ISAI 1:13 - Mara Bible RV (BSI)

¹³ Hraoleipa atheihnazy vaw cheih khao khah u; Ropahâhpa chhao ei châta pasichhihpa a châ. Thla thiehpa nata Pahânoh nama chay tyhpazy Chhyh thai khao leipa na ta; Noh peimawhpazy nama chay tyhpa chhao, Chhyh thai khao va na; Moleina chhaota pakhypi pathaihpa nama hmâ tyhpazy chhao Chhyh thei khao va na.

ISAI 1:13 ပူးပေါင်းရင်းမြစ်များ

2 ABEIZY 4:23

A vahpa ta, “Khazia tanoh cheingei cha ano lâ sie nâ chhuah? Thla thiehpa chhao châ leipa ta, Pahânoh chhao châ va,” tah ta. Chanô ta, “A pha thlâh ha aw,” tah ta.

1 THÂTIHZYRONA 23:31

Pahânohzy, thla thiehpazy nata kyhchhi noh hropazy liata raopa hlânazy hlâ tita, baotuh awpa raopa zie lymâ hawhta, Abeipa hmiakô liata khâ amâ duah tyh.

HLAZY 78:40

Râhchawhpa liata ei hluhpi chakhia ei ta, Râraohpa liata ei hluhpi a pachâ ama parôh.

PUASAINA 12:16

Noh khana noh ta pakhypi pathaihpa hmâh aw ei chi ta, a noh sarina noh ta pakhypi pathaihpa a y heih aw. Chyhsa to nie awpa châta nama hriapa dei leipa cha, cha daihti chhôh cha khâpa rai hmah nama hria awpa châ vei.

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

BIESOZY 7:14

“Aryhna hlâna atheihnazy ei hlâ awpa châ ta, Tanoh kha ei bietai ei patlô haw.

ISAI 66:23

“Ei hmiakô liata nâ chhy awpa ta, Thla thiehpa maihta chyhsa zydua a vy aw ei ta, Pahânoh maihta amâ vy aw,” Abeipa ta a tah.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

CHAPHÔHTUNA 2:6

A byureih cha sadô ruapa hawhta parua ta, A poh o a parao haw; Abeipa ta Zaio cha, Kyhchhi nata Pahânoh zy pamysa ta; A ruchhôna ru ngaitapa ta Abei nata theihthaipa zy a thy ha ei.

EZEKIA 20:39

“Nâmo deikua cha, Hy Izarei pathlazy saih u, Abeipa Zehôvâh ta hetana heta a tah: Ei bie nama nathlie lei awpa khiahta cha, tahmâ tawhna heta nama zydua ta sie u la, nama khazoh nothlahpazy cha kei chakao chyu muh vy. Ei moh pathaihpa deikua cha, nama hmohlâpazy nata nama khazoh nothlahpazy ta papuapalei khao khuh vy.

HÔSIA 2:11

A kyhchhizy ei pachhâsa khai aw; A thla thieh chaypi nata a Pahânohzy pachhâsa aw na ta, Â lyna kyhchhi zydua ei pachhâsa khai aw.

ZÔELA 1:14

Kâhvileipa daihti phuah u la, Pakhypi pathaihpa aw teh u. Machâzy nata râhsaw zydua Abeipa nama Khazohpa o lâ awpakhy u la, Abeipa awsao teh u.

ZÔELA 2:15

Zaio liata chiahmie tô teh u; Kâhvileipa phuah u la, Pakhypi pathaihpa aw teh u.

THEIHTHAINA 26:31

Nama khihpizy cha khirypa ta tao aw na ta, nama supathaihpazy roryhrapa ta ei tao aw. Nama ropahâhpazy pahnâ khao aw va na.

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MALUHREINA 10:2

“Tâkâ chiahmie miano tao teh. Daipa ta tao aw chi ta, zawpi awpakhyna châta nata pasiesana châta na hmâh aw.

MATHAI 15:9

Chyhsapa biepiepazy cha, Biezyhpa hawhta pachu ei ta, Hraoleipa ta einâ chhy ei,’ tahpa ta â do ngaitapa ta a vaw chhochhielie haw,” tah ta

LUKA 11:42

“Nâmo, Phârisaihzy saih u, nama hu a po na! Pudinâ nata sysadi nata âhnalasi to tawhta su hrawh su kha pie tyh ei chi ta, adona nata Khazohpa kyhpachâna hmâchhâh uasa leipa ta nama y. Chazy cha nama tao awpa tlai châ ta, ahropazy chhao uasa leipa ta nama y awpa châ vei.

1 KAWRINI 11:17

He hmozy liata deikua cha, cha reithai thei veih ei na. Nama pha via nawpa lâ châ leipa ta, nama rao via nawpa lâta namâ pakhy tyh.

EPHESI 4:30

Khazohpa Thlahpa Pathaihpa pachâ parôh khuh vy, chatlaina noh châta ano ta ngiapa nama châ.

PHILIPI 1:15

Thokha cha hiatliana nata aiehkhyhna vâta Krista bie chho ei ta, thokha deikua cha thapasana vâta Krista bie ama chho.