HÔSIA 7:1 - Mara Bible RV (BSI)

¹ Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

HÔSIA 7:1 ပူးပေါင်းရင်းမြစ်များ

ISAI 28:1

Epharai sahma paripazy apalaina lakho cha, A hu a po na! Ama rônahna nata angiana cha, Pawpi a lo haipa hawhta châ ta; Kresawhti iah zaipa, Saikao lei phapa luh liata lakho hawhta a châ.

ISAI 59:12

Eima paraonazy na hmiakô liata pôh via rili ta, Eima moleinazy ta miah ama leih tyh. Eima paraonazy eima hnohta khâ y ei ta, Eima moleinazy eima pahno.

ISAI 59:13

Hmoparaopa ta Abeipa a paphasai pi ta, Eima Khazohpa eima pazipa eima kuasai tyh; Tlybaina nata adyuhna biezy reih pi ta, Eima palôh ta haipa saw phaoh ta, Chazy cha eima reihpapua tyh.

ISAI 59:14

Ngâchhihna cha tlyliah liata a hluah ta, Biedopa â ngia thei leipa vâta, Adona cha hnôh lâ pakuasapa châ ta, Siana chhao lâhlapi liata â duah bâ.

ZEREMIAH 51:9

Babylaw cha patlâh a chhuah pi ta, Châhrasala tlâh thei vei. Chavâta ano cha siesai sih la, Eima râh chyu lâta sie ei suh u; Ano hrie nawpa kyh vârâh tlô ha ta, Avâ taihta chalopa a châ ha hih.

EZEKIA 16:46

Na narô uhtheinô cha Samâri châ ta, nâ tawhta nochhi lâ liata a sawchanôzy chhao ta ama pahrâ. Na narô seihnainô cha Sawdawmâ châ ta, nâ tawhta chho lâ liata a sawchanôzy chhao ta a pahrâ.

EZEKIA 23:4

A uhtheinô moh cha Ôhôlâ châ ta, a nawhtanô moh cha Ôhôlibâ a châ. Kei eih vaw châ ei ta, sawchapawzy nata sawchanôzy sa ei ta. Ama moh kyh liata, Ôhôlâ cha Samâri châ ta, Ôhôlibâ cha Zerusale a châ.

EZEKIA 24:13

Na pathaih leina cha aohraohna a châ. Cha pathaisa na ta, châhrasala na puana tawhta na pathaih hlei leipa vâta, na chô liata ei hiehâhna a pai hlâlei cha, na pathaih leina tawhta pathaih heih khao aw va chi.

HÔSIA 10:5

Bethave liata viahchaotawzy vâta, Samâri mo amâ chalyu aw; A rônahna ta a puasai hapa vâ ei ta, A chyhsazy ta cha thlu aw ei ta, A theihthaipazy amâ chalyu aw.

HÔSIA 11:12

Epharai ta haipa bie ta na chadô ta, Izarei chhôhkha ta dôveina ta eina chadô ei. Zudâh deikua cha, Khazohpa nata charei khoh ta, Pathaihpa chô liata ngâchhihpa ta a y.

HÔSIA 11:8

Hy Epharai, kheihta ma ei cha thy thei aw? Hy Izarei, kheihta ma chariah ku liata ei cha hlâ thei aw? Kheihta ma Adamâ hawhta ei cha tao thei aw? Kheihta ma Zebôi hawhta ei cha soh thei aw? Ei palôh a vaw nano ha ta, Ei tha eina pasa ha heih chi.

HÔSIA 12:1

Epharai cha ziza chahâpa ta, Noh y ta nochhi thlih a chadai ta, Haiphiana nata atudaina ama papôhsa. Asuria nata biehrai tao ei ta, Izi râh lâ sathaw ama paphao tyh.

HÔSIA 12:2

Abeipa ta Zudâh thailei pachâsa ta, A hrozie hawhta Zakaw cha hrie aw ta, A hmotaopazy hawhta viari a thô aw.

HÔSIA 4:17

Epharai cha nothlahpa nata a zao ha ta, Ano y ta y mawh sy.

HÔSIA 4:2

Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

HÔSIA 6:4

Hy Epharai, kheihta ma ei cha tao aw? Hy Zudâh, kheihta ma ei cha tao aw? Nâmo phana cha my meihdo hawh dei châ ta, My diati thlai ta a paipa hawh dei a châ.

HÔSIA 7:13

Ama hu a po na, Eina tleisaipa vâ ei ta; Paraopa ama châ, Einâ dyuhpa vâ ei ta. Âmo chatlai awpa khoh na ta, Châhrasala haipa bie ta tlao eina tei ei.

HÔSIA 8:5

Hy Samâri, Na viahchaotaw nothlahpa kha ei dytha; Ama chô liata ei hie a hâh ngaita. Khachâ ma sia leipa ta ama y aw tly?

HÔSIA 8:9

Epharai cha râh alâ ano dei ta a tlaihpa châ ta, Asuria lâ khy ei ta, Ama khopawzy ama kaw chalei.

AMÔSÂ 3:10

“Ama thokhy chhôh liata thachahra hmâh ei ta, Hraona a pachôpazy châta la, Â dopa ta hmo taozie pahno veih ei,” Abeipa ta a tah.

AMÔSÂ 3:9

“Asadô abei ozy liata phuah u la, Izi râh abei ozy liata phuah teh u: ‘Samâri tlâhpizy liata a hmaohpakhy u la, Cha liata tymâna rarôh ypazy moh u la, A chhôh liata tlybainazy a ypazy moh teh u.’”

AMÔSÂ 8:14

Samâri thaileichâna reipa ta, ‘Hy Dânâ, na khazoh hrona reipa ta ei reih,’ Tahpa ta bie â taihpazy pao aw ei ta; ‘Besebâ Lâpi hrona reipa ta ei reih,’ Tahpa ta bie â taihpazy ama pao aw; Thyu heih khao aw veih ei,” Abeipa Zehôvâh ta a tah.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

MATHAI 23:37

“Hy Zerusale, Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 13:34

Hy Zerusale, Hy Zerusale, hrohsopazy thie chi ta, nâ lâta tuapazy alô ta a vawhsaotuhpa khihpi! Awhpanô ta a tachhihzy a mathlaw ry liata a pahmaohpa hawhta, na sawzy pahmaoh a chhuah tyh na ta, châhrasala khoh va chi!

LUKA 19:42

“Aw, nâma ta, nâma tlai ta, na thlalôhna châta hmotaopazy he tanoh pahno thai mawh la ei tah kaw dia! Châhrasala tahmâ la na mohmô tawhta nyupa a châ haw.