HÔSIA 8:9 - Mara Bible RV (BSI)

⁹ Epharai cha râh alâ ano dei ta a tlaihpa châ ta, Asuria lâ khy ei ta, Ama khopawzy ama kaw chalei.

HÔSIA 8:9 ပူးပေါင်းရင်းမြစ်များ

2 ABEIZY 15:19

Asuria bei Puli ta Izarei râh za siehnao ta. Menâhe ta â beina pa-i awpa nata bao awpa ta Puli cha tâkâ talent sâh kha pie ta.

ISAI 30:2

Phiraoh thatlôna a chhaipa ta, Izi nohpahlipa liata a nyu awpa ta, Kei nâ saohiah tua leipa ei ta, Izi râh lâ zu awpa ta amâ thao.

ISAI 30:6

He he Neke râhsazy kyh chhochhieliena bie a châ: Neke cha nôpona nata thlazohna râh a châ; Chakeibarôhneipa panô puana râh châ ta, Chakeibarôhneipa tôhpa puana râh a châ; Vâzi puana râh châ ta, Parih a zaw theipa puana râh a châ. Cha râh tawhna chata, Ama châta phahnaina a hnei leipa phopi pie awpa ta, Ama hneirônazy cha, Alâzy paphaosa ei ta; Ama ryusôhpazy cha, Râraoseihpazy ky byuhpa liata ama paphaosa.

ZEREMIAH 2:24

Râhchawhpa liata lyurâhpa alâ chanôpa paw khoh nota, Ziza roh a patluahpa hawhta na châpa kha. Ahy ma sa chanôpa paw khohpa a pakhâ thei aw? Ano a tluatuhpazy ta ama rie amâ pathei byuh leipa ta, A paw khoh daihti liata cha ama hmô thlâh ha tyh.

HÔSIA 12:1

Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.

HÔSIA 12:2

Abeipa ta Zudâh thailei pachâsa ta, A hrozie hawhta Zakaw cha hrie aw ta, A hmotaopazy hawhta viari a thô aw.

HÔSIA 2:10

A khopawzy mohmô lia tlai ta, Thluahruapa ta soh aw na ta, Ahy ta hmah ei ku tawhta pachha thei aw vei.

HÔSIA 5:13

Epharai ta a pasana hmô ta, Zudâh ta a hmah a hmô nahta; Epharai cha Asuria lâ sie ta, Bei rônahpa lâ chyhsa a tuah. Châhrasala ano ta Cha patlâh thei leipa aw ei ta, Nama hmah paphasa thei aw vei.

HÔSIA 7:11

Epharai cha vachhuh lyu ta, Dôvei nao ta, palôh hnei vei; A châh ta Izi awsao ei ta, A châh ta Asuria lâ ama sie.