HÔSIA 7:12 - Mara Bible RV (BSI)

¹² Sie hra ei sala, Ama chô lâta ei sao parai khâh aw ei na ta, Avâ pavawzy hawhta ei daophi aw ei; Ama zawpi ta bie ama theipa hawhta Ei chhorei aw ei.

HÔSIA 7:12 ပူးပေါင်းရင်းမြစ်များ

ZAWBÂ 19:6

Khazohpa ta thailei na pachâ ta, A sao ta eina khu tahpa pahno muh vy.

BIECHHOTUHPA 9:12

Châhrasala chyhsapa ta ano daihti awpa pahno vei. Sao chichhihpa liata ngazy amâ aopa hawhta nata khoheih liata pavawzy amâ aopa hawhta, daihti chhiepa eikhapi ta a vaw tlô thlu ti ei ta, chyhsa sawzy cha, cha liata amâ ao tyh.

ZEREMIAH 16:16

“Moh teh u, nga patutuhpa hluhpi tuah aw na ta, âmo ta Izarei sawzy cha ama patu aw. Cha khai tawhta sakathaipa hluhpi tuah heih aw na ta, âmo ta tlâhpi to nata tlâhthlôh to liata Izarei sawzy cha tlua aw ei ta, lôpanô khaoh to liata ama tlua aw.

ZEREMIAH 44:4

Chatahrasala nâ chakaotuhpa hrohsopazy nâmo lâ khâ vaw tuah ei na ta, ‘He hmo pasichhihpa ei hao ngaitapa he tao khao khuh vy!’ tahpa ta ama cha chho chanei ngâ thlâh ha.

EZEKIA 12:13

Ei sao ta khu aw na ta, ei khoheih liata paaopa a châ aw. Kaldia mo râh Babylaw lâ a chhi aw na ta, châhrasala râh cha hmô aw vei. Cha liata a thi aw.

EZEKIA 17:20

Ei sao ta khu aw na ta, ei khoheih liata a ao aw ta, Babylaw lâ ei chhi aw. Cha liata, ei chô liata a paraonazy vâta a thâtih ei pachia aw.

EZEKIA 32:3

Abeipa Zehôvâh ta hetana heta a tah: Ei sao ta cha khu aw na ta, Phopi hluhpi chhaota ei cha khu aw; Âmo ta ei sao chhôh liata ama châ daophi aw.

HÔSIA 5:9

Hriena noh liata Epharai cha roryhrapa ta a y aw, Izarei chizy chô liata a tlô thlyu awpa ei phuah.

BIEPHUAH 3:19

Kyh ei pachâpa cha pasipaao na ta, ei chhorei tyh. Chavâta phahnai a ngiah la, ro mah y.