HÔSIA 9:10 - Mara Bible RV (BSI)

¹⁰ Râhchawhpa liata kre thei hawhta Izarei cha hmô na ta; Theiku a daih tuapa ei mopa hawhta, Châ pathlatuhpazy kha ei moh ei. Châhrasala Bâlâpeô ama vaw tlôpa nahta, Nozachhihpa hmo lâta thlai ama tlei haw; Chavâta ama tlaichhaipa hmozy hawhta, Âmo chhao pasichhihpa ama châ haw.

HÔSIA 9:10 ပူးပေါင်းရင်းမြစ်များ

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

2 ABEIZY 17:11

Cha su sâhpa zydua liana chata Abeipa ta ama hmiakô liata a chadai hapa phopizy taozie hawhta ropahâhpazy rao ei ta. Hmo molei ngaitapazy tao ei ta, Abeipa hie ama pahâh haw.

HLAZY 115:8

Nothlahpa a taotuhpazy cha, Nothlahpa hawhta châ ei ta; Nothlahpa a ngâtuhpa zydua chhao, Nothlahpa hawhta ama châ.

HLAZY 81:12

Chavâta ama palôh kuhchha awpa ta pasaih na ta, Âmo ryhraona liata sie awpa ei pasai ha ei.

HLAZY HLA 3:6

Deiryh nata sathaw ropahâhpa a thu ta, Sôhdaoh liata ropahâhpa paohzy a hniapa ta, Meikhuh a duahpazy hawhta, Râhchawhpa tawhta â vypa hao ahy ma a châ tly?

ISAI 28:4

Saikao lei phapa luh liata lakho a ypa, A rônahna nata angiana a lo haipa cha, Nopi daihti hlâta theiku hmoh tua chaipa hawhta a châ aw. Chyhsa ta a hmôpa nahta, Lyu ta thlai a nie tyh.

ZEREMIAH 11:13

Hy Zudâh y, na khazohzy cha na khihpi zie tlai châ ei ta, Bâlâ lâta atheihna hlâ nawpa ta maisâh na taopa, maophyuh nawpa ta maisâh na paduapazy cha, Zerusale khih chhôh lâpi zie tlai ta a hluh.

ZEREMIAH 24:2

Hrâbyh miakha liata theiku pha ngaitapa, theiku hmoh tuapa hawhpa y ta, hrâbyh hropa liata deikua cha, theiku chhie ngaitapa, nie tlâh châ leina taihta a chhiepa y ta.

ZEREMIAH 3:24

“Châhrasala eima thyutlia daihti tawhta, nozachhihpa hmo chata miah pathlatuhpazy vaw hriapasana zydua nie khai ha ta, ama mietaku zawzy, ama viahchao hrizy, ama sawchapawzy nata ama sawchanôzy a nie khai ha ei.

ZEREMIAH 3:25

Eima thyutlia daihti tawhta tanoh taihta, keimo nata miah pathlatuhpazy ta Abeipa eima Khazohpa chô liata molei ha pi ta, Abeipa eima Khazohpa bie eima zyh leipa vâta, nozapa ta a zia sih la, eima nohzaona ta miah khu mawh sy.”

ZEREMIAH 31:2

Abeipa ta hetana heta a tah: “Zaozi ta thie bâhpazy cha, Râhchawhpa liata ngiachhiena ama to; Izarei ta apahâna tlua ta,

ZEREMIAH 5:31

Hrohsopazy ta haipa ta hrohsona biezy phuah ei ta, Theihthaipazy ta âmo rei sai ta ryu ama reih. Cha hawhta taopa cha ei phopi khonazie châ kaw ta, Châhrasala chhâna noh a vaw tlô tita, Kheihta ma namâ tao aw tly?

EZEKIA 20:8

“Châhrasala na chakhia ei ta, na nathlie khoh veih ei. Ama mo ta a pasô kawpa hmo pasichhihpazy cha thy leipa ei ta, Izi râh khazoh nothlahpazy chhao a heihsai veih ei. Chavâta Izi râh liana chata ei pathiiana lei thlupa ta, ei hiehâna âmo papai thlu awpa a chhuah na ta.

HÔSIA 11:1

A hawti no tawhta Izarei cha kyhpachâ na ta; Izi râh liata a y no tawhta, “Ei sawchapawpa” tahpa ta ei aw.

HÔSIA 13:5

Râh chawhpa liata cha mohôh ei na ta, Râh raohpa liata ei cha deichhy ei.

HÔSIA 2:15

Cha liata a kre sadôzy pie pakhua aw na ta, Akhaw Saikao cha, Hnabeiseihna ochhi ta ei tao aw. A thyutlia daihti hawhna khata, Na chyh-ei heih aw ta; Izi râh tawhta a kaw puana no hawhna khata, Eina chyh-ei heih aw.

HÔSIA 4:14

Chatahrasala, nama sawchanôzy cha, Ama sihryhna vâta hrie aw veih ei na; Nama myuhnôzy chhao, Amâ pheina vâta hrie aw veih ei na; Chapawzy ta sihryhnô cha a pheikhei ei ta, Âzuahnôzy nata atheihna ama hlâ khohpa tlao a châ. Pahnona a phahlapa phopi cha a leidia aw.

HÔSIA 4:18

A laothaopa ta doh ei ta, Â zaopa ta ama sihryh; Ryureituhpazy cheingei ta Nozachhihpa hmozy ama tao.

AMÔSÂ 4:5

Thinô pahlaopa viahchhâ cha, Alyna biereina atheihna ta hlâ u la; Lôhthai hmohlâpazy phuah u la, Pathâhsa teh u; Chazy cha nama tao khoh kawpa a châ khawh, Hy Izarei sawzy saih u!” Abeipa ta a tah.

MIKÂ 7:1

Ei hupo rimâ cha! Nopi daihti theilâpa pakhy nota, Kre theizy kâmo thoh nota, A sao nie awpa a y leipa hawhta châ na ta; Ei hro ta a tlaichhai kawpa Theiku hmoh tuapa y leipa hawhta dia ei châ haw!

MALUHREINA 15:39

Chysia pai pangiasana cha moh tyh aw ei chi ta, Abeipa biepiepa zydua a theipa ta nama zyh lymâ nawpa châta châ aw ta, chatanachata nama palôh nata nama mo ta a khopa lâ sie leipa aw ei chi ta, nama sihryh tyhna lâ tlei leipa ta nama y thei aw.

MALUHREINA 18:13

Ama râh liata a ypa zydua hry liata theilâpa a hmoh tua chaipa, Abeipa châta ama vaw cheipa cha, nâ eih châ aw ta, na o liata chyhsa pathaihpa zydua ta ama nie thei aw.

RAWMA 6:21

Tahmâ ta nama zakhei kawpa hmo nama vaw tao tyhpazy tawhna khata, khâpa theilâpa ma nama hmô? Kha hmozy chhâna cha thina a châ.

RYHPACHANEINA 32:10

“Abeipa ta Zakaw cha râhchawhpa liata hmô ta, Râh chhiepa nata râh raohpa liata a hmô. Ano cha chahlôchaeipa ta mohôh ta, A mosaw hawh tlai ta a khâsia.

RYHPACHANEINA 32:17

Khazoh a châ leipa ahripazy lâta atheihna hlâ ei ta, Ama pahno beih leipa khazoh, Atlia ta a vaw ypa khazoh thiehpa, Pathlatuhpazy ta ama chi beih leipa Khazohzy lâta atheihna ama hlâ tyh.

RYHPACHANEINA 4:3

Bâlâpeô liata Abeipa hmotaopa kha nama mo ta hmô ta, Bâlâpeô a pazipa zydua Abeipa nama Khazohpa ta nama hry tawhta a pahleipadia khai hapa chhao nama hmô.

RYUREITUHPAZY 6:32

Cha noh tawhta Kidia cha “Zerubâlâ” tahpa ta awpa a châ. Cha cha, “Bâlâ ta Kidia cha a dyuh mawh sy,” tahna châ ta, Bâlâ maisâh a paraopa vâta, cha hawhta reipa a châ.