HÔSIA 9:4 - Mara Bible RV (BSI)

⁴ Abeipa lâta kresawhti hlânazy patlai thei leipa aw ei ta, Amâ theihnazy ta a palôh patlâh aw vei; Amâ theihna viahchhâ cha âmo châta, Mâchhiesapazy viahchhâ hawhta châ aw ta, A niepa maih a papuapalei aw; Ama viahchhâ cha, Âmo nodi papaina châ deita a châ aw; Abeipa o lâ a vaw ngia aw vei.

HÔSIA 9:4 ပူးပေါင်းရင်းမြစ်များ

PUASAINA 29:40

Mietakutaw pô kha hlâna liata viahdie dipa kachu su hrawh su kha nata sathaw saohpa chhiehraôh ôh kha pahlao aw chi ta, dopa hlâna châta kresawhti chhiehroôh ôh kha na pahlao aw.

PUASAINA 40:23

Abeipa ta Mawsi hnohta bie a piepa hawhta, viahchhâ cha Abeipa hmiakô ta tlâhkhai liata yzie hnei kawpa ta soh ta.

ISAI 57:6

Saikao alô mihpazy hry tawhta Na khazoh ta na tao awpazy a tlyh chi ta, Chazy tlai cha nâ chhy tyh. Chazy lâta dopa hlâna patlai chi ta, Niepa hlâna na hlâ tyh. Cha hmozy chata ei palôh eina patlâh aw ma?

ISAI 66:3

“Âmo khopa lâpi a tlyh ei ta, Hmo pasichhihpazy taopa liata Ama hro a lypazy deikua cha, Viahchao tôhpa ta atheihna hlâ hra ei sala, Chyhsapa a thiepa hawhta châ ei ta; Mietakutaw ta atheihna hlâ hra ei sala, I rao a thliepa hawhta ama châ; Niepa hlâna hlâ hra ei sala, Vao thisaih a hlâpa hawhta châ ei ta, Atheithlâhna ropahâhpa hlâ hra ei sala, Khazoh nothlahpa a reithaipa hawhta ama châ.

ZEREMIAH 16:7

Mâchhiesapazy cha athipa amâ ngiahna thlapalôh awpa ta, ahy hmahta niedo pie leipa aw ei ta, ama paw tlyma, ama nô tlyma, athipa amâ ngiahna hnapangâhna nyu doh awpa chhao ahy hmahta pie aw veih ei.

ZEREMIAH 6:20

Sebâ tawhta a vypa deiryh cha, Khâpa ma ei taona aw? Râh hlapi tawhta basuh a vypa chhao, Khâpa ma ei taona aw? Nama raopa hlânazy a pyh tlâh châ leipa ta, Namâ theihnazy ta na palysa hra vei.

EZEKIA 24:17

Arulâta a hrô la, athipa châta mâchhie sa khah y. Na khutho a khu la, na pheikyzy a ky la, pohluh a khu leipa la, rihâ pati chhao nie khah y,” tah ta.

EZEKIA 24:22

Ei taopa hawhna tlai heta tao aw ei chi ta, pohluh a khu leipa aw ei chi ta, rihâ sa chhao nie aw veih ei chi.

DÂNIAH 1:8

Châhrasala Dâniah cha abei pati nata a kresawhti dopa zy ta a papuapalei lei awpa ta a palôh ta khâchâ a chhuah ha ta. Â papuapalei lei nawpa ta bei chakaotuhpazy hyutuhpa cha hiah ta.

HÔSIA 3:4

He he Izarei sawzy ta noh hluhpi bei tlyma, beisaw tlyma hnei leipa ta ama y awpa nata atheihna tlyma, panana tôh tlyma, ephaw nata terâfi zy hnei leipa ta ama y awpa pamosana a châ aw.

HÔSIA 7:16

Kua ei ta, Châhrasala chô lâ kua veih ei, Dôvei thaipa libaw hawhta ama châ; Ama paleih a khotlâh tuna vâta, Ama beimachâzy zaozi ta ama thi aw. Cha cha Izi râh liata Pahneisaopa ta ama y nawpa a châ.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

ZÔELA 1:13

Nâmo, theihthaipazy saih u, Latho poh a bupa ta chaphôh tu u la, Nâmo, maisâh chakaotuhpazy saih u, A hrô teh u. Hy ei Khazohpa chakaotuhpazy saih u, A vy u la, latho poh a bupa ta Azozâkhihdei a zia teh u! Niepa hlâna nata dopa hlânazy Nama Khazohpa o liata pachhâsapa a châ ha hih.

ZÔELA 1:9

Niepa hlâna nata dopa hlânazy Abeipa o liata dia ha ta; Theihthaipazy mâchhiesa ei ta, Abeipa chakaotuhpazy mâchhie ama sa.

ZÔELA 2:14

Abeipa nama Khazohpa cha, A ngiapachhi leipa aw ta, A palôh panano aw vei tahpa ahy ma a pahno ei chi? Niepa hlâna nata dopa hlânazy Ano lâ nama hlâ thei nawpa ta, Byhnâzy cha siesaipa aw veih ei tahpa chhao, Ahy ma a pahno ei chi?

THEIHTHAINA 17:11

Sapa hrona cha thisaih liata y ta, cha cha nama hronazy chatlai nawpa ta, maisâh liata ei cha pie ei. Thisaih cha hrona châ ta, hrona chatlaina a tao theituhpa cha thisaih a châ.

THEIHTHAINA 21:17

“Arawna chho la, a hnohta hetana heta reih teh: ‘Chhâ vaw y lymâ awpa liata, na pathlazy hry liata a khaihly leipa cha, a Khazohpa viahchhâ hlâ awpa ta â hnia awpa châ vei.

THEIHTHAINA 21:21

Theihthaipa Arawna pathla a khaihly leipa cha Abeipa lâta mei ta hmohlâpa hlâ awpa ta â hnia awpa châ vei. A khaihly leipa a châpa vâta, a Khazohpa viahchhâ hlâ awpa ta â hnia awpa châ vei.

THEIHTHAINA 21:6

Ama Khazohpa châta ama pathaih awpa châ ta, ama Khazohpa moh ama papuapalei awpa châ vei. Khazohpa tovyuh a niepa châ ei ta, Abeipa lâta hmohlâpazy mei ta a hlâ tyhpa ama châpa vâta, ama pathaih awpa a châ.

THEIHTHAINA 21:8

Na Khazohpa viahchhâ a hlâpa a châpa vâta, na châta chyhsa pathaihpa ta na rao awpa a châ. Kei, Abeipa nâmo cha pathaisatuhpa he pathaih tlôh na ta, chavâta theihthaipa cha chyhsa pathaihpa ta na pachâ awpa a châ.

AMÔSÂ 5:22

Raopa hlâna nata niepa hlânazy na hlâ hra u la, A pyh leipa aw na ta; Aryhna hlâna nama sa thawhpazy chhao, Moh aw va na.

MALAKHAI 2:13

Hmo hropa nama taopa chhao a y via. Abeipa ta nama hmohlâpa uasa khao leipa ta, nama ku tawhta palôhtlâhpa ta a châ hlâ khao leipa vâ ei ta, mothlih, chana nata arôhna ta Abeipa maisâh cha nama pabie.

MALUHREINA 19:11

“Athihpa ri a hriapa maih noh sari chhôh pathaih leipa a châ aw.

MALUHREINA 28:2

“Izarei sawzy biepie la ama hnohta hetana heta chho teh: ‘Kei lâta mei ta nama hlâ tyh awpa niepa hlânazy cha a daihti raopa liata nama hlâ tyh awpa a châ. Cha cha kei châta ropahâhpa a châ,’ tah ta.

MALUHREINA 4:7

“Ypâna viahchhâ tlâhkhai chô liata poh nohpa phaw aw ei ta, cha chô liata beikohzy, phiahthlazy, biebuhzy nata dopa hlâna patlai nawpa nyuzy soh aw ei ta, chiepadâh leipa ta viahchhâ so tyhpa chhao tlâhkhai chô liata a y awpa a châ.

ZAWHÂNA 6:51

Kei he vârâh tawhta viahchhâ hrohpa a zâ chôpa ei châ. Ahy rai he viahchhâ he a nie khiahta cha, chhâzaw ta a hroh thlâh ha aw. Khizaw hro nawpa ta ei pie awpa viahchhâ cha ei sapa he a châ,” tah ta.

RYHPACHANEINA 26:14

Su hrawh su kha cha mâchhie eima sa nota nie leipa pi ta, eima pathaih lei daihti liata chhao kheihawhpa hmah la leipa pi ta, kheihawhpa hmah athihpa hlâ ma pi. Abeipa eima Khazohpa ao nathlie pi ta, bie miah na piepa zydua hawhta eima tao khai.