HÔSIA 7:11 - Mara Bible RV (BSI)

¹¹ Epharai cha vachhuh lyu ta, Dôvei nao ta, palôh hnei vei; A châh ta Izi awsao ei ta, A châh ta Asuria lâ ama sie.

HÔSIA 7:11 ပူးပေါင်းရင်းမြစ်များ

2 ABEIZY 15:19

Asuria bei Puli ta Izarei râh za siehnao ta. Menâhe ta â beina pa-i awpa nata bao awpa ta Puli cha tâkâ talent sâh kha pie ta.

2 ABEIZY 16:7

Ahâza ta Asuria bei Tikalâpilesa lâ lyuhchâpa tuah ta, a hnohta, “Châ chakaotuhpa nata na sawchapawpa ei châ hih. A khy la, nâ dyuh ngâpa Aramia bei ku tawhta nata Izarei bei ku tawhta na kaw pachha teh,” tah ta.

BIESOZY 15:32

Pachuna a uasa leipa cha a hro khâpasaw ta a reih leipa châ ta, Chhoreina a nathliepa deikua cha novâhna a to aw.

BIESOZY 17:16

Ahrupa cha palôh a hnei leipa châ ta, Chavâta sona chalei nawpa ta a ku liata sôh sopa cha, Khâpa ma a phahnai aw?

BIESOZY 6:32

Chanô liata a pheipa cha, Hmo a pahno thai leipa châ ta; Cha hawhpa hmo a taopa cha, Anosasyh â paraopa a châ.

ZEREMIAH 2:18

Tahmâ Nile tizy doh awpa ta Izi lâpi nâ chhihpa cha, Khâpa athôhna ma na hmô aw? Ufrâti tizy doh awpa ta Asuria lâpi nâ chhihpa chhao, Khâpa athôhna ma na hmô aw?

ZEREMIAH 2:36

“Khazia na yzie pananopa ta, Nâ khiekhâ ngâ thlâh haw? Asuria ta maophyuhpa ta a cha sopa hawhna khata, Izi ta maophyuhpa ta a cha soh aw.

HÔSIA 11:11

Pavaw hawhta a chalyupa ta Izi râh tawhta a khy aw ei ta; Vachhuh hawhta a chalyupa ta Asuria tawhta amâ zu aw. Chatanachata ama o chyu lâta ei padisa heih aw ei, Abeipa ta a tah.

HÔSIA 12:1

Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.

HÔSIA 12:2

Abeipa ta Zudâh thailei pachâsa ta, A hrozie hawhta Zakaw cha hrie aw ta, A hmotaopazy hawhta viari a thô aw.

HÔSIA 14:3

Asuria ta miah pachha leipa aw ta, Arâzy kiah khao aw ma pi. Keimo ku ta taopa hmozy lâta, ‘Eima khazohzy nama châ,’ Tah khao hra aw ma pi. Hârapa ta nâ liata Zawngiahna a hmô tyh.

HÔSIA 4:11

Sihryhna nata kresawhti a ly ei ta, Kresawhti thiehpazy amâ ly; Chazy chata ama pahnona a pahlei lymâ.

HÔSIA 4:6

Pahno leina vâta Ei phopi cha paraopa a châ; Pahnona na dythapa vâta, Ei theihthaipa na châna tawhta Ei cha dytha ha hra. Na Khazohpa ryhpa na mypa vâta, Kei chhao ta na sawzy ei my hra aw.

HÔSIA 5:13

Epharai ta a pasana hmô ta, Zudâh ta a hmah a hmô nahta; Epharai cha Asuria lâ sie ta, Bei rônahpa lâ chyhsa a tuah. Châhrasala ano ta Cha patlâh thei leipa aw ei ta, Nama hmah paphasa thei aw vei.

HÔSIA 5:4

Ama hmotaopazy ta Ama Khazohpa lâ kua heih awpa pakhâ ha ta, Sihryh khona ta ama palôh bie ta, Abeipa pahno veih ei.

HÔSIA 8:13

Kei lâta atheihna ama hlâ tita, Atheihna sa hlâ ei ta, Cha cha ama nie tyh; Châhrasala Abeipa ta a pyh vei. Ama paraopazy Abeipa ta a thei thlah ha aw ta, Ama moleinazy vâta a hrie aw ei; Izi râh lâ amâ lie aw.

HÔSIA 9:3

Abeipa râh liata pahrâ thei aw veih ei; Epharai cha Izi râh lâ kua aw ta, Asuria râh liata pati pathaih leipa a nie aw.

HÔSIA 9:6

Moh teh u, raona amâ râsaipa chhao ta, Izi ta âmo cha patupakhy aw ta, Mephi ta a pabu aw ei. Thlahbei ta ama tâkâ hmobaoh sôhpazy hnei aw ta, Ama poh ozy liata ahlohzy a y aw.

ÔBADIA 1:7

Na viasa zydua ta na râhri taihta cha chadai ei ta, Nâ nata adyhna a taopazy ta Cha dôvei ei ta ama cha pahnie haw. Na viahchhâ a niepazy ta Na ry lâta khoheih cha chôkhâh ei ta, Châhrasala pahno va chi.

MATHAI 10:16

“Pachâ teh u, changie hry liata mietaku hawhta ei cha tua ei hih. Chavâta parihzy hawhta so u la, vachhuhzy hawhta nônaipa ta y teh u.