HÔSIA 8:2 - Mara Bible RV (BSI)

² Na awsao ei ta, “Eima Khazohpa, Izarei ta eima cha pahno,” tah ei ta.

HÔSIA 8:2 ပူးပေါင်းရင်းမြစ်များ

2 ABEIZY 10:16

Zehu ta, “Ei hnohta vaw sie la, Abeipa châta phahnai ei ngiahzie vaw hmô tua mah y,” tah ta. Chatanachata a talailih liata pakiasa ta.

2 ABEIZY 10:29

Châhrasala Zehu ta Izarei a pamoleisapa Nebâ sawchapawpa Zerôbaw moleinazy pathleih leipa ta, Bethel nata Dânâ liata ngôh viahchaotaw nothlahpazy a chhy thlâh ha chy ta.

ZEREMIAH 7:4

‘He he Abeipa Achhyna o a châ, Abeipa Achhyna o a châ, Abeipa Achhyna o a châ,’ tahpa haipa biezy nama zo awpa châ vei.

HÔSIA 5:15

Ama thaileichâna a pahnopa ta, Ei hmia ama tlua hlâlei cha, Ei pahrâna su lâ ei kua chy aw; Chtanachata ama riethei pasataona vâta, Eina tlua hmeiseih bâ aw ei.

HÔSIA 8:3

Izarei cha phana a dytha hapa vâta, Chariahpa ta â chadai aw.

MIKÂ 3:11

Khihpi chhituhpazy ta Panaopapana ta ryureih ei ta, A theihthaipazy ta Ty hneipa ta ama pachu; Hrohsopazy ta tâkâ hmô nawpa ta Pachaona rai ama hria tyh; Chatanachôta Abeipa liata a pahnieh ei ta, “Eima hry liata Abeipa y vei ma? Eima chô liata chhiena vaw tlô aw vei,” Ama tah tyh.

MATHAI 25:11

Cha khai tawhta laihsakôpa hropazy kha a vy ei ta, a hnohta, ‘Abeipa, Abeipa, miah pahypa teh,’ tah ei ta.

MATHAI 7:21

“ ‘Abeipa, Abeipa,’ nâ tahpa maihta, vârâh khinarâh a ngia leipa aw ei ta, ei Paw vârâh liata a ypa khopa a taotuhpa deita ta â ngia aw.

LUKA 13:25

O hneituhpa thyu ta ochhi a khaw ha khiahta cha, nâmo ta khôtho liata a duahpa ta, ‘Abeipa, ochhi miah pahypa teh,’ tahpa ta ochhi chakhyh hra u la, ‘Khataih tawhta a vypa ma nama châ, cha pahno veih ei na,’ tahpa ta a châ chhy aw ei.

TITU 1:16

Khazohpa pahno a tah ei ta, châhrasala ama hmotaopazy ta Khazohpa cha amâ paphasai. Pasichhihpa nata reingiah leipa châ ei ta, hmopha tao awpa ta khâpa kyh liata hmahta a tlâh a châ leipazy ama châ.

1 ZAWHÂNA 2:4

A biepiepazy zyh tlôh leipa ta, “Ano ei pahno,” a tahtuhpa cha a haihpa a châ. Biehmeiseihpa ano liata y vei.