HÔSIA 7:15 - Mara Bible RV (BSI)

¹⁵ Kei ta pachu ei na ta, Ama bâh tha ei patlô; Chatanachôta chhiena ta eina tei ei.

HÔSIA 7:15 ပူးပေါင်းရင်းမြစ်များ

2 ABEIZY 13:23

Châhrasala Abeipa ta Abarahâ, Aisika nata Zakaw zy chô liata a biehrai vâta, Izarei sawzy cha ngiachhie ta, a thapasa kaw tyh ta. Chavâta âmo lâ a heih heih tyh ta, Izarei sawzy cha pahleipadia khoh leipa ta, tahmâ taihta a mohmô tawhta âmo cha thy pathlah khoh vei.

2 ABEIZY 13:5

Chatanachata Abeipa ta Izarei cha pachhatuhpa pie ta, Aramia mo ku tawhta pua ei ta, Izarei sawzy cha ama y tyhpa hawhta ama o chyu liata y heih ei ta.

ZAWBÂ 5:17

“Moh tua, Khazohpa chhoreipa chyhsa cha thlaochhipa ta a y tyh, Chavâta Atotaotheipa chhoreina cha saw ta rei leipa ta y khah y.

HLAZY 140:2

Âmo cha ama palôh ta hmo chhiepazy patuapalua ei ta, Adyuhna khâ a pathyupazy ama châ.

HLAZY 2:1

Khazia râhzy ama ruchhô ta, Phopizy ta hraoleipa ta ama tei tly?

HLAZY 62:3

Thokhy a sia haipa nata diahpai a pao haipa hawhpa chyhsa tlai he, Khati taih ma tei aw ei chi ta, Nama zydua ta namâ dyuh aw?

HLAZY 94:12

Hy Abeipa, na chhoreipa chyhsa cha nohlao ta, Na ryhpa na pachupa chyhsa chhao a nohlao na.

BIESOZY 3:11

Ei sawchapawpa y, Abeipa chhoreina cha, Papeisa leipa ta y leipa la; A cha ra tita, Na palôh pasa khah sy.

ZEREMIAH 17:9

Palôh he hmo zydua hlâta dôvei a thai chaipa châ ta, Pasichhih ngaitapa a châ; Ahy ma chyhsapa palôh a pahno thei aw?

HÔSIA 13:9

Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.

NÂHU 1:9

Khazia Abeipa cha nama tei tly? Tlokhuh chhâna patlôsa aw ta, Ano a thyuhnao chaneipa chariahpa y aw veih ei.

HMOTAOPAZY 4:25

Thlahpa Pathaihpa ta miah pathlatuhpa, châ chakaotuhpa Dâvi pakah ta, “‘Zenitaizy khazia ama pathi a ia, Phopizy khazia hmo hraoleipa ama pachâ?

RAWMA 1:21

Khazohpa cha pahno taraw ei ta, châhrasala Khazohpa hawhta palyupalih leipa ei ta, alyna bie hlâ hra veih ei. Hmo hraoleipa tlao pachâ via ei ta, ama pathipalôh hruna cha a vaw zoh haw.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

HEBRAI 12:5

Sawzy chhoreipa hawhta pasyuna biezy kha nama my ha ma? “Ei saw y, Abeipa chhoreina cha, Papeisa leipa ta y leipa la; A cha ra tita, Na palôh pasa khah sy.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.