ISAI 1:10 - Mara Bible RV (BSI)

¹⁰ “Nâmo, Sawdawmâ ryureituhpazy saih u, Abeipa bie thei u la, Nâmo, Kawmawrâ mo saih u, Eima Khazohpa pachuna bie lâ nama nah pachôh teh u!

ISAI 1:10 ပူးပေါင်းရင်းမြစ်များ

ÂTHAONA 13:13

Sawdawmâ chyhsazy cha molei ngaita ei ta, Abeipa chô liata hmo thata parao ei ta.

ISAI 28:14

Chavâta he phopi chô liata Zerusale liata ryureih ei chi ta, Chyhsa a pahneisao thaipazy saih u, Abeipa bie thei teh u!

ISAI 3:9

Ama hmia phao ta ama châna palâsa ta, Ama moleina Sawdawmâ hawhta ama phuah; Nyu veih ei. Ama hu a po na! Âmosasyh ta raona amâ taopa a châ.

ISAI 30:9

Phopi chhorupa châ ei ta, Saw haihthaipa, Abeipa pachuna bie a thei khoh leipa sawzy ama châ.

ISAI 33:22

Abeipa cha miah pachiatuhpa châ ta, Abeipa cha ryhpa miah pietuhpa a châ. Abeipa cha eima bei châ ta, Ano ta miah a pachha aw.

ISAI 8:20

Ryhpa nata bieraopa hawhta bie a reih leipazy cha, âmo châta khih a deih mâh leipazy ama châ.

ZEREMIAH 23:14

Zerusale hrohsopazy liata chhao, Hmo rarôh ypa ei hmô: A phei ei ta, Haipa ta khih ama sa; Hmo pha leipa a taopazy ku thapatlô ei ta, Chavâta ama moleina ro a chhuah tlâ veih ei; Kei châta cha Sawdawmâ lyu khai ei ta, Zerusale khihsawzy chhao Kawmawrâ ama lyu khai.”

ZEREMIAH 9:26

Izi mo, Zudâh mo, Edômâ mo, Amawna pathlazy, Môabâ mo nata râhchawhpa liata a pahrâpa, ama baih hmi a ngyupazy ei hrie nawpa noh a vaw tlô hai. He phopi zydua he chopawtaileipa châ ei ta, Izarei pathla zydua chhao pathipalôh chopawtaileipa ama châ,” Abeipa ta a tah.

EZEKIA 13:2

“Chyhsa sawchapawpa y, Izarei hrohsopazy hnohta hrohsona bie phuah teh. Âmo palôh liata a ypa hmo tlai cha hrohsona bie hawhta phuah ei ta, ‘Abeipa bie thei teh u,’ a tah tyhpazy ama châ.

EZEKIA 16:35

“Chavâta Hy âzuahnô y, Abeipa bie he nathlie teh:

EZEKIA 16:46

Na narô uhtheinô cha Samâri châ ta, nâ tawhta nochhi lâ liata a sawchanôzy chhao ta ama pahrâ. Na narô seihnainô cha Sawdawmâ châ ta, nâ tawhta chho lâ liata a sawchanôzy chhao ta a pahrâ.

EZEKIA 16:49

“Pachâ teh, na narônô Sawdawmâ paraona cha he he a châ: Ano nata a sawchanôzy amâ palai ngaita. A laikhôna taihta niedo hnei ei ta, phasapa ta ama y. Châhrasala dyhchhiepa nata phahlapazy bao veih ei.

AMÔSÂ 3:1

Hy Izarei sawzy saih u, Abeipa ta nama hnohta a reipa bie he nathlie u la, Izi râh tawhta ei chhi papuapa Izarei phopi ta thei teh u:

AMÔSÂ 3:8

Chakeibarôhneipa a rôh ha ta, Ahy ma chi leipa ta a y aw? Abeipa Zehôvâh ta bie reih ha ta, Ahy ma phuah leipa ta a y thei aw?”

AMÔSÂ 9:7

“Hy Izarei sawzy saih u, Ei châta cha Kusi mo hawh dei châ hra veih ei chi ma?” Abeipa ta a tah. “Izi râh tawhta Izarei a kaw chhipa ta, Kâftaw tawhta Philistinâ a chhi na ta, Kiri tawhta Aramia a chhipa kha, Kei châ va na ma?

MIKÂ 3:1

Chatawhcha hetana heta ei tah: Nâmo, Zakaw pathla luhpazy nata Izarei phopi ryureituhpazy saih u, He bie he thei teh u! Adona cha nama pahno awpa châ vei ma?

RAWMA 9:29

Isai pyly ta, “Pheisaihzy Abeipa ta Chi pathla miah pahlôhpa vei mawh sala, Sawdawmâ hawhna khata châ aw pi ta, Kawmawrâ hawhna khata eima y aw,” tahpa ta a vaw rei chhielie haw.

RYHPACHANEINA 32:32

“Ama kre zôh cha Sawdawmâ kre zôh tawhta a vy ta, Kawmawrâ lyuzy tawhta a vypa a châ; Ama kre theizy cha châmaih theizy châ ei ta, Ama kre saozy chhao kre sao khapazy a châ.

BIEPHUAH 11:8

Ama rizy cha khihpi rônahpa khiliah liata â zawh aw. Cha khihpi rônahpa cha thlahpa kyh lâta Sawdawmâ nata Izi moh bipa châ ta, ama Beipa ama khaipâna su kha a châ.