HÔSIA 8:14 - Mara Bible RV (BSI)

¹⁴ Izarei cha ano a taotuhpa my ta, Abei ozy tlao a sa; Zudâh ta thokhy ta dôhpa khihpizy A padua via lymâ. Châhrasala a khihpizy chô liata mei tuah aw na ta, Ama thokhyzy a kâ khai aw.

HÔSIA 8:14 ပူးပေါင်းရင်းမြစ်များ

1 ABEIZY 12:31

Zerôbaw cha su sâhpazy liata achhyna ozy sa ta, Livai pathla a châ leipa, chi to hry tawhta theihthaipazy rao ta.

1 ABEIZY 16:31

Nebâ sawcha­pawpa Zerôbaw moleina lâpi â chhihpa rakhapa cha khâpa hmahta a châ leipa ta rao ta, Sidaw bei Ethabâlâ sawchanô Zezebel cha lapinô ta hnei ta. Sie ta, Bâlâ kei chakao ta, Bâlâ cha â chhy tyh.

2 ABEIZY 18:13

Bei Hezekia kô hrawh hleipalih â bei kô ta, Asuria bei Senâkeri ta Zudâh râh liata thokhy hneipa khihpi zydua khyhnao ta, la khai ha ta.

2 THÂTIHZYRONA 26:10

Râhchawhpa liata chhao o sâhpazy padua ta, sahroh hluhpi a hneipa vâta, Sephelâ nata bypizy liata tipo hluhpi tao ta. Lyutao a pahâhpa a châpa vâta, tlâhzy nata chhaohlei phana suzy liata lyutaopa nata kre sadô mohôhtuhpazy soh ta.

2 THÂTIHZYRONA 27:4

Cha dei châ vei, Zudâh tlâh râh liata khihpizy padua ta, râhmâhpa tlâhzy liata thokhy nata o sâhpazy a padua.

HLAZY 106:21

Âmo pachhatuhpa Khazohpa my ei ta, Izi râh liata hmo rônahpazy a taotuhpa kha ama my haw.

HLAZY 95:6

A vy u la, a chhypa ta a bôh sih la, Abeipa miah Taotuhpa hmiakô liata pakhu paneih ei suh u!

ISAI 17:10

Na pachhana Khazohpa my ha chi ta, Nâ chhaina Lôpanô nâ thei khao leipa vâta, Tho pha chaipazy bôpa ta, Râh hro lâ tawhta kre chiah loh chi ta,

ISAI 29:23

Keima ku ta ei taopa a sawzy a hmô nahta, Ama hry liata ei moh pathaihsa aw ei ta; Zakaw Mo Pathaihpa cha pathaihsa aw ei ta, Izarei Khazohpa cha ama chi aw.

ISAI 42:13

Abeipa cha pasaipha hawhta pua aw ta, Pheisaih hawhta a phahnai ngiahna a pathyu aw. Paro ngaitapa ta awhpa ta a pahôpahâh aw ta, A khakhaipazy chô liata a thatlôna a palâsa aw.

ISAI 42:25

Chavâta a pathiiana ru ngaitapa cha, A chô liata lei thlu ta; Adyuhna ru ngaitapa a lei thlu haw. Cha chata Izarei cha mei liata phôh ta, Châhrasala pahno vei; Mei chata kâ lymâ ta, Châhrasala a palôh liata soh hlei vei.

ISAI 43:21

Chatanachata ei châta ei paduapa phopi ta, Keima reithaina ama phuah aw.

ISAI 9:10

“O sana beihlei tlozy cho ha hra sala, Alô khaipazy ta sa heih aw pi ta; Theiku kôzy thlupa châ hra sala, Sidy thozy ta eima thla aw,” A tahtuhpazy ta ama pahno aw.

ISAI 9:9

Epharai nata Samâri liata a pahrâpazy ta pahno aw ei ta, Phopi zydua ta ama pahno aw. A palaipa nata a khotlâhpa ta bie reih ei ta,

ZEREMIAH 17:27

Châhrasala Pahânoh pathaihsa awpa na­ta Pahânoh ta hmo phao lei awpa nata Zerusale thokhy chhikaozy liata a hmo phao a ngiakhei lei awpa ky liata ei bie nama nathlie vei khiahta deikua cha, khihpi thokhy chhikaozy liata mei patih awh na ta, Zerusale abei ozy kâ khai aw ta, pachhaipa châ aw vei.’”

ZEREMIAH 2:32

Laihsa kôpa ta a sôh nata thih atobinazy a my aw ma? Myuh ta a myuh chysia a my thei aw ma? Ei phopi deikua cha na my ha ei ta, Noh rei tiah lei eina my ha ei.

ZEREMIAH 23:27

Ama mâ amâ chho raihriepazy hmâpa ta ei phopi cha ei moh pamysa a chhuah ei ta, âmo pathlatuhpazy chhao kha, Bâlâ vâta ei moh ama my hapa kha châ vei ma?

ZEREMIAH 3:21

Izarei sawzy cha ama lâpi pavia ei ta, Abeipa ama Khazohpa ama my hapa vâta, Awphy tlâh lakizy liata ao theipa châ ta, Izarei sawzy chana nata ahawna aozy theipa a châ.

ZEREMIAH 5:17

Na kôvei nata pati zy nie khai aw ei ta, Na sawchapawzy nata sawchanôzy ama nie khai aw. Na mietaku zawzy nata na viahchao hrizy nie khai aw ei ta, Na kre zôhzy nata na theiku kôzy ama nie khai aw. Nâ ngâchhâpa na thokhy khihpizy tlai chhao, Zaozi ta ama parao khai aw.”

EZEKIA 23:35

“Chavâta Abeipa Zehôvâh ta hetana heta a tah: Na my ha chi ta, hnôh eina chhy hapa vâ chi ta, na aohraohna nata nâ zuana maoh cha nâma ta na phaoh awpa a châ.”

HÔSIA 13:6

Ama lao bâ ei ta, Ama rih bie ta; Ama rih a bie nahta, Ama palôh lai ta; Kei eina my ha ei.

HÔSIA 2:13

Bâlâzy â chhy tyhna nohzy vâta, Ano cha ei hrie aw. Bâlâzy lâta ropahâhpazy hlâ ta, Rahyzy nata lôsôhpazy ta a tobipa ta A khopawzy pazi ta, Kei deikua cha eina my haw,” Abeipa ta a tah.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

AMÔSÂ 1:10

Chavâta Tyre thokhy chô liata mei tuah aw na ta, Abei ozy a kâ khai aw.”

AMÔSÂ 1:12

Chavâta Temâ chô liata mei tuah aw na ta, Bôzrâ abei ozy a kâ khai aw.”

AMÔSÂ 1:14

Chavâta Râbâ thokhy chô liata mei patih aw na ta, Adyuhna noh ta awhsâhpa pyu hry liata, Khisô nata thlihpipa hry liata, Abei ozy a kâ khai aw.

AMÔSÂ 1:4

Chavâta Bei Hâze o liata mei tuah aw na ta, Benhadâ abei ozy a kâ khai aw.

AMÔSÂ 2:5

Chavâta Zudâh chô liata mei tuah aw na ta, Zerusale abei ozy a kâ khai aw.”

EPHESI 2:10

Hmo pha tao awpa ta, Khazohpa ta Krista Zisu liata miah a tao. Cha hmo pha tao awpa cha, eima chânazie awpa ta Khazohpa ta â vaw chhuanoh chhieliepa a châ.

RYHPACHANEINA 32:18

Châ satuhpa Lôpanô pachâ khao leipa ei chi ta, Châ taotuhpa Khazohpa nama my haw.