ISAI 1:17 - Mara Bible RV (BSI)

¹⁷ Hmo pha tao a chu teh u; Adona tlua u la, Tlybaina a dyuh teh u; Paw hnei leipazy chô liata adona patlôsa u la, Nôhmeizy reikhei teh u.

ISAI 1:17 ပူးပေါင်းရင်းမြစ်များ

HLAZY 34:14

Moleina a heihsaipa ta hmopha tao la, Adyhna tlua la, a chadai mah y.

PUASAINA 22:21

“Chihropa chô liata adoleipa ta na tao awpa châ leipa ta, ano cha na tlybai awpa châ hra vei. Nâmo chhao Izi râh liata chihropa nama châ hrapa kha.

BIESOZY 15:25

Apalaipa o cha Abeipa ta parao ta, Nôhmei râhri deikua cha a pa-i tyh.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

BIESOZY 31:9

Na pakah âpa ta siana ta ryureih la, Dyhchhiepa nata phahlapazy adona a duakhei mah y.

ISAI 1:23

Na beimachâzy cha chyhsa a chakhia thaipa châ ei ta, Parutuhpazy viasa ama châ. Chyhsa to ta panaopapana tlaichhai ei ta, Kuhriazy amâ chadai tyh. Paw hnei leipazy a duakhei leipa ei ta, Nôhmeizy aduakheina bie chhao ama hnohta tlô beih vei.

ISAI 10:2

Phahlapazy adona hny ei ta, Ei phopi dyhchhiepazy pikhei tovyuh ama chhu tyh. Nôhmeizy cha ama hraona sôh ta tao ei ta, Paw hnei leipazy chhao ama tai awpa sa ta ama tao tyh.

ISAI 56:1

Abeipa ta hetana heta a tah: “Ei pachhana vaw tlô daihmâ ha ta, Ei siana â vaw lâ patoh awpa vâta, Adona zyh u la, Siana tao teh u.

ISAI 58:6

Châ bao va, kei ta ei raopa kâhvileipa cha he he a châ: Moleina chahrynazy pathlâna noh ta hmâ awpa châ ta, Raopaky ri pahluhna noh ta hmâ awpa a châ. Tlybaipazy khotalaina piena noh ta hmâ awpa châ ta, Raopaky to thliena noh ta hmâ awpa a châ.

ZEREMIAH 21:12

Hy Dâvi pathlazy saih u! Abeipa ta hetana heta a tah: “‘My ta pachiana dopa ta pachia u la, Ama hmo ama hrao hapazy cha, Tlybaituhpazy ku tawhta pachha teh u. Chataleipatala hmo chhiepa nama taopazy vâta, Ei pathiiana mei hawhta pua aw ta, Ahy hmahta pachhai thei lei awpa ta a kâ pathlei aw na.’”

ZEREMIAH 22:3

Abeipa ta hetana heta a tah: Adona nata siana tao u la, ama hmo ama hrao hapazy cha, tlybaituhpazy ku tawhta pachha teh u. Chihropa mapaihpazy, paw hnei leipazy nata nôhmeizy chô liata â doleipa ta hmo tao leipa u la, thachahra hmâ thlu hra leipa u la, he su liana heta thaileina a hnei leipa thisaih palo khuh vy.

ZEREMIAH 35:15

Nâ chakaotuhpa hrohsopa zydua nâmo lâ khâ vaw tuah ei na ta, nama hnohta, ‘Chyhsa to nama hrozie pha leipa tawhta vaw kua u la, nama hmotaopazy a phapa ta taopathi u la, khazoh hropazy pazi leipa u la, chakao khuh vy. Chatanachata nâmo nata châ pathlatuhpazy hnohta râh ei cha piepa liana heta nama pahrâ aw,’ tahpa ta khâ cha chho ei ta. Châhrasala nama nah pachôh leipa ei chi ta, na nathlie hra veih ei chi.

EZEKIA 18:31

Moleina nama tao hapa zydua nâmo tawhta thy khai u la, palôh thiehpa nata pachâna thiehpa hneipa ta nâmosasyh â taopathi ha muh vy. Hy Izarei pathlazy saih u, khazia nama thi aw tly?

EZEKIA 22:7

Nôpaw za leina khihpi chhôh liata y ta, chihropa mapaihpa tlybaipa ta a hmo chhu ei ta, paw hnei leipa nata nôhmei chô liata â doleipa ta ama tao tyh.

EZEKIA 45:9

“Abeipa Zehôvâh ta hetana heta a tah: Hy Izarei beizy saih u, a daih bâ se! Atudaina nata tlybaina bâhsai u la, ryureina dopa ta ryureih teh u. Siana ta hmo tao u la, ei phopi ama râh tawhta nama papua tyhpa bâhsai teh u, Abeipa Zehôvâh ta a tah.

DÂNIAH 4:27

Chavâta Hy abei y, pachâna ei cha piepa he a py tlâhpa ta rao mah y: na moleinazy siesaipa ta siana hrokhei la, na paraonazy siesaipa ta sipasapazy chô liata zawngiahna palâsa mah y. Cha hawhta na tao khiahta cha byhnâ na to heih aw,” tah ta.

MIKÂ 6:8

“Hy chyhsapa, Abeipa ta hmo phapa a cha chho haw; Abeipa ta khâpa ma a châ hnaw? Adona taopa ta, Ngâchhihna pasô ta, Nawhna hro hrokheipa ta, Na Khazohpa nata charei khohpa he châ vei ma?”

ZEPHANIA 2:3

Nâmo, khizaw liata areisipa zydua saih u, Abeipa cha pado u la; Nâmo, a biepiepa a zyhpa zydua saih u, Abeipa cha pado teh u. Siana tlua u la, Nawhna tlua teh u; Chatanachata Abeipa hiehâhna noh liata Nyupa nama châ aw.

ZEKARIA 8:16

Hezy he nama tao awpa hmozy cha a châ: Biedopa a chho raihrie u la, adyhna a tlôkhei awpa pachiana dopa ta nama hawkazy liata ryureih teh u.

RYHPACHANEINA 14:29

Nâmo hawhta tovyuh nata ryuto a hnei leipa Livai chi nama khih liata a ypazy, mapaihpazy, paw hnei leipazy nata nôhmeizy a vy aw ei ta, nie aw ei ta, rihbiepa ta ama y aw. Chatanachata Abeipa nama Khazohpa ta nama ku raihria zydua liata byhnâ a cha pie aw ei.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.