“Tahmâ chhao he pheisaih hluh ngaita ei chi ta, Zerôbaw ta nama châta ngôh viahchaotaw khazoh nothlahpa a taopa nama hneipa vâta, Dâvi sawchapawzy ku liata Abeipa khinarâh cha toh thei namâ pangiasa.
Molei raruahpazy tawhta châ chakaotuhpa he pabohsa la, Ei chô liata bie ama hnei awpa pasaih khah y! Chatanachata phapakipa châ aw na ta, Moleina rarôh ypa tawhta thaichâpa ta ei y aw.
“Nâmo sona a phahlapazy saih u, So leipa ta ypa he khachâ ma nama pasô chy aw tly? Pasipasawh a thaipazy ta khachâ ma chyhsa pasipasawhpa paphasa aw ei ta, Ahrupazy ta khachâ ma pahnona amâ hao aw tly?
“A pahmaohpa ta a vy u la, Nâmo, phopi laibâhpazy saih u, Hmaohkha ta a vaw hnia teh u! Ama tho khazoh nothlahpa a phaoh laihpa phopizy ta Pahnona rai hnei leipa ei ta, A pachha thei leipa khazoh lâ thlah khâ ama chhâ tyh.
Na pasichhihnazy hmô na ta, Lyu tlâhzy liata nâ pheinazy ei hmô haw; Arâ paw khohpa hawhta na sâpa hmô na ta, Na sihryhna zakheichhihpa chhao ei hmô haw. Hy Zerusale, na hu a po kaw dia! Khati taih ma pathaih leipa ta na y chy aw?”
Bethave liata viahchaotawzy vâta, Samâri mo amâ chalyu aw; A rônahna ta a puasai hapa vâ ei ta, A chyhsazy ta cha thlu aw ei ta, A theihthaipazy amâ chalyu aw.
Izarei moleina Ave su sâhpazy cha, Paraopa a châ aw. Ama maisâhzy liata Diahsai nata ahlohzy pyuh aw ta, Tlâhpizy hnohta, “Miah vao teh,” tah aw ei ta, Tlâhthlôhzy hnohta, “Miah vi teh,” ama tah aw.
Tahmâ chhao molei via rili ei ta, Ama tâkâ ta leihpa nothlahpazy amâ tao; Cha zydua cha âmo pachâpalipa ta Zôthaipazy taopa sai a châ. Chavâta âmo kyh liata, “Atheihna a hlâpazy ta Viahchaotaw amâ pahnâ,” Ama tah tyh.
Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.
A nothlahpa khazoh zydua cha, Pakeichheih khaipa châ aw ta, A hlao zydua mei ta rao khaipa a châ aw. A nothlahpa khazoh zydua cha, Ei parao khai aw; Âzuahnô ta â zuana ty hmâpa ta A pahmaohpazy châ ei ta, Âzuahnô ty châta hmâ heihpa ama châ aw.