ISAI 1:15 - Mara Bible RV (BSI)

¹⁵ Nama ku avâ lâ nama pazawh tita, Ei mo châ chahusai aw ei na ta; Ei hluhpi thlah nama chhâpa chhao ta, Nathlie aw va na; Nama kuzy thisaih ta bie tlôh ta.

ISAI 1:15 ပူးပေါင်းရင်းမြစ်များ

1 ABEIZY 8:22

Chatawhcha Sawlawmaw cha Izarei a hmaohpakhypa zydua mohmô ta Abeipa maisâh hmiakô liata a duah ta, avâ lâ a ku pazawh ta,

1 ABEIZY 8:54

Sawlawmaw cha Abeipa lâta thlahchhâna nata hiana zydua a hnei khai nahta, Abeipa maisâh hmiakô liata pakhu paneihpa ta avâ lâ ku pazawhpa ta a yna tawhta thyu ta.

EZRÂ 9:5

Zâlâ atheihna daihti liata kâhvileipa ta ei ypa tawhta thyu na ta, ei viahkao nata ei poh a hrie khai hapazy chhaota ei pakhu paneih na ta, Abeipa ei Khazohpa hmiakô lâ ei bâh pazawh na ta, a hnohta,

ZAWBÂ 27:20

Chichhihna ta tisaih hawhta tlô thlu ta, Khisô ta zâ ta a siekhei haw.

ZAWBÂ 35:13

Hmeiseih ta cha, Khazohpa ta awh thlâhthlipa thei leipa ta, Atotaotheipa ta cha hawhpa cha pachâ vei.

HLAZY 134:2

Su pathaihpa lâ nama ku chaluah u la, Abeipa cha reithai teh u!

HLAZY 55:1

Hy Khazohpa, ei thlahchhâna lâ na nah pachôh la, Ei châ hawna he a nyusai khah y!

HLAZY 66:18

Ei palôh liata moleina ei pasô khiahta cha, Abeipa ta na nathlie aw vei.

PUASAINA 9:29

Mawsi ta a hnohta, “Khih tawhta ei puapata nahta, Abeipa lâ ei ku ei pazawh aw. Tôkalôhpa a chalih aw ta, pareih chhao tla khao aw vei. Chatanachata leilô he Abeipa eih a châ tahpa na pahno aw.

BIESOZY 1:28

Cha tina chata na pado aw ei ta, Châhrasala a chhy aw veih ei na; Thata na tlua awh ei ta, Châhrasala na hmô aw veih ei.

BIESOZY 6:17

Chazy cha, â khotlâhpa mokhaohzy, Paleih haihthaipa, Paraona a hnei leipa thisaih a palopa kuzy,

ISAI 4:4

Abeipa ta Zaio sawchanôzy thuhnyna cha pathai aw ta, Zerusale liata thisaih a kiahpazy cha pachiana thlahpa nata mei thlahpa ta a pasi aw.

ISAI 45:15

Hy Izarei Khazohpa, Pachhatuhpa y, Khazohpa â nyupa tlai na na vaw châ.

ISAI 58:4

A hryuchhia awpa ta kâhvileipa ta y ei chi ta, A tudai awpa ta kâhvilei ta nama y; Moleina kutô ta a chô awpa ta, Kâhvileipa ta a ypa nama châ. Tanoh ta kâhvileipa nama hmâzie hawhpa heta la, Chô lâ tawhta nama ao thei nawpa châ hlei aw vei.

ISAI 58:7

Nodipazy na viahchhâ piena noh ta hmâ awpa châ ta, O hnei leipazy na o lâ achhina noh ta hmâ awpa a châ. Thluahruapazy chysia piena noh ta hmâ awpa châ ta, Na heinawh a nyusai leina noh ta hmâ awpa a châ.

ISAI 64:7

Na moh a padopa y leipa ei ta, Nâ châ patu awpa ta, Âmosasyh ta â pahrapa y veih ei. Na hmia miah nyusai ha chi ta, Eima moleina ku liata thuzao awpa ta miah na tao haw.

ISAI 8:17

Chavâta Zakaw pathlazy tawhta a hmia a nyu hapa Abeipa cha hâ aw na ta, ei mokhâh aw.

ZEREMIAH 11:11

Chavâta Abeipa ta hetana heta a tah, moh teh u, chhiena ama chô liata vaw patlôsa na ta, khôkhâh thei aw veih ei. Na aw hra ei sala, a chhy aw veih ei na.

ZEREMIAH 14:12

Kâhvileipa ta y hra ei sala, ama awna ao nathlie leipa aw na ta, raopa hlâna nata niepa hlâna zy hlâ hra ei sala, a pyh aw va na. Zaozi nata chakâhna nata potlana zy ta âmo cha tlao ei pahleipadia aw ei.”

ZEREMIAH 4:31

Chanô sawzeihpa chana ao thei na ta, Saw tuapa a sa ngâpa pasataona ao ei thei. Zaio sawchanô ta hu chhâpa ta a kuzy pazawh ta, “Ei hu a po kaw dia! Lianycheihtuhpazy hmiakô liata ei panao haw,” Tahpa ta a chapa pyu ei thei.

EZEKIA 11:6

He khihpi liana heta chyhsa thie hluh via rili ei chi ta, sawvawhpa rizy ta khiliahzy nama pabie haw.

EZEKIA 14:3

“Chyhsa sawchapawpa y, he chyhsazy he ama khazoh nothlahpazy ama palôh liata soh ei ta, ama paraona ahluana lô ama hmia liata a sohpa ama châ hih. Einâ saohiah awpa ei ta ei paryhsa awpa a châ rai ma?

EZEKIA 39:23

Phopizy ta Izarei pathlazy cha ama paraona vâta seichâna lâ a siepa ama châzie ama pahno aw. Ei chô liata ngâchhih leipa ta ama ypa vâta, âmo tawhta ei hmia nyupa ta, ama khakhaipazy ku liata hlâ ei na ta, zaozi ta ama pao khai hapa a châ.

HÔSIA 5:6

Ama mietaku zaw nata ama viahchao hrizy chhaota sie aw ei ta, Abeipa cha ama tlua aw; Châhrasala hmô aw veih ei, Âmo tawhta â chhei haw.

MIKÂ 3:4

Cha tina cha Abeipa pado aw ei ta, Châhrasala âmo chyh-ei aw vei; Ama hmotaopazy cha moleina a châpa vâta, Âmo tawhta a hmia a nyu ha aw.

ZEKARIA 7:13

“Aw ei na ta châhrasala nathlie khoh veih ei. Chavâta na aw ei ta, kei chhao ta nathlie veih ei na.

MATHAI 23:13

“Nâmo, ryhpa pachutuhpa nata Phârisaih phapakheipazy saih u, nama hu a po na! Chyhsazy châta vârâh khinarâh khaw ei chi ta, nâmo hra a ngia tlôh leipa ei chi ta, chyhsazy a ngia awpa pasai pyly veih ei chi.

MATHAI 6:7

“Thlah nama chhâ tita, Zenitaizy taozie hawhta, hraoleipa biezy reih chanei ngâ thlâh ha khuh vy. Zenitaizy ta bie hluhpi ama reipa vâta ama thlahchhâpa nathliepa awpa hawhta ama pachâ.

ZAWHÂNA 9:31

Khazohpa ta moleipa bie nathlie vei tahpa eima pahno. Châhrasala ahy rai ta Khazohpa a chhy ta a khopa a taopa cha, Khazohpa ta a bie a nathlie tyh.

1 TIMAWTHY 2:8

Chapawzy cha su to liata ku pathaihpa avâ lâ pazawhpa ta, hiehâh leipa nata a eichhia leipa ta thlah ama chhâ tyh awpa ei khoh.