HÔSIA 9:8 - Mara Bible RV (BSI)

⁸ Hrohsopa cha ei Khazohpa châ ta, Epharai riahvaituhpa a châ; Châhrasala a lâpi zydua liata, Pavaw khoheih ta y khâh ta; A Khazohpa o liata, Ahaona ta a ykhâh.

HÔSIA 9:8 ပူးပေါင်းရင်းမြစ်များ

1 ABEIZY 17:1

Kilia râh Tisabi khih liata Tisabi chyhsa Elaizâh ta Ahabâ hnohta, “Ei chakao tyhpa Abeipa, Izarei Khazohpa hrona reipa ta ei reih. Kô khazie chhôh tlyma cha ei bie leipa ta diati nata vâsua rai tla aw vei,” tah ta.

1 ABEIZY 18:1

Noh hluhpi a khô tawhta, a kô thôhna kô liata, Abeipa bie Elaizâh hnohta vaw tlô ta, “Sie la, Ahabâ hnohta a kei luah mah y. Alei chô liata avâ ei pasuasa bâ aw,” tah ta.

1 ABEIZY 18:19

Chavâta tahmâ Izarei saw zydua nata Bâlâ hrohsopa 450 nata Aseri hrohsopa 400, Zezebel tlâhkhai liata pati a dôh tyhpazy paawsa la, Kâmel tlâh liata keima lâta a vaw hmaoh mawh ei sy,” tah ta.

1 ABEIZY 22:11

Kenânâ sawchapawpa Zedekia ta thua kizy a tao ta, abei hnohta, “Abeipa ta hetana heta a tah, ‘Hezy hmâpa heta Aramia mo cha ama leidia khaina taihta na daih aw ei,’” tah ta.

1 ABEIZY 22:22

Abeipa ta a hnohta, ‘Khâpa ta maw?’ tah ta. Ano ta, ‘Vawh aw na ta, a hrohsopa zydua pakah liata thlahpa haih thaipa ei kei châ aw,’ tah ta. Abeipa ta, ‘Kei reipasao aw chi ta, na pahnie aw. Vawh la, cha hawhna chata kei tao teh,’ tah ta.

1 ABEIZY 22:28

Mikai ta, “Thlalôhpa ta na vaw kua heih khiahta cha, Abeipa ta keima hmâpa ta bie a rei leipa a châ aw,” tah ta. Mikai ta, “Nâmo, phopi zydua saih u, nathlie teh u!” tah ta.

1 ABEIZY 22:6

Izarei bei ta hrohsopa za palih rachhôh awpakhy ta, ama hnohta, “Ramôkilia khihpi a dyuh awpa ta ei sie aw ma, ei chalih aw?” tah ta. Âmo ta, “A kaw dyuh teh, Abeipa ta Ramôkilia khihpi cha abei ku liata a pie aw,” tah ei ta,

2 ABEIZY 13:21

Chyhsa pakha ama pabu hai nota, hraotuhpa py kha kei hmô ei ta, chyhsapa ri cha Elaisâh thlâ liata za thy ei ta, a ri ta Elaisâh ruzy a za hriapa nahta, vaw hroh heih ta, a phei ta a kaw duah ta.

2 ABEIZY 2:14

Elaizâh tawhta viahkao pasipa a zâ tlapa la ta, cha chata ti cha tu ta, “Zehôvâh, Elaizâh Khazohpa cha khataih liata a y?” tah ta. Ti a tu nahta, chavei chachâh ta a vaw pachhaih ta, Elaisâh cha chaka ta.

2 ABEIZY 2:21

Tihnawh lâ vawh ta, alôh mia ta, “Abeipa ta hetana heta a tah: He ti he ei pathaisa haw. Tahmâ tawhta cha thina tlyma, nawh raona tlyma, ti tawhna heta y khao aw vei,” tah ta.

2 ABEIZY 4:41

Elaisâh ta, “Viahdie vaw cheih teh u,” tah ta. Viahdie cha beih liata thla ta, “Hrohsopazy nie awpa ta vaw sipa teh u,” tah ta. Chatawhcha chichhihpa khâpa hmah beih chhôh liata y khao vei.

2 ABEIZY 4:43

A chakaotuhpa ta, “Kheihta ma he zie heta chyhsa za kha ei tô thei aw ei?” tah ta. Elaisâh ta, “Hrohsopazy nie awpa ta kei pie teh, Abeipa ta hetana heta a tah: ‘Nie aw ei ta, a laibâhpa a y aw,’” tah ta.

2 ABEIZY 5:14

Chatanachata Nâmâ cha zu ta, Khazohpa chyhsa reipa hawhta, Zawdâh chavah liata ei sari zâ ny ta. A sapa cha hawtipa sa hawh tlai ta vaw y pathi ha ta, a vaw pathaih haw.

2 ABEIZY 5:27

Nâmâ phawhpa kha ta cha patu aw ta, na pathlazy chhao chhâzaw ta a patu lymâ aw,” tah ta. Chatanachata Kehâzi cha Elaisâh hmiakô tawhta pua ta, dâhaw hawhta ngyuhpa ta, phawhpa vaw châ ha ta.

2 ABEIZY 7:19

pheisaih hyutuhpa ta Khazohpa chyhsa cha a chhy ta, “Abeipa ta avâ opyzy a pahypa chhao ta, cha hawpa cha a y thei aw ma?” tah ta. Elaisâh ta, “Na mo tlai ta hmô aw chi ta, châhrasala nie aw va chi,” tah ta.

2 ABEIZY 7:2

Pheisaih hyutuhpa, abei ta a ku liata â pahniehpa ta Khazohpa chyhsa hnohta, “Abeipa ta avâ opyzy a pahypa chhao ta, cha hawhpa hmo cha a y thei aw ma?” tah ta. Khazohpa chyhsa ta, “Na mo tlai ta na hmô aw, châhrasala nie aw va chi,” tah ta.

HLAZY 124:7

Khoheih chôhtuhpa khoheih tawhta pavaw a puapa hawhta, Keimo chhao pua pi ta; Khoheih rao ta, Eima pua haw.

BIECHHOTUHPA 9:12

Châhrasala chyhsapa ta ano daihti awpa pahno vei. Sao chichhihpa liata ngazy amâ aopa hawhta nata khoheih liata pavawzy amâ aopa hawhta, daihti chhiepa eikhapi ta a vaw tlô thlu ti ei ta, chyhsa sawzy cha, cha liata amâ ao tyh.

HLAZY HLA 3:3

Khihpi vaituhpazy ta Khihpi ama chahlô nota na hmô ei ta. “Lôh rie ei ngiabâh chaipaw nama hmô ma?” tah ei na ta.

ISAI 62:6

Hy Zerusale y, Na thokhy chô liata riahvaituhpazy soh ha na ta, Chhô nah zâ ta ama vaih aw; A chalih beih aw veih ei. Nâmo, Abeipa a padotuhpazy saih u, Y molo khuh vy.

ZEREMIAH 11:19

Kei deikua cha mietakutaw nônaipa Thie awpa ta amâ chhipa hawhta ei châ. “Tho cha a thei chhaota parao sih la, A moh a thei thlâhpa a châ khao lei nawpa ta, Ahrohpa râh tawhta chhawh pathlah ha suh u,” Ama tahpa kha, Ei chô liata tao amâ chhuahpa a châpa Vaw pahno leipa na ta.

ZEREMIAH 14:13

Chatawhcha kei ta, “Âh, Abeipa Zehôvâh, pachâ tua, hrohsopazy ta ama hnohta, ‘Zaozi a tyh leipa aw ei chi ta, chakâhna y hra leipa aw ta, he su liata thlalôhna tlao ei cha pie aw ei,’ ama tah tyh,” tah na ta.

ZEREMIAH 23:13

“Samâri hrohsopazy liata pasichhihpa ei hmô: Bâlâ moh ta hrohsona bie phuah ei ta, Ei phopi Izarei amâ chhi chhei.

ZEREMIAH 31:6

Epharai tlâh râh liata vaituhpazy ta, ‘Thyu teh u, Zaio lâ sie ei sih la, Abeipa eima Khazohpa lâ sie ei suh u,’ Ama tahna nohzy a vaw tlô aw.”

ZEREMIAH 6:14

Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 6:17

“Riahvaituhpazy cha sopa ei na ta, Chiahmie pyu nathlie awpa ta ei cha chho ei. Châhrasala, ‘Nathlie aw ma pi,’ tah ei chi ta.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

CHAPHÔHTUNA 4:13

A hrohsopazy moleina vâta châ ta, A theihthaipazy paraona vâta a châ; A chhôh liata thisaih palo ei ta, Chyhsa siapa thisaih a palotuhpazy vâta a châ.

EZEKIA 3:17

“Chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

EZEKIA 33:7

“Chavâta nâ, chyhsa sawchapawpa y, Izarei pathlazy vaituhpa ta ei cha tao. Ei pakah tawhta bie na theina maihta, kei tawhta zikyurâna bie na chho lymâ aw ei.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

HÔSIA 9:7

Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

HÔSIA 9:9

Kibia liata ama y no hawhna khata, Avyuhna thata ama tao; Abeipa ta ama paraonazy a thei aw ta, Ama moleinazy vâta a hrie aw ei.

MIKÂ 7:4

Ama hry liata chyhsa pha chaipa cha, Bôbaw hawh dei a châ; Chyhsa do chaipa chhao, Ahloh buh hawh dei a châ. Châ vaituhpazy noh vaw tlô ta, Nâmo hriena noh a vaw tlô; Ama nôpona noh â hnia haw.

ZAWHÂNA 15:24

Mohropa ahy hmah tao beih leipa hmozy ama hry liata tao lei paw sah la, moleina vâta thaileichâpa ta ama y lei awpa tlai. Tahmâ deikua cha, kei nata ei Paw miah hmô ha ei ta, eima pano ta miah amâ hao haw.

RAWMA 3:7

Kei ta haipa bie ei reipa vâta, Khazohpa biehmeiseihpa cha ano parônahsana taihta â lâ khiahta cha, khazia moleipa hawhta thailei pachâsapa ta ei y?

HEBRAI 13:17

Nama hyutuhpazy rei a ngiah u la, ama biehneina liata a ngiarih teh u. Khazohpa hmiakô liata nama thâtih a reih awpazy châ ei ta, pachârôhna chôta châ leipa ta, a ly kawpa ta nama thâtih ama rei thei nawpa ta nama thlahpa a vaituhpazy ama châ. Pachârôhna chôta nama thâtih reipa cha, nama châta phahnai aw vei.