ISAI 1:11 - Mara Bible RV (BSI)

¹¹ “Nama atheihna hluh ngaitapazy he, Ei châta khâpa a phahnai?” Abeipa ta a tah. “Mietaku tôhpa raopa hlânazy na ai ha ta, Sahroh pathawhpa thawzy eina ai haw; Viahchao tôhpazy thisaih liata a ly leipa na ta, Mietakutaw nata mie thisaihzy liata a ly hra va na.

ISAI 1:11 ပူးပေါင်းရင်းမြစ်များ

HLAZY 40:6

Atheihna nata hmohlâpa liata a ly leipa chi ta, Ei nah na pahypa chi ta; Raopa hlâna a hnaw leipa chi ta, Moleina hlâna chhao a hnaw va chi.

HLAZY 50:8

Atheihna na hlâpazy vâta cha ra leipa na ta, Raopa hlânazy ei hmiakô liata khâ na hlâ tyhpa vâta cha ra hra va na.

HLAZY 51:16

Atheihna liata a ly leipa chi ta, A lypa châ la, ei cha hlâ ha awpa tlai; Raopa hlâna ta na palôh patlâh hra aw vei.

BIESOZY 15:8

Moleipa atheihna hlâpa cha Abeipa châta pasichhihpa châ ta, Chyhsa dopa thlahchhâna deikua cha Abeipa ta â ly.

BIESOZY 21:27

Moleipa atheihna hlâpa cha pasichhihpa châ ta, Moleina palôh chhaota a hlâpa chhochhi cha pasi â chhih via pachai.

BIESOZY 21:3

Abeipa châta cha siana nata adona ta hmo taopa he, Atheihna hlâta a pyh tlâh a châ via.

ISAI 58:2

Hmo dopa a taopa râh hawhta â hmô ei ta, Ama Khazohpa ryureina a heihsai leipa hawhta amâ pachâ; Noh chareih na tlua ei ta, Ei lâpizy a pahno khohpa amâ palyusa. Pachiana dopa na hiah ei ta, Khazohpa a hnia awpa a a tlaichhai kawpa ama lyu.

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

ZEREMIAH 7:21

Pheisaihzy Abeipa, Izarei Khazohpa ta hetana heta a tah: “Nama atheihnazy liata raopa hlânazy pahlao u la, sa nie teh u.

HÔSIA 6:6

Atheihna khoh leipa na ta, Ngiachhiena ei khoh; Raopa hlâna châ leipa ta, Khazohpa pahnona ei khoh.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

AMÔSÂ 4:5

Thinô pahlaopa viahchhâ cha, Alyna biereina atheihna ta hlâ u la; Lôhthai hmohlâpazy phuah u la, Pathâhsa teh u; Chazy cha nama tao khoh kawpa a châ khawh, Hy Izarei sawzy saih u!” Abeipa ta a tah.

AMÔSÂ 5:21

Nama kyhchhizy a hao na ta, Chhyh thai khao va na; Nama pakhypi pathaihpazy chhao, A ly va na.

AMÔSÂ 5:22

Raopa hlâna nata niepa hlânazy na hlâ hra u la, A pyh leipa aw na ta; Aryhna hlâna nama sa thawhpazy chhao, Moh aw va na.

MIKÂ 6:7

Mietaku tôhpa sâh hluhpi cheih aw sah la, Abeipa cha a palysa aw ma? Sathaw chavah thy hluhpi ta Abeipa cha a palysa aw ma? Ei sawchapaw uhtheipa he ma, Ei paraona ngiahthai nawpa ta ei hlâ aw? Ei pôhpa thei he ma, Ei thlahpa moleina ngiahthai nawpa ta ei hlâ aw?”

HÂKAI 2:14

Hâkai ta, “He phopi nata he râh chhao he, keima mohmô liata la, cha hawhpa tlai cha ama châ, ama hmotaopa nata ama hmohlâpa zydua pathaih tlâ vei, Abeipa ta a tah” tah ta.

ZEKARIA 7:5

“Râh chhôh liata chyhsa zydua nata theihthaipazy hiahri teh, ‘Kha kô sysari chhôh zydua liata, thla pangawhna nata thla sarina maihta kâhvileipa ta nata mâchhiesapa ta nama y tyhpa kha, keima châta kâhvileipa ta a ypa nama châ tlai ma?

MALAKHAI 1:10

“Aw, pakha chhâ ta ei ochhizy khaw ha u la cha, hraoleipa ta ei maisâh liata mei nama pati ngâ kaw lei awpa tlai,” Pheisaihzy Abeipa ta a tah. “Nama chô liata ei palôh tlâh vei, chavâta nama ku tawhta hmohlâpa a pyh aw va na,” Pheisaihzy Abeipa ta a tah.

MALUHREINA 7:45

raopa hlâna châta viahchao tôh dawpa pô kha, mietaku tôhpa pô kha, mietakutaw chapawpa kô khapa pô kha;

MATHAI 22:4

Chakaotuhpa hropazy tuah heih ta, ama hnohta, ‘Hruapazy hnohta kei chho u la, “Kyhchhi cha â mâ haw, ei viahchao tôhpazy nata ei sahroh thawhpazy thie na ta, ato â mâ haw, kialao nie awpa ta a vy teh u,” tahpa ta kei chho teh u,’ tah ta.

MATHAI 9:13

Vawh u la, ‘Atheihna khoh leipa na ta, zawngiahna ei khoh,’ tahpa bie yzie cha a kei chu teh u. Chyhsa siapazy pado awpa ta a zupa châ leipa na ta, moleipazy pado awpa ta a zupa tlao ei châ,” tah ta.

1 SAMUELA 15:22

Samuela ta, “Abeipa ta, Abeipa ao nathliepa â lypa hawhta, Raopa hlânazy nata atheihnazy he â ly ma? Pachâ teh, atheihna hlâta reingiahna pha via ta, Mietaku tôhpa thaw hlâta bie nathliepa a pha via.