HÔSIA 9:12 - Mara Bible RV (BSI)

¹² Saw amâ pyhpa chhao ta, Pakha hmah ama y khao leina taihta Mâchhie ei pasasa lymâ aw ei. Ei heihsai ti ei ta cha, Ama hu a po tlai aw.

HÔSIA 9:12 ပူးပေါင်းရင်းမြစ်များ

2 ABEIZY 17:18

Chavâta Abeipa cha Izarei chô liata a pathi ia ngaita ta, a mohmô tawhta a papua ha ei. Zudâh chi tah leipa ta cha pahlôhpa y khao veih ei.

2 ABEIZY 17:23

Chavâta Abeipa ta a hrohsopa zydua hmâpa ta a rei hapa hawhta, Izarei cha a mohmô tawhta a papua haw. Chatanachata Izarei cha ama râh tawhta Asuria lâ a chhipa châ ei ta, tanoh taihta cha su liata ama y.

ZAWBÂ 27:14

A sawzy ama pôhpa chhao ta, Zaozi châta châ aw ei ta, A pathlazy ta nie khi hnei aw veih ei.

ZEREMIAH 15:7

Râh thokhy chhikaozy liata, Âmo cha ziena ta zie ei na ta; Saw luh pahleipa ta ei tao ha ei. Ama hroziezy ama pathleih leipa vâta, Ei phopi cha ei pahleipadia haw.

ZEREMIAH 6:8

Hy Zerusale, zikyurâna he a papeisa mah y; Chataleipatala cha siesaipa ta, Roryhrapa ta cha tao aw na ta, Pahrâ tlâh leipa râh ta ei cha tao pathlei aw na.”

CHAPHÔHTUNA 2:20

Hy Abeipa, moh la, pachâ tua! Ahy chô liata ma he hawhta na tao tly? Chanôzy ta ama chhi thei niepa ta, Ama chhôh tawhta a puapazy ama nie aw ma? Theihthaipa nata hrohsopa taihta, Khazia Abeipa supathaihpa liata thiepa ama châ aw?

CHAPHÔHTUNA 2:22

Kyhchhi noh hawhta awpakhy chi ta, Chichhihpazy su tawhta eina vaw tlô thlu ei; Abeipa hiehâhna noh liata la, Arâpa nata ahrohpa rai y veih ei; Ei sawzy nata ei mohôhpazy cha, Ei chariahpa ta a pahleipadia khai ha ei.

HÔSIA 7:13

Ama hu a po na, Eina tleisaipa vâ ei ta; Paraopa ama châ, Einâ dyuhpa vâ ei ta. Âmo chatlai awpa khoh na ta, Châhrasala haipa bie ta tlao eina tei ei.

HÔSIA 9:13

Tyre hawhta Epharai chhao, Si panyupa su liata lopa a châpa ei hmô; Châhrasala Epharai cha, Thietuhpazy lâta a sawzy â chhi aw ei.

HÔSIA 9:16

Epharai cha tupa ta y ta, Ama thari a raoh haw; Pathei thei khao aw veih ei. Hawti ama hneipa chhao ta, Ama saw mopakiapazy ei thie lymâ aw.

MALAKHAI 2:12

He hawhpa hmo a taopa chyhsa cha, Abeipa ta a chi pamua sala, Zakaw poh o liata a pahrâ awpa chipathlazy hnei leipa sala, Pheisaihzy Abeipa lâta hmo a hlâ awpa chipathla chhao hnei khah sy.

MALUHREINA 14:34

Râh nama mohparuna noh ziepa noh sypalih kha, noh kha vyuhpa ta kô kha lymâ ta, nama paraona vâta kô sypalih pasa nama tao aw; chatanachata ei ly leizie nama pahno aw.

MALUHREINA 26:65

Abeipa ta, “Râhchawhpa liata ama thi thlyu awpa a châ,” a tah hapa vâta, Zephune sawchapawpa Kâlebâ nata Nunâ sawchapawpa Zawsua dei leipa ta cha, pakha hmah ahrohpa y veih ei.

RYHPACHANEINA 28:18

“Nama chhi theizy, nama chhaohlei theizy, nama sahrohzy, nama viahchaotaw nata nama mietakutawzy chhiesapa ta y aw ei ta, pôh aw veih ei.

RYHPACHANEINA 28:32

Nama sawchapawzy nata nama sawchanôzy chihropa hnohta piepa châ aw ei ta, âmo vâpa ta noh chareih nama mo bâna taihta sai aw ei chi ta, tao theipa khâpa hmah hnei aw veih ei chi.

RYHPACHANEINA 31:17

Cha noh ta ama chô liata ei pathi ia aw ta, ei pathlua aw ei. Âmo tawhta ei hmia nyu aw na ta, pahleipadiapa ama châ aw. Hmo pha leipa nata nôpona hluhpi ama chô liata tlô aw ta, cha noh ta, ‘Eima Khazohpa eima hnohta a y leipa vâta, he hmo pha leipa he eima chô liata a vaw tlôpa châ vei ma?’ ama tah aw.

RYHPACHANEINA 32:25

Khôtho lâta zaozi ta thi aw ei ta, O chhôh liata thlazohpa ta ama y aw; Satlia nata laihsa zy thi aw ei ta, Sâhpi a ngiehpa nata sâ pawhpazy ama thi khai aw.

RYUREITUHPAZY 4:16

Bâraka ta talailihzy nata pheisaihzy cha Hârôse Hâkôi taih a chadai ta. Siserâ pheisaih zydua cha zaozi ta thi khai ei ta, pakha hmah ahrohpa y veih ei.

1 SAMUELA 16:14

Abeipa Thlahpa ta Sawla cha puasai ha ta, Abeipa tuapa ahripa ta ano cha patypamâ ta.