HÔSIA 9:7 - Mara Bible RV (BSI)

⁷ Hriena nohzy vaw tlô ha ta, Viarithôna nohzy a vaw tlô haw; Cha cha Izarei ta pahno mawh sy. Nama moleina hluh tupa nata namâ haona lai tupa vâta, Hrohsopa cha ahrupa châ ta, Thlahpa chyhsa cha angâpa a châ.

HÔSIA 9:7 ပူးပေါင်းရင်းမြစ်များ

2 ABEIZY 9:11

Zehu cha a zibeipa chakaotuhpazy lâ vaw pua ta, ama hry liata pakha ta a hnohta, “Ato a pha khai ma? Kha ahrupa kha khâpa vâta nâ lâ a vypa ma a châ tly?” tah ta. Zehu ta ama hnohta, “Nama pahnopa chyhsa châ ta, a bie reipa chhao nama pahno kha zaw,” tah ta.

ISAI 10:3

Lâhlapi tawhta chhiena vaw tlôna noh, Hriena noh liata khâpa ma nama tao aw? Baona hia awpa ta ahy lâ namâ râ aw? Khataih liata ma nama sôh nata thih nama siesai aw?

ISAI 26:11

Hy Abeipa, na ku hy chi ta, Châhrasala hmô veih ei. Na phopi tha na pasana he hmô ei sala, Nozapa ta y mawh ei sy. Na chariahpazy châta mei nâ sopa ta Âmo cha kâ patlô khai mawh ei sy.

ISAI 34:8

Abeipa ta phuh lana noh hnei ta, Zaio kyh liata viarithôna kô a hnei.

ISAI 44:25

Hrohso pakheipazy maoh paphyuhpa ta, Ama chhochhieliena biezy â do leizie a palâsatuhpa châ na ta, Peihthaipazy ahrupa ta a taotuhpa ei châ. Asopazy hnôh lâ paheihsa na ta, Ama pahnona hruna lâta a paliesatuhpa ei châ.

ZEREMIAH 10:15

Phahnaina a hnei leipa châ ei ta, Dôveina raihria a châ; Âmo hriena daihti liata ama leidia aw.

ZEREMIAH 11:23

Pakha hmah pahlôhpa châ aw veih ei. Anathô mo hrie nawpa kô vaw tlô aw ta, ama chô liata chhiena ei patlôsa aw.”

ZEREMIAH 16:18

Ama khazoh nothlahpa pasichhihpa rizy ta ei râh papuapalei ei ta, ama pasichhihnazy ta ei ryuto râh ama pabiepa vâta, cha ama paraona nata ama moleina cha, a lie no ta ei thô tua chai aw ei,” Abeipa ta a tah.

ZEREMIAH 23:13

“Samâri hrohsopazy liata pasichhihpa ei hmô: Bâlâ moh ta hrohsona bie phuah ei ta, Ei phopi Izarei amâ chhi chhei.

ZEREMIAH 25:14

Phopi hluhpi nata bei rônahpazy ta Babylaw mo chhao tlai cha sei ta tao aw ei ta, ama hmotaopa lymâ hawhta nata ama ku rai hriapa lymâ hawhta ei thô aw ei,” Abeipa ta a tah.

ZEREMIAH 29:26

‘Abeipa ta theihthaipa Zehôdâ vyuhpa ta theih­thaipa ta cha tao ta, hrohsona bie a phuahpa angâpa maih cha keihrai dai ta, thua raopaky paky awpa ta, Abeipa o liata hyutuhpa ta a cha tao.

ZEREMIAH 46:21

Ama rao nawpa noh ama chô liata vaw tlô ha ta, Âmo hrie nawpa daihti a vaw tlô haw; Chavâta ama hry liata hlao hneipa pheisaihzy chhao, Viahchao dawpa pathawhpa hawh dei châ ei ta; Chariah hnôhchhypa ta, Â raohpa ta amâ râ khai haw; A duah thei veih ei.

ZEREMIAH 6:14

Ei phopi hmah cha, Naosiata ta patlâh a chhuahpa ta; Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

ZEREMIAH 8:11

Ei phopi hmah cha, Naosiata ta patlâh a chhuahpa ta, Thlalôhna rai y leina daihti lia chhao ta, ‘Thlalôhna, thlalôhna,’ ama tah tyh.

CHAPHÔHTUNA 2:14

Na hrohsopazy ta na châta Aluahna phichhyhpa nata dôveina zy ama hmô; Vânoh na to heih thei nawpa ta, Na moleina palâhâh veih ei; Aluahna phichhyhpa nata paviana zy Na châta tlao ama hmô tyh.

EZEKIA 13:10

Thlalôhna a y leipa tlai ta, ‘Thlalôh â chhih na,’ tahpa ta, hrohsopazy ta ei phopi a chhi chhei ei ta, râhsawzy ta thokhy dadiehpa ama taopa cha hlyu râhpa hnia ei ta ama chhiehruh.

EZEKIA 13:3

Abeipa Zehôvâh ta hetana heta a tah: Ama hmôpa y tlôh leipa ta, âmo palôh liata a ypa bie a phuah tyhpa hrohsopa hrupazy cha, ama hu a po kaw dia!

EZEKIA 25:17

Hiehâh ngaitapa ta chhoreipa ta ama chô liata phuh ei la aw. Cha hawhta ama chô liata phuh ei la tita, Abeipa ei châ tahpa ama pahno aw,” tah ta.

EZEKIA 38:23

Cha hawhna chata ei rônahzie nata ei pathaihzie palâsa aw na ta, phopi hluhpi mohmô liata keimasasyh ta ei pahnosa aw. Chatanachata kei he Abeipa ei châ tahpa ama pahno aw.”

EZEKIA 9:10

Chavâta kei chhao ta pahlôh leipa aw ei na ta, ngiachhie aw veih ei na. Ama hmotaopazy ama luh chô liata ei vaw patlôsa aw,” tah ta.

HÔSIA 14:1

Hy Izarei, kua la, Abeipa na Khazohpa lâ kua mah y; Na moleina vâta na pao ha hih!

HÔSIA 5:9

Hriena noh liata Epharai cha roryhrapa ta a y aw, Izarei chizy chô liata a tlô thlyu awpa ei phuah.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

HÔSIA 9:8

Hrohsopa cha ei Khazohpa châ ta, Epharai riahvaituhpa a châ; Châhrasala a lâpi zydua liata, Pavaw khoheih ta y khâh ta; A Khazohpa o liata, Ahaona ta a ykhâh.

AMÔSÂ 8:2

Nopi theilâpa ta a biepa hrâbyh vaw y ta. Abeipa ta, “Amôsâ, khâpa ma na hmô?” na tah ta. Kei ta, “Nopi theilâpa hrâbyh ei hmô,” tah na ta. Chatawhcha Abeipa ta ei hnohta hetana heta tah ta: “Ei phopi Izarei chô liata chhâna noh a vaw tlô haw, Âmo cha chapia beih khao aw veih ei na.”

MIKÂ 2:11

Chyhsa ta a khiekhâpa ta, Ziza nata haipa biezy reih sala, “Kresawhti nata sahma kyh ei cha chho aw ei,” A tah khiahta cha, Cha phopi hrohsopa a châ aw.

MIKÂ 7:4

Ama hry liata chyhsa pha chaipa cha, Bôbaw hawh dei a châ; Chyhsa do chaipa chhao, Ahloh buh hawh dei a châ. Châ vaituhpazy noh vaw tlô ta, Nâmo hriena noh a vaw tlô; Ama nôpona noh â hnia haw.

ZEPHANIA 3:4

A hrohsopazy cha, Chyhsa â khotlâh kawpa châ ei ta, Dôvei hmâhpa chyhsa ama châ; A theihthaipazy ta hmo pathaihpa papuapalei ei ta, Ryhpa ama parao tyh.

MÂKA 3:21

A chhôhkhazy ta cha thâtih cha ama thei nahta, “A palôh â ki khao ei vei chuh,” tah ei ta, a chhi awpa ta sie ei ta.

LUKA 21:22

Cha nohzy cha phuh lana noh châ aw ta, chatanachata châbie ropa zydua kha â vaw ki aw.

2 KAWRINI 5:13

Eima hru khiah, Khazohpa châta châ ta; eima so khiah, nâmo châta a châ.

BIEPHUAH 16:19

Khihpi rônahpa cha su thôh ta a vaw patlaw ta, phopi to khihpizy cha pao ta. Khazohpa ta Babylaw rônahpa cha a thei thlâh ha ta. Chatanachata a hiehâhna ru ngaitapa kresawhti nyu cha a hnohta pie ta.