HÔSIA 9:6 - Mara Bible RV (BSI)

⁶ Moh teh u, raona amâ râsaipa chhao ta, Izi ta âmo cha patupakhy aw ta, Mephi ta a pabu aw ei. Thlahbei ta ama tâkâ hmobaoh sôhpazy hnei aw ta, Ama poh ozy liata ahlohzy a y aw.

HÔSIA 9:6 ပူးပေါင်းရင်းမြစ်များ

2 ABEIZY 13:7

Zehôahâ cha arâ pheisaih sypangawh, talailih miahrawh nata alei pheisaih thy kha dei hnei bâ ta. Aramia bei ta pahleipadia khai ha ta, sawhri buchadoh hawhta a tao khai hapa vâta a châ.

HLAZY 107:34

Râh phapa chhao râh chhiepa a pachâsa haw, A chhôh liata a pahrâpazy paraona vâta.

BIESOZY 24:31

Moh teh u, ahloh buhzy ta pahli khai ha ta, Thlahbeizy ta lyu hmia zydua khupa ta, A dôhna alô diahpai chhao a cho khai haw.

ISAI 11:11

Cha noh liata, Abeipa ta a ei nona ta a ku pazawh heih aw ta, a phopi laibâhpazy cha Asuria, Izi, Pâtharô, Kusi, Elâmi, Sinâ nata Hâmathi râhzy tawhta nata tilaipi kiah râhzy tawhta â vaw chhipakhy heih aw ei.

ISAI 19:13

Zônâ beimachâzy hru ha ei ta, Mephi beimachâzy dôveipa ta ama y. Izi chizy châta a ki liata alôzy ta Izi cha paochheichhâpa ta ama paysa haw.

ISAI 27:12

Cha noh liata, Ufrâti Chavah tawhta Izi Chavah taihta, Abeipa ta sâh chakhyh aw ta, Hy Izarei sawzy saih u, pakha pakha ta pakhypa nama châ aw.

ISAI 32:13

Ei phopi chhaohlei chô liata Ahloh nata diahsai zy pyuh ta; Khihpi haosai phapa liata a ly kaw tyhpazy o liata Alyna y khao vei; Chavâta nama chachôhna a chô u la, Chaphôhtu teh u.

ISAI 34:13

A abei ozy liata ahlohzy pyu aw ta, A thokhyzy chhôh liata thlahbei nata diahsaizy a pyuh aw. Savaizy tlaihna châ aw ta, Vakuzy pahrâna a châ aw.

ISAI 5:6

Sadô rypa ta tao aw na ta, A chiahzy taipa châ khao leipa aw ta, A lyu thlyupa châ khao hra leipa aw ta, Diahsai nata ahlohzy tlao a pyu awh. Sadô chô liata avâ suah lei awpa ta, Meihdozy chhao bie ei pie ha aw ei.

ISAI 7:23

Cha noh liata, sekel sâh kha mâpa kre zôh sâh kha y tyhna su zydua cha, diahsai nata ahloh su lâta amâ lie khai aw.

ZEREMIAH 2:16

Cha dei châ vei, Mephi mo nata Tâpahe mozy ta Luh pôlôpa ta ama cha tao haw.

ZEREMIAH 42:22

Chavâta tahmâ a siapa ta pahno teh u. Sie ta pahrâ awpa nama khona su liana tlai chata zaozi nata chakâhna nata potlana ta nama thi aw,” tah ta.

ZEREMIAH 44:1

He he Izi râh Mikadô, Tâpahe, Mephi nata Pâtharô khihpizy liata a pahrâpa Zu chyhsa zydua kyh liata Zeremiah hnohta bie a vaw tlôpa a châ.

ZEREMIAH 44:12

Izi râh lâ hmiachhypa ta, cha liata pahrâ awpa ta a siepa Zudâh laibâhpazy cha patu aw ei na ta, ei pamua ha aw ei. Izi râ liata pao aw ei ta, zaozi nata chakâhna zy pamuapa ama châ aw. A chyh chaipa tawhta a lai chaipa taihta zaozi nata chakâh­na ta thi aw ei ta, chyhu sa thlupa, pachhiparypa, chhiesapa nata pasipasawhpa ama châ aw.

ZEREMIAH 44:13

Zerusale ei hriepa hawhna khata, Izi râh liata a pahrâpazy cha, zaozi nata chakâhna nata potlana ta ei hrie aw ei.

ZEREMIAH 46:14

“Izi râh liata phuah u la, Mikadô liata tlâh awh teh u; Mephi nata Tâpahe liata phuah u la, ‘Nama chheipâh ta a ypazy cha, Zaozi ta palâ khai ha ei ta, Chavâta â ipa ta a duah u la, A pachyh muh vy,’ tah teh u.

ZEREMIAH 46:19

Hy Izi râhsawzy saih u, Seichâna lâ sie awpa ta nama hmozy a pachhuah teh u! Mephi khihpi cha roryhrapa ta y aw ta, Chyhsa pahrâ leina khih rypa a châ aw.”

EZEKIA 30:13

“Abeipa Zehôvâh ta hetana heta a tah: ‘Khazoh nothlahpazy parao aw na ta, Mephi liata nothlahpazy ei pahleipadia aw; Izi liata abeisaw y khao leipa aw ei ta, Izi râh liata china ei paysa aw.

EZEKIA 30:16

Izi cha mei ta rao aw na ta, Pelusia cha thata pasataopa ta a y aw; Thebe thokhy cho aw ta, Mephi cha nohchhô ta chariah â tyh aw.

HÔSIA 10:8

Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.

HÔSIA 11:11

Pavaw hawhta a chalyupa ta Izi râh tawhta a khy aw ei ta; Vachhuh hawhta a chalyupa ta Asuria tawhta amâ zu aw. Chatanachata ama o chyu lâta ei padisa heih aw ei, Abeipa ta a tah.

HÔSIA 2:6

Chavâta ahloh buhzy ta a lâpi pamaipa ta, Thokhy taokhâh aw na ta, A sie nawpa pahno aw vei.

HÔSIA 7:11

Epharai cha vachhuh lyu ta, Dôvei nao ta, palôh hnei vei; A châh ta Izi awsao ei ta, A châh ta Asuria lâ ama sie.

HÔSIA 7:13

Ama hu a po na, Eina tleisaipa vâ ei ta; Paraopa ama châ, Einâ dyuhpa vâ ei ta. Âmo chatlai awpa khoh na ta, Châhrasala haipa bie ta tlao eina tei ei.

HÔSIA 7:16

Kua ei ta, Châhrasala chô lâ kua veih ei, Dôvei thaipa libaw hawhta ama châ; Ama paleih a khotlâh tuna vâta, Ama beimachâzy zaozi ta ama thi aw. Cha cha Izi râh liata Pahneisaopa ta ama y nawpa a châ.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

THEIHTHAINA 26:33

Phopizy hry liata cha hiepatla aw ei na ta, ei zaozi phiapa ta ei cha chadai aw ei. Chatanachata nama râh cha roryhrapa ta y aw ta, nama khihpizy cha khirypa ama vaw châ aw.

ZEPHANIA 1:11

Nâmo, sôdaohna su liata a pahrâpazy saih u, A rôh teh u; Sôhpaliepa zydua y khao leipa ei ta, Tâkâ a pathliahpa zydua ama leidia khai haw.

1 SAMUELA 13:6

Izarei pheisaihzy cha chadiepa ta y ei ta, ama duahmo a pha leizie ama hmô nahta, lôpu liata zy, apopa liata zy, lôpanô liata zy, khaohtlô liata zy, tipâh ruapa liata zy a nyu ei ta.