HÔSIA 6:9 - Mara Bible RV (BSI)

⁹ Hraotuhpazy ta chyhsa amâ byhpa hawhta, Theihthaipazy chhao ta ama tao hra; Sekhe lâpi liata chyhsa thie ei ta, Moleina pasichhih ngaitapazy ama tao.

HÔSIA 6:9 ပူးပေါင်းရင်းမြစ်များ

ÂTHAONA 12:6

Abarâ cha râh chahryh ta, Sekhe su liata Môre thokô laipa taihta chahryh ta. Cha daihti liata, cha râh liata a pahrâpazy cha Kâna mozy ama châ.

1 ABEIZY 12:25

Zerôbaw cha Epharai tlâh râh liata Sekhe khih padua ta, cha liata pahrâ ta. Cha tawhna chata pua ta, Penia khihpi padua ta.

EZRÂ 8:31

Chatawhcha Zerusale lâ sie awpa­ ta, thla khana, noh hrawh hleinona noh ta, Ahavâ chavah tawhta pua pi ta. Eima Khazohpa ku cha eima chô liata y ta, lâpi liata miah a byhpa eima chariahzy ku tawhta miah pachha lymâ ta.

ZEREMIAH 11:9

Abeipa ta hetana heta eina chho heih: “Zudâh râhsawzy nata Zerusale khihsawzy ta arulâta eina tei ei.

EZEKIA 22:25

Râh beizy cha chakeibarôhneipa a rôh ta, sa tai ta, a hriechheihpa lyu ei ta, arulâta chyhsa teipa ta, chyhsa hronazy la ei ta, chyhsa ryubyhzy nata hmo sôhpazy lapa ei ta, râh liata nôhmei hluhpi ama paysa.

EZEKIA 22:27

Râh beimachâzy cha changie zohpa ta sa tai ta, a hriechheihpa lyu ei ta, â doleipa ta athôhna ama hmô thei nawpa ta, thisaih palo ei ta, chyhsa hronazy ama pahleipadia.

EZEKIA 22:9

Thisaih palo awpa ta chyhsa leih a hmâhpazy khihpi chhôh liata y ei ta, tlâhpizy liata pati a niepa chyhsazy chhao y ei ta, sihryhna hmo a taopazy chhao ama y.

EZEKIA 23:27

Na aohraohna nata Izi râh tawhta pathaopa ta nâ zuana zy kha pachhâsa aw na ta, chatanachata âmo lâ na mo khaih khao leipa aw chi ta, Izi chhao a thei khao aw va chi.

HÔSIA 2:10

A khopawzy mohmô lia tlai ta, Thluahruapa ta soh aw na ta, Ahy ta hmah ei ku tawhta pachha thei aw vei.

HÔSIA 4:2

Chhiesana nata haiphiana ta bie ta, Lianycheina nata paruna ta biepa ta, Apheina zy a pôh lymâ; Pakhâpa to parao khai ei ta, Thisaih lona â zao thlâh haw.

HÔSIA 5:1

Hy theihthaipazy saih u, He he thei teh u! Hy Izarei sawzy saih u, Nathlie teh u! Hy bei chhôhkhazy saih u, Nah pachôh teh u! Mizpâ châta khoheih châ ei chi ta, Tabaw liata sao nama paraipa vâta, Pachiana nama chô liata a vaw tlô.

HÔSIA 5:2

Dyuhtuhpazy ta chyhsa thata thie ei ta, Ama zydua ta ei chhorei aw ei.

HÔSIA 7:1

Izarei cha patlâh ei chhuahna maihta, Epharai moleina a vaw lâ tyh ta, Samâri paraona â vaw luah ha chhyh. Âdoleipa ta hmo ama tao; Parutuhpa ta o liata hmozy paru ta, Hraotuhpazy ta khôtho liata ama hrao tyh.

MIKÂ 3:9

Nâmo, Zakaw pathla chhituhpazy saih u, Nâmo, Izarei phopi ryureituhpazy saih u, Adona a hao ei chi ta, Apatlâpa a pakosapazy saih u,

MIKÂ 7:2

Khazohpa chyhsa cha, Alei tawhta leidia ha ta; Chyhsapa hry liata Adopa rai y khao veih ei; Thisaih palo awpa ta a byhpa sai châ ei ta, Sao ta a unawhpa a chadipa sai ama châ.

ZEPHANIA 3:3

A chhôh liata beimachâzy cha, Chakeibarôhneipa a rôh ngâpazy châ ei ta; A ryureituhpazy chhao, Zâ changie zohpa ama châ; My ta nie awpa dâhdei chhao, Pahlôh khao tyh veih ei.

MÂKA 14:1

Zawpakhô nata thinô pahlao leipa Viahchhâ Kyhchhi tlô hlâ noh nona liata, theihthai beizy nata ryhpa pachutuhpazy ta Zisu cha dôpakhei ta patupa ta, ama thie thei nawpa kyh tlua ei ta.

ZAWHÂNA 11:47

Theihthai beizy nata Phârisaihzy ta ryureituhpazy awpakhy ei ta, “Kheihta eima tao aw? He chyhsa heta hmonoâhpa hluhpi tao tlôh ta.

HMOTAOPAZY 4:24

Cha bie cha ama thei nahta, ama zydua ta â raohpa ta ao paro ngaitapa ta Khazohpa lâ thlahchhâ ei ta, “Hy Beichaipa, nâ cha lei nata vâ nata a chhôh liata a ypa zydua taotuhpa na châ.