HÔSIA 7:16 - Mara Bible RV (BSI)

¹⁶ Kua ei ta, Châhrasala chô lâ kua veih ei, Dôvei thaipa libaw hawhta ama châ; Ama paleih a khotlâh tuna vâta, Ama beimachâzy zaozi ta ama thi aw. Cha cha Izi râh liata Pahneisaopa ta ama y nawpa a châ.

HÔSIA 7:16 ပူးပေါင်းရင်းမြစ်များ

HLAZY 12:3

Abeipa ta hmiahmôchâna hmaozy chhawh pathlah sala, Apalaina paleih chhao chhawh pathlah sala,

HLAZY 12:4

“Eima paleih ta pahnie aw pi ta, Eima hmaozy keimo liata y ta, Eima zibeipa cha ahy ma a châ tly?” A tahtuhpazy chhao, Abeipa ta chhawh pathlah mawh sy.

HLAZY 12:5

“Dyhchhiepazy hraopa châ ei ta, Phahlapazy amâ hrôpa vâta, Tahmâ thyu aw na ta, Âmo a teituhpazy tawhta ei pabohsa aw ei,” Abeipa ta a tah.

HLAZY 17:10

Thapasana kyh liata ama palôhzy khaw ei ta, A khotlâh kawpa ta ama pakah ta bie ama reih tyh.

HLAZY 52:2

Nâ, dôveina rai a hriatuhpa, Na paleih ta raona patohpatia ta, Na paleih cha chaidâh tiahpa hawhta a châ.

HLAZY 57:4

Ei hrona he chakeibarôhneipazy hry liata y ta, Sahrâhpazy hry liata a zia na ta; Asei nata châtai hâh hnei ta, Zaozi tiahpa paleih a hneipa chyhsa sawzy hry liata ei y.

HLAZY 73:9

Ama pakah ta avâzy taih reipachhie ta, Ama paleih ta alei zydua a chahryh.

HLAZY 78:37

Ano liata ama palôh a i leipa ta, A biehrai liata ngâ a chhih veih ei.

HLAZY 78:57

Kua ei ta âmo pathlatuhpazy hawhta, Piehpie ngaitapa ta hmotao ei ta; Libaw doleipa hawhta, A pahnieh tlâh châ veih ei.

ISAI 3:8

Ama bie nata ama hmotaopazy ta Abeipa chakhia ta, A rônahna hmia chhao thlah ama sa leipa vâta, Zerusale cha a chapia ta, Zudâh a pao haw.

ZEREMIAH 18:18

Chatawhcha âmo ta, “A vy teh u, Zeremiah he tei ei suh u, theihthaipa tawhta ryhpa diah leipa aw ta, chyhsa sopa tawhta ryhraona diah hra leipa aw ta, hrohsopa tawhta bie diah hra aw vei. A vy teh u, paleih ta ano cha tu ei sih la, a bie kheihawhpa hmah nathlie khah ei suh u,” tah ei ta.

ZEREMIAH 3:10

Cha zydua a hmô thlâh hapa chhao ta, a narônô haiphiahnô Zu­dâh cha palôh hmeiseihpa ta kei lâ vaw kua leipa ta, a pakheipa ta a vaw kua tyh,” Abeipa ta a tah.

ZEREMIAH 42:18

“Pheisaihzy Abeipa, Izarei Khazohpa ta hetana heta a tah: Zerusale khihsawzy chô liata ei hiehâhna nata ei pathiiana ei lei thlu hapa hawhna ei khata, Izi râh lâ nama sie tita chhao, ei pathiiana nama chô liata ei cha lei thlu hra aw ei. Chatanachata chyhu sa thlupa, pachhiparypa, chhiesapa nata pasipasawhpa châ aw ei chi ta, he su he hmô heih khao veih ei chi.

EZEKIA 23:32

Abeipa Zehôvâh ta hetana heta a tah: “Na narônô nyu doh aw chi ta, Nyu tôh seihpa nata nyu laipa tlai na doh aw; A hluhpi â tlôhpa nyu a châpa vâta, Pahneisaopa nata zakheipa na châ aw.

EZEKIA 36:20

Ama siena râhzy ama tlô nahta, ama tlôna maih liata ei moh pathaihpa papuapalei ei ta, cha hawhta ama ypa vâta chyhsazy ta, ‘Hezy he Abeipa phopi châ ei ta, châhrasala râh tawhta a pua hapazy ama châ hih,’ ama tah tyh.

DÂNIAH 7:25

Chônôchaipa chakhiana biezy reih aw ta, Chônôchaipa mopathaihpazy cha ama rie a pathei aw; Daihtizy nata ryhpazy panano a chhuah aw ta, Daihti miakha, daihtizy nata daihti khophie chhôh cha, A ku liata mopathaihpazy piepa a châ aw.

HÔSIA 11:5

Kei lâ ama vaw kua khoh leipa vâta, Izi râh lâ kua heih aw ei ta, Asuria cha ama bei a châ aw.

HÔSIA 11:7

Ei chyhsazy ta Na tleisai khâchâ amâ chhuah haw; Chavâta Chônôchaipa awsao hra ei sala, Âmo cha cheihchalo aw vei.

HÔSIA 6:4

Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

HÔSIA 7:13

Ama hu a po na, Eina tleisaipa vâ ei ta; Paraopa ama châ, Einâ dyuhpa vâ ei ta. Âmo chatlai awpa khoh na ta, Châhrasala haipa bie ta tlao eina tei ei.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

HÔSIA 9:4

Abeipa lâta kresawhti hlânazy patlai thei leipa aw ei ta, Amâ theihnazy ta a palôh patlâh aw vei; Amâ theihna viahchhâ cha âmo châta, Mâchhiesapazy viahchhâ hawhta châ aw ta, A niepa maih a papuapalei aw; Ama viahchhâ cha, Âmo nodi papaina châ deita a châ aw; Abeipa o lâ a vaw ngia aw vei.

HÔSIA 9:6

Moh teh u, raona amâ râsaipa chhao ta, Izi ta âmo cha patupakhy aw ta, Mephi ta a pabu aw ei. Thlahbei ta ama tâkâ hmobaoh sôhpazy hnei aw ta, Ama poh ozy liata ahlohzy a y aw.

MALAKHAI 3:13

“Eina chakhiana ei chi biezy a pasa ngaita,” Abeipa ta a tah. “Châhrasala nâmo ta, ‘Kheihta ma nâma chakhiana biezy cha eima reih?’ nama tah.

MALAKHAI 3:14

‘Khazohpa chakaopa he hraoleipa dei a châ. A biepiepazy eima zyhpa nata mâchhiesapazy hawhta Pheisaihzy Abeipa hmiakô liata eima y tyhpa heta khâpa phahnaina ma a hnei tly?

MATHAI 12:36

Ei cha chho ei, chyhsazy ta bie pha leipa ama reipa maih cha, ryureina noh liata amâ reipasia awpa a châ.

LUKA 8:13

Hezy he lôphiariapa liata chi hiepazy ama châ. Bie ama theipa nahta, a ly ngaitapa ta a pyh ei ta, châhrasala thari ama thla leipa vâta, bohpi leipa chhôh zyh ei ta, reipasaona a vaw y nahta, ama paosai ha tyh.

ZÂMIE 3:5

Cha hawhna chata paleih chhao he pôhpa pachiapa chyhpata châ ta, a palai ngaitapa a châ. Meihlih dipa ta râh kawh pi a pakâ theizie chhao pachâ tua u!

2 PITY 2:8

Kha chyhsa siapa kha ama hry liata y ta, chyhsazy ta ryhpa rai zyh khoh leipa ei ta, âmo khozie hawhta noh chareih ama hropa a hmôpa nata a theipazy ta a siana palôh a pasasa ngaita tyh.

BIEPHUAH 13:5

Chatawhcha apalaina nata Khazohpa reipachhiena pakah a hnohta piepa châ ta, thla sypalih nata thla no chhôh biehnei awpa ta pasaipa a châ.