ei cha pamosa aw.